ഇടുക്കി: പൂപ്പാറയിലെ തേയിലക്കാടുകള്‍ സാമൂഹ്യവിരുദ്ധരുടെയും മദ്യപ സംഘങ്ങളുടെയും താവളമായി മാറിയതായി പരാതി. പകൽ സമയങ്ങളിൽ പോലും ഇത് വഴിനടക്കാന്‍ കഴിയാത്ത സാഹചര്യമാണെന്നാണ് പ്രദേശവാസികളുടെ ആരോപണം. കഴിഞ്ഞ ദിവസം പൂപ്പാറയിലെ തേയിലത്തോട്ടത്തിൽ വച്ചാണ് പതിനഞ്ചുകാരിയെ കൂട്ട ബലാത്സംഗം ചെയ്‌തത്.
പ്രദേശവാസികളുടെ പ്രതികരണം
ഇടുക്കി ജില്ലയിലെ അതിർത്തി ഗ്രാമമായ പൂപ്പാറ ടൗണിനോട് ചേർന്ന് കിടക്കുന്ന പച്ചവിരിച്ച തേയിലക്കാടുകള്‍ പുറമെ നിന്ന് നോക്കുമ്പോൾ മനോഹരമാണ്. എന്നാല്‍ സാമൂഹ്യവിരുദ്ധരെ പേടിച്ച് ഇതിലൂടെ നടന്ന് പോകാന്‍ പോലും കഴിയാത്ത സ്ഥിതിയാണെന്നാണ് പ്രദേശവാസികള്‍ പറയുന്നത്. തേയിലക്കാടുകള്‍ക്ക് നടുവിലുള്ള പാറപുറങ്ങളാണ് മദ്യപ സംഘങ്ങളുടെ കേന്ദ്രം.