Doctor giving CPR on road (source: ETV Bharat reporter)
അമരാവതി: കളിച്ചുകൊണ്ടിരിക്കെ വൈദ്യുതാഘാതമേറ്റ് റോഡിൽ കുഴഞ്ഞുവീണ കുഞ്ഞിന്‍റെ ജീവന്‍ രക്ഷിച്ച് അമരാവതി മെഡ്‌സി ആശുപത്രിയിലെ ഗൈനക്കോളജിസ്റ്റ്. കുട്ടിയെ തോളിലേറ്റി രക്ഷിതാക്കൾ ആശുപത്രിയിലേക്ക് പോകവെ സംഭവം കണ്ട ഡോക്‌ടര്‍ നന്നപ്പനേനി റാവലി സമയോജിതമായി ഇടപെടുകയായിരുന്നു. മാതാപിതാക്കളില്‍ നിന്നും വിവരം ചോദിച്ചറിഞ്ഞ അവര്‍ പരിശോധന നടത്തിയ ശേഷം റോഡിൽ വച്ച് തന്നെ കുട്ടിക്ക് സിപിആർ നല്‍കി.
തക്കസമയത്ത് സിപിആർ നല്‍കിയതോടെ കുഞ്ഞിന്‍റെ ജീവന്‍ തിരിച്ചു കിട്ടി. വിജയവാഡയിൽ നടന്ന ഈ സംഭവത്തിൻ്റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. വിജയവാഡ അയ്യപ്പ നഗർ സ്വദേശിയായ സായി എന്ന ആറുവയസുകാരന് മെയ് അഞ്ചിന് വൈകുന്നേരമാണ് കളിക്കിടെ അബദ്ധത്തിൽ വൈദ്യുതാഘാതമേല്‍ക്കുന്നത്. ഇതോടെ കുട്ടി ബോധരഹിതനായി.