റാഞ്ചി:ജാർഖണ്ഡിലെ ജംഷഡ്‌പൂരിൽ പരിശീലന വിമാനം തകർന്നു വീണു. ജംഷഡ്‌പൂരിലെ സൊനാരി വിമാനത്താവളത്തിൽ നിന്ന് പറന്നുയർന്ന വിമാനമാണ് ക്രാഷ് ലാൻഡ് ചെയ്‌ത് പൂർണമായും തകർന്നത്. ഇന്ന് (ഓഗസ്‌റ്റ് 20) രാവിലെ 11 മണിക്ക് പുറപ്പെട്ട വിമാനം പറന്നുയർന്ന ഉടൻ എയർ ട്രാഫിക് കൺട്രോളുമായുള്ള ബന്ധം നഷ്‌ടപ്പെട്ടിരുന്നതായി അധികൃതർ പറഞ്ഞു.
വിമാനത്തിൽ രണ്ട് പൈലറ്റുമാർ ഉണ്ടായിരുന്നെന്നും, അവർ എവിടെയാണെന്ന് കണ്ടെത്താനായില്ലെന്നും അധികൃതർ അറിയിച്ചു. അതേസമയം ജിജിക പഞ്ചായത്തിലെ ബറുബേരയിൽ നിന്ന് വിമാനത്തിന്‍റെ അവശിഷ്‌ടങ്ങൾ കണ്ടെത്തിയതായും അവര്‍ വ്യക്തമാക്കി