ആന്ധ്രാപ്രദേശ് : പശ്ചിമ ഗോദാവരി ജില്ലയിലെ നരസാപുരം മണ്ഡലത്തിലെ റുസ്തുംബാദ ക്രോഷെ ലേസ് പാർക്കിന് ഭൗമ സൂചിക (Geographical Identification) പദവി. വസ്ത്ര നിര്മാണത്തിന് ഉപയോഗിക്കുന്ന ലേസ് നെയ്യുന്നതിൽ ഗോദാവരി ജില്ലയിലെ പല സ്ത്രീകളും പ്രത്യേക പ്രാവീണ്യം ഉള്ളവരാണ്. ഇവരെയെല്ലാം ഒരു കുടക്കീഴിൽ കൊണ്ടുവരുന്നതിനായി 2000 ത്തിലാണ് കേന്ദ്രസർക്കാരിന്റെ സഹായത്തോടെ ലേസ് പാർക്ക് സ്ഥാപിക്കുന്നത്.
അന്നുമുതൽ, വിപണി ആവശ്യങ്ങൾക്കനുസരിച്ച് സ്ത്രീകൾ ലേസ് നെയ്യുന്ന ജോലിയില് ഏർപ്പെട്ടിരുന്നു. ലേസ് പാർക്കിന് ഭൂമിശാസ്ത്രപരമായ അംഗീകാരം ലഭിക്കുന്നത് നല്ല കാര്യമാണെന്ന് ഭീമാവരം ജില്ല ഗ്രാമവികസന ഏജൻസി (ഡിആർഡിഎ) പിഡി എംഎസ്എസ് വേണുഗോപാൽ പറഞ്ഞു.