കുംബളങ്ങി നൈറ്റ്സ് എന്ന മധു.സി.നാരായണന് സിനിമയിലെ ഷെയ്ന് നിഗം കഥാപാത്രത്തിന്റെ ചങ്ക് ഫ്രണ്ടായ ഫ്രീക്കനെ മലയാളികള് മറക്കാനിടയില്ല. ബോബിയുടെ ഫ്രീക്കന് ഫ്രണ്ട് സൂരജ് പോപ്സ് മലയാളവും കടന്ന് തമിഴിലെത്തിയിരക്കുകയാണിപ്പോള്. വിജയ് ആന്റണി ചിത്രം കോടിയില് ഒരുവനില് വില്ലന് വേഷത്തിലാണ് സൂരജ് എത്തിയിരിക്കുന്നത്. കഴിഞ്ഞ ദിവസം പുറത്തിറങ്ങിയ സിനിമയുടെ ടീസറിലും സൂരജ് നിറഞ്ഞുനില്ക്കുന്നുണ്ട്. 2016ൽ പുറത്തിറങ്ങിയ മെട്രോ സിനിമ സംവിധാനം ചെയ്ത അനന്ദ കൃഷ്ണനാണ് കോടിയിൽ ഒരുവനും സംവിധാനം ചെയ്തിരിക്കുന്നത്. ത്രില്ലര് മൂഡിലൊരുക്കിയിരിക്കുന്ന സിനിമയില് ആക്ഷനും പ്രണയവുമെല്ലാം നിറഞ്ഞുനില്ക്കുന്നുണ്ട്.
കുംബളങ്ങി നൈറ്റ്സിലെ ഫ്രീക്കന് വിജയ് ആന്റണി ചിത്രത്തില് വില്ലന്, 'കോടിയില് ഒരുവന്' ടീസറെത്തി
കഴിഞ്ഞ ദിവസം പുറത്തിറങ്ങിയ സിനിമയുടെ ടീസറിലും സൂരജ് നിറഞ്ഞുനില്ക്കുന്നുണ്ട്. 2016ൽ പുറത്തിറങ്ങിയ മെട്രോ സിനിമ സംവിധാനം ചെയ്ത അനന്ദ കൃഷ്ണനാണ് കോടിയിൽ ഒരുവനും സംവിധാനം ചെയ്തിരിക്കുന്നത്
![കുംബളങ്ങി നൈറ്റ്സിലെ ഫ്രീക്കന് വിജയ് ആന്റണി ചിത്രത്തില് വില്ലന്, 'കോടിയില് ഒരുവന്' ടീസറെത്തി കോടിയില് ഒരുവന് ടീസറെത്തി Kodiyil Oruvan Official Teaser Vijay Antony Aathmika sooraj pops news sooraj pops movies sooraj pops kumbalangi nights കോടിയില് ഒരുവന് വിജയ് ആന്റണി വിജയ് ആന്റണി സിനിമകള്](https://etvbharatimages.akamaized.net/etvbharat/prod-images/768-512-10100814-252-10100814-1609654399331.jpg)
കുംബളങ്ങി നൈറ്റ്സിലെ ഫ്രീക്കന് വിജയ് ആന്റണി ചിത്രത്തില് വില്ലന്, കോടിയില് ഒരുവന് ടീസറെത്തി
മീസയെ മുറുക്ക് എന്ന സിനിമയിലൂടെ ശ്രദ്ധേയയായ നടി ആത്മികയാണ് ചിത്രത്തിലെ നായിക. എൻ.എസ് ഉദയകുമാറാണ് ഛായാഗ്രാഹണം. നിവാസ്.കെ.പ്രസന്ന സംഗീത സംവിധാനം നിർവഹിക്കുന്നു. ചെന്തൂർ ഫിലിം ഇന്റര്നാഷണലിന്റെ ബാനറിൽ ടി.ഡി രാജയാണ് ചിത്രം നിർമിച്ചിരിക്കുന്നത്. സിനിമയുടെ ഫസ്റ്റ്ലുക്ക് നേരത്തെ നടന് വിജയ് ആന്റണിയും സോഷ്യല് മീഡിയയില് പങ്കുവെച്ചിരുന്നു. നടന് കാര്ത്തിയാണ് ടീസര് പുറത്തുവിട്ടത്.