ലോകേഷ് കനകരാജ്-കമൽഹാസൻ-വിജയ് സേതുപതി-ഫഹദ് ഫാസിൽ കോമ്പോ ചിത്രത്തിൽ കാളിദാസ് ജയറാമും. വിക്രത്തിൽ കാളിദാസ് ജോയിൻ ചെയ്ത വിവരം സംവിധായകൻ ലോകേഷ് കനകരാജ് തന്‍റെ സമൂഹ മാധ്യമത്തിലൂടെ അറിയിച്ചു. ഉലകനായകനൊപ്പമുള്ള കാളിദാസിന്‍റെ ചിത്രവും ലോകേഷ് പങ്കുവച്ചു.
ചിത്രത്തിൽ കമൽഹാസന്‍റെ മകന്‍റെ വേഷമാണ് കാളിദാസ് അവതരിപ്പിക്കുന്നതെന്നാണ് റിപ്പോർട്ടുകൾ. സിനിമയുടെ ഷൂട്ടിങ് അടുത്തിടെ ആരംഭിച്ചിരുന്നു. പൊളിറ്റിക്കൽ ത്രില്ലറായ ചിത്രത്തിന്‍റെ ഷൂട്ടിങ് ഒറ്റ ഷെഡ്യൂളിൽ പൂർത്തിയാക്കാനാണ് പദ്ധതിയിട്ടിരിക്കുന്നത്.