കൊൽക്കത്ത : കൊൽക്കത്ത വിമാനത്താവളത്തിൽ ഡ്യൂട്ടിക്കിടെ സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്‌സ് (സിഐഎസ്എഫ്) ജവാൻ സ്വയം വെടിവെച്ച് ജീവനൊടുക്കി. സി വിഷ്‌ണു എന്ന 25 കാരനായ ജവാനാണ് മരിച്ചത്. ഇന്ന് (28-03-2024) രാവിലെ 5.15 ഓടെയാണ് സംഭവം.
നേതാജി സുഭാഷ് ചന്ദ്രബോസ് ഇന്‍റര്‍നാഷണൽ എയർപോർട്ടിലെ ഗേറ്റ് നമ്പർ 5ന് പുറത്ത് ഡ്യൂട്ടിയില്‍ നില്‍ക്കുകയായിരുന്നു ജവാന്‍. 5.15 ഓടെ സർവീസ് തോക്കുപയോഗിച്ച് സ്വയം തലയ്‌ക്ക് വെടി വയ്ക്കുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.