ബെംഗളൂരു : കേംപെഗൗഡ വിമാനത്താവളത്തില്‍ പ്രവേശനം നിരോധിച്ച മേഖലയില്‍ നിന്ന് വീഡിയോ പകര്‍ത്തിയ യൂട്യൂബര്‍ അറസ്റ്റില്‍. യലഹങ്ക സ്വദേശിയായ വികാസ് ഗൗഡയെയാണ് കേംപെഗൗഡ എയര്‍പോര്‍ട്ട് പൊലീസ് അറസ്റ്റ് ചെയ്‌തത്. വികാസ് നിയമ വിരുദ്ധമായി വിമാനത്താവളത്തില്‍ എത്തുകയായിരുന്നു എന്ന് പൊലീസ് പറഞ്ഞു.
'യലഹങ്ക സ്വദേശിയായ യൂട്യൂബര്‍ വികാസ് ഗൗഡ വിമാനത്താവളത്തില്‍ എത്തിയത് അനധികൃതമായാണ്. ട്രാവല്‍ ടിക്കറ്റോ ഫ്ലൈറ്റ് ടിക്കറ്റോ ഇല്ലാതെ ഇയാള്‍ റണ്‍വേയ്‌ക്ക് സമീപം 24 മണിക്കൂര്‍ ചെലവഴിച്ചു. ഇതിന് പുറമെ എയര്‍പോര്‍ട്ട് ടെര്‍മിനലിലും റണ്‍വേയിലുമായി വീഡിയോ ചിത്രീകരിക്കുകയും ചെയ്‌തു. ചിത്രീകരിച്ച വീഡിയോ ഇയാളുടെ യൂട്യൂബ് ചാനലില്‍ പോസ്റ്റ് ചെയ്യുകയും ചെയ്‌തിട്ടുണ്ട്' -നോര്‍ത്ത് ഈസ്റ്റ് ഡിസിപി ലക്ഷ്‌മി പ്രസാദ് പറഞ്ഞു.