ലഖ്‌നൗ: കടയ്ക്ക് സമീപം മൂത്രമൊഴിച്ചതിന് ദലിത് യുവാവിന് മർദനം. കടയുടമയും മക്കളും ചേർന്നാണ് 18കാരനെ മർദനത്തിനിരയാക്കിയത്. സംഭവത്തില്‍ കടയുടമയ്‌ക്കും കുടുംബത്തിനുമെതിരെ പൊലീസ് കേസ് രജിസ്റ്റര്‍ ചെയ്‌തു.
രാജ്‌പുരയിൽ താമസിക്കുന്ന ആദിത്യ സോങ്കർ (18) ഒക്ടോബർ 8ന് ചൗരി റോഡ് ബ്ലോക്കിന് സമീപം മൂത്രമൊഴിക്കുന്നത് മൗര്യ കുടുംബം കണ്ടിരുന്നു. അടുത്ത ദിവസം യുവാവിനെ തടഞ്ഞ് നിർത്തുകയും ഇവര്‍ സംഭവത്തെക്കുറിച്ച് ചോദിക്കുകയും ചെയ്‌തു. പിന്നാലെ കുടുംബം യുവാവിനെ ജാതീയമായി അധിക്ഷേപിക്കുകയും ഗുരുതര മർദനത്തിനിരയാക്കുകയുമായിരുന്നു.