കണ്ണൂർ: കണ്ണൂർ കോർപ്പറേഷനിൽ അവിശ്വാസ പ്രമേയത്തിന് യുഡിഎഫ് നോട്ടീസ് നൽകി. എൽഡിഎഫ് മേയർ ഇ. പി. ലതയെ മാറ്റാനുള്ള ഭൂരിപക്ഷം പ്രതിപക്ഷത്തിനുണ്ടെന്ന് കാണിച്ച് ജില്ലാ കലക്ടർക്കാണ് നോട്ടീസ് നൽകിയത്. കോൺഗ്രസ് വിമതൻ പികെ രാഗേഷിന്‍റെ പിന്തുണ ഉറപ്പായതോടെയാണ് അവിശ്വാസ പ്രമേയം അവതരിപ്പിക്കാൻ യുഡിഎഫ് തീരുമാനിച്ചത്. നിലവിൽ എൽഡിഎഫിനും യുഡിഎഫിനും 27 സീറ്റ് വീതമാണുള്ളത്. വിമതനായ ഡെപ്യൂട്ടി മേയർ പി കെ രാഗേഷ് യുഡിഎഫിന് അനുകൂലമായി വോട്ടു ചെയ്യുമെന്ന ഉറപ്പിലാണ് യുഡിഎഫ് അവിശ്വാസ പ്രമേയത്തിന് നോട്ടീസ് നൽകിയിരിക്കുന്നത്.
കണ്ണൂർ കോർപ്പറേഷൻ മേയർക്കെതിരെ യുഡിഎഫ് അവിശ്വാസ പ്രമേയത്തിന് നോട്ടീസ് നൽകി