ചണ്ഡീഗഡ്: ഹരിയാനയിൽ ഇന്ന് (ഒക്ടോബർ 5) നിയമസഭാ തെരഞ്ഞെടുപ്പ്. രാവിലെ 7 മണിക്ക് തുടങ്ങിയ പോളിങ് വൈകീട് 6 വരെ നീളും. 90 സീറ്റുകളിലേക്കാണ് മത്സരം നടക്കുന്നത്. സംസ്ഥാനത്തുടനീളം 20,632 പോളിങ് ബൂത്തുകള്‍ സജ്ജീകരിച്ചിട്ടുണ്ട്. 2 കോടിയിലധികം വോട്ടർമാരാണ് ഹരിയാനയിലുള്ളത്.
ബിജെപിയും കോൺഗ്രസും തമ്മിലാണ് പ്രധാന മത്സരം. കഴിഞ്ഞ രണ്ട് തവണയും അധികാരത്തിലേറിയ ബിജെപി മൂന്നാമൂഴത്തിനായാണ് ഇത്തവണ ജനവിധി തേടുന്നത്. അതേസമയം, കോൺഗ്രസിനെ സംബന്ധിച്ചിടത്തോളം ഒരു പതിറ്റാണ്ടിനു ശേഷമുള്ള തിരിച്ചുവരവിനുള്ള സാധ്യതകൾ തിരയുകയാണ് ഈ തെരഞ്ഞെടുപ്പ്. ഇരുപാർട്ടികളെ കൂടാതെ ആം ആദ്‌മി, ജെജെപി, ഉൾപ്പെടെ നിരവധി പ്രാദേശിക പാർട്ടികളും മത്സര രംഗത്തുണ്ട്.