പൗരത്വ ഭേദഗതി നിയമം; നാല് വർഷത്തെ ഇടവേളയ്ക്ക് ശേഷം അസം വീണ്ടും പ്രതിഷേധത്തിലേക്ക്

AASUവിന്‍റെ നേതൃത്വത്തിൽ 30 ആദിവാസി സംഘടനകൾ മാർച്ച് 4 മുതൽ സംസ്ഥാനത്തുടനീളം CAA വിരുദ്ധ സമരം ആരംഭിക്കുമെന്ന് നേരത്തെ പ്രഖ്യാപിച്ചിരുന്നു. എന്നാൽ പിന്നീട് ബോർഡ് പരീക്ഷകൾ കണക്കിലെടുത്ത് മാർച്ച് 7 മുതൽ ഇത് പുനഃക്രമീകരിക്കുകയായിരുന്നു.

ഗുവാഹത്തി: ലോക്‌സഭാ തെരഞ്ഞെടുപ്പിന് മുന്നോടിയായി പൗരത്വ ഭേദഗതി നിയമം രാജ്യത്ത് നടപ്പാക്കുമെന്ന് കേന്ദ്രസർക്കാർ പ്രഖ്യാപനത്തെ തുടര്‍ന്ന് അസമിലെ സാഹചര്യങ്ങള്‍ വീണ്ടും തിളച്ചുമറിയുകയാണ്. നാല് വർഷത്തെ ഇടവേളയ്ക്ക് ശേഷം പൗരത്വ ഭേദഗതി നിയമത്തിനെതിരായ പ്രകടനങ്ങൾ സംസ്ഥാനത്ത് ആരംഭിച്ചു (Anti CAA protest launched in assam).

ഓൾ അസം സ്റ്റുഡന്‍റ് യൂണിയന്‍റെ കീഴിലുള്ള 30 സംഘടനകളാണ് ഇന്ന് മുതൽ (07-03-2024) സംസ്ഥാന വ്യാപകമായി സിഎഎ വിരുദ്ധ പ്രതിഷേധം ആരംഭിച്ചത്. നിയമത്തിനെതിരായ പ്രതിഷേധ പരമ്പരയുടെ ആദ്യ ഘട്ടമായി AASU, AJYCP എന്നിവയുടെ ബാനറിൽ CAA വിരുദ്ധ മുദ്രാവാക്യങ്ങളുമായി ജില്ലാ ആസ്ഥാനങ്ങളിൽ ബൈക്ക് റാലികൾ നടത്തി.

ബുധനാഴ്‌ച (06-03-2024) ഗുവാഹത്തി, ജോർഹട്ട്, ഗോലാഘട്ട്, ദിബ്രുഗഡ്, നാഗോൺ, തേസ്പൂർ, ബാർപേട്ട, നാൽബാരി തുടങ്ങിയ സ്ഥലങ്ങളിൽ വിദ്യാർഥി സംഘടനയിലെ ലക്ഷക്കണക്കിന് പ്രവർത്തകർ കേന്ദ്ര സർക്കാരിനെതിരെ റാലികൾ നടത്തിയിരുന്നു.

AASUവിന്‍റെ നേതൃത്വത്തിൽ 30 ആദിവാസി സംഘടനകൾ മാർച്ച് 4 മുതൽ സംസ്ഥാനത്തുടനീളം CAA വിരുദ്ധ സമരം ആരംഭിക്കുമെന്ന് നേരത്തെ പ്രഖ്യാപിച്ചിരുന്നു. എന്നാൽ പിന്നീട് ബോർഡ് പരീക്ഷകൾ കണക്കിലെടുത്ത് മാർച്ച് 7 മുതൽ ഇത് പുനഃക്രമീകരിക്കുകയായിരുന്നു (Anti CAA protest launched in assam).

2019 ഡിസംബർ 11നാണ് പാർലമെന്‍റിൽ പൗരത്വ ഭേദഗതി നിയമം പാസാക്കിയത്. സംസ്ഥാനം വൻ പ്രതിഷേധങ്ങള്‍ക്കാണ് അന്ന് സാക്ഷ്യം വഹിച്ചത്. സമൂഹത്തിലെ വിവിധ തലത്തിലുള്ളവർ പ്രതിഷേധവുമായി തെരുവിലിറങ്ങി. അത്തരമൊരു നിയമം കൊണ്ടുവരാനുള്ള തീരുമാനം 2019ൽ സംസ്ഥാനത്തെ പിടിച്ചുകുലുക്കി.

വലിയ തോതിലുള്ള അക്രമവും ക്രമസമാധാന തകർച്ചയും നിറഞ്ഞ പ്രതിഷേധത്തിനിടെ ഗുവാഹത്തിയിൽ പൊലീസ് നടപടിയിൽ അഞ്ച് യുവാക്കൾക്ക് ജീവൻ നഷ്ടപ്പെട്ടു. അസം വിദേശികൾക്ക് മാലിന്യം നിക്ഷേപിക്കുന്ന സ്ഥലമല്ലെന്ന് പ്രതിഷേധക്കാർ പറഞ്ഞു. അസമിലെ ജനങ്ങൾ പരക്കെ നിരാകരിച്ച ഈ നിയമം ഇതുവരെ നടപ്പാക്കിയിട്ടില്ല.