മുംബൈ: ഇന്ത്യൻ പ്രീമിയർ ലീഗിന്റെ 15-ാം സീസണിന് ഭീഷണിയായി ബയോബബിളിൽ കൊവിഡ് ഭീതി തുടരുന്നു. ഡൽഹി ക്യാപ്പിറ്റൽസിന്റെ ടീം ഫിസിയോ പാട്രിക് ഫർഹാർട് കൊവിഡ് സ്ഥിരീകരിച്ചിരുന്നു. ഇതിന് പിന്നാലെയാണ് ഒരു താരത്തിന് റാപ്പിഡ് ആന്റിജൻ ടെസ്റ്റിൽ വൈറസ് ബാധ കണ്ടെത്തിയെന്നും സ്ഥിരീകരിക്കാനായി ആർടി-പിസിആർ പരിശോധനകൾക്ക് വിധേയനാകുമെന്നും ക്രിക്ബസ് റിപ്പോര്ട്ട് ചെയ്തു.
കൊവിഡ് ആശങ്കയുയർന്നതോടെ ഡല്ഹിയുടെ മുഴുവന് താരങ്ങളെയും ക്വാറന്റീനിലാക്കും. ഇന്നും നാളെയും താരങ്ങള്ക്ക് കൊവിഡ് പരിശോധന നടക്കും. കൊവിഡ് ഭീതി കാരണം ഡല്ഹി ടീമിന്റെ ഇന്നത്തെ പുനെ യാത്ര ഉപേക്ഷിച്ചു. പുനെയില് ബുധനാഴ്ച പഞ്ചാബ് കിംഗ്സുമായിട്ടാണ് ഡല്ഹി ക്യാപിറ്റല്സിന്റെ അടുത്ത മത്സരം.