പൂര്‍ണിയ:രണ്ട് പെണ്ണ് കെട്ടി പുലിവാല് പിടിച്ചിരിക്കുകയാണ് ശങ്കര്‍ ഷാ എന്ന യുവാവ്. സംഭവം കോടതിയിലെത്തിയതോടെ തലവേദനയ്ക്ക് തെല്ല് ശമനമായി. ഭര്‍ത്താവിനെ പങ്കിടുന്നതിനെ ചൊല്ലി ഭാര്യമാര്‍ തമ്മിലുണ്ടായ തര്‍ക്കം കോടതി ഇടപെട്ട് പരിഹരിച്ചു.
ആഴ്‌ചയില്‍ ഏഴ് ദിവസമുള്ളത് വിഭജിച്ച് നല്‍കിയപ്പോള്‍ ആദ്യഭാര്യയ്ക്ക് തന്നെയാണ് കോടതി മുന്‍തൂക്കം നല്‍കിയത്. ആഴ്‌ചയില്‍ നാല് ദിവസം ആദ്യ ഭാര്യയ്ക്ക് നല്‍കിയപ്പോള്‍ മൂന്ന് ദിവസം രണ്ടാം ഭാര്യയ്ക്ക് വേണ്ടി നീക്കി വയ്ക്കാനും നിര്‍ദ്ദേശിച്ചു. ബിഹാറിലെ പൂര്‍ണിയ ജില്ലയിലാണ് സംഭവം.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ബിഹാറിലെ പൂര്‍ണിയ ജില്ലയിലെ പൊലീസ് കുടുംബ കൗണ്‍സിലിങ് സെന്‍ററാണ് രണ്ട് ഭാര്യമാര്‍ തമ്മിലുണ്ടായ തര്‍ക്കത്തിന്‍റെ പരിഹാര വേദിയായി മാറിയത്. പൂര്‍ണിയയിലെ രൂപാലി പൊലീസ് സ്റ്റേഷന്‍ പരിധിയില്‍ താമസിക്കുന്ന ശങ്കര്‍ഷാ എന്നയാള്‍ക്കെതിരെ ആദ്യഭാര്യ പൂര്‍ണിമ ജില്ലാ പൊലീസ് മേധാവി കാര്‍ത്തികേയ ശര്‍മ്മയ്ക്ക് മുന്നില്‍ പരാതിയുമായി എത്തിയതോടെയാണ് സംഭവം പുറത്ത് വരുന്നത്. ശങ്കറിനെ ഇവര്‍ 2000ത്തിലാണ് വിവാഹം കഴിച്ചത്. എന്നാല്‍ ഇവരറിയാതെ ഇയാള്‍ വീണ്ടും ഉഷാദേവി എന്നൊരു സ്‌ത്രീയെക്കൂടി വിവാഹം കഴിച്ചു.
കൗണ്‍സിലിങ് കേന്ദ്രത്തിലേക്ക് വിട്ട് എസ്‌പി