കൊയിലാണ്ടി ഗുരുദേവ കോളജിലെ സംഘർഷം (ETV Bharat)
കോഴിക്കോട്: കൊയിലാണ്ടി ഗുരുദേവ കോളജിലെ സംഘർഷവുമായി ബന്ധപ്പെട്ട് എസ്എഫ്ഐക്കാർക്കും പ്രിൻസിപ്പലിനുമെതിരെ കേസെടുത്ത് പൊലീസ്. പ്രിൻസിപ്പൽ സുനിൽ കുമാറിന്‍റെ പരാതിയിൽ ഇരുപതോളം എസ്എഫ്ഐ പ്രവർത്തകർക്കെതിരെയും കൊയിലാണ്ടി എസ്എഫ്ഐ ഏരിയ പ്രസിഡന്‍റ് അഭിനവിന്‍റെ പരാതിയിൽ പ്രിൻസിപ്പലിനെതിരെയും സ്റ്റാഫ് സെക്രട്ടറി രമേശനെതിരെയും കേസെടുത്തു. ഡിഗ്രി പ്രവേശനവുമായി ബന്ധപ്പെട്ട് ഹെല്‍പ്പ് ഡെസ്‌ക് രൂപീകരണവുമായി ബന്ധപ്പെട്ട തര്‍ക്കമാണ് സംഘർഷത്തിൽ കലാശിച്ചത്.
എസ്എഫ്ഐ പ്രവർത്തകർ കൈ പിടിച്ചു തിരിക്കുകയും മര്‍ദിക്കുകയും ചെയ്തെന്നാണ് പ്രിന്‍സിപ്പലിന്‍റെ ആരോപണം. പ്രിൻസിപ്പലും കോളജിലെ ഒരു അധ്യാപകനും കൊയിലാണ്ടി താലൂക്ക് ആശുപത്രിയിൽ ചികിത്സ തേടിയിട്ടുണ്ട്. പ്രിൻസിപ്പലിന്‍റെ പരാതിയിൽ കണ്ടാലറിയുന്ന ഇരുപതോളം പേർക്കെതിരെ കൊയിലാണ്ടി പൊലീസ് കേസെടുത്തു.
