ಗಣರಾಜ್ಯೋತ್ಸವ ಪರೇಡ್ನಲ್ಲಿ ಹೆಜ್ಜೆ ಹಾಕಿದ ಫ್ರಾನ್ಸ್ ಸೇನಾ ತುಕಡಿ: ವಿಡಿಯೋ - ಗಣರಾಜ್ಯೋತ್ಸವದ ಸಂಭ್ರಮ
Published : Jan 26, 2024, 12:07 PM IST
ನವದೆಹಲಿ: ಭಾರತ ಇಂದು 75ನೇ ಗಣರಾಜ್ಯೋತ್ಸವದ ಸಂಭ್ರಮದಲ್ಲಿದೆ. ರಾಷ್ಟ್ರ ರಾಜಧಾನಿ ದೆಹಲಿಯ ಕರ್ತವ್ಯ ಪಥದಲ್ಲಿ ಮಿಲಿಟರಿ ಶಕ್ತಿ, ಮಹಿಳಾ ಸಬಲೀಕರಣ, ಸಂಸ್ಕೃತಿ ಹಾಗು ಪರಂಪರೆಯನ್ನು ಬಿಂಬಿಸುವ ಪರೇಡ್ ವೈಭವ ನಡೆಯಿತು.
ಪರೇಡ್ನಲ್ಲಿ ಫ್ರಾನ್ಸ್ನ ಸೇನಾ ತುಕಡಿ ಹೆಜ್ಜೆ ಹಾಕಿತು. 95 ಸದಸ್ಯರಿದ್ದ ಕವಾಯತು ತಂಡ ಮತ್ತು 33 ಸದಸ್ಯರ ಬ್ಯಾಂಡ್ ಪಾಲ್ಗೊಂಡಿತು. ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ವಿವಿಧ ಸೇನಾ ತುಕಡಿಗಳಿಂದ ಗೌರವ ವಂದನೆ ಸ್ವೀಕರಿಸಿದರು. ಭಾರತೀಯ ಭೂಸೇನೆ, ನೌಕಾಪಡೆ, ವಾಯುಪಡೆ, ಪೊಲೀಸ್ ಮತ್ತು ಅರೆಸೈನಿಕ ಸಿಬ್ಬಂದಿ ಭಾಗವಹಿಸಿದ್ದರು. ಸುಮಾರು 90 ನಿಮಿಷಗಳ ಕಾಲ ಪರೇಡ್ ನಡೆಯಿತು.
ಫ್ರಾನ್ಸ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡಿದ್ದರು. ಎರಡು ದಿನಗಳ ಭಾರತ ಭೇಟಿಯಲ್ಲಿರುವ ಅವರು ಗುರುವಾರ ರಾಜಸ್ಥಾನದ ಜೈಪುರಕ್ಕೆ ಬಂದಿಳಿದಿದ್ದರು.
ಇನ್ನು, ರಾಷ್ಟ್ರೀಯ ಮಹಿಳಾ ಶಕ್ತಿ ಮತ್ತು ಪ್ರಜಾಸತ್ತಾತ್ಮಕ ಮೌಲ್ಯಗಳನ್ನು ಬಿಂಬಿಸುವ ಆಚರಣೆಗಳು ಈ ಪರೇಡ್ನ ಭಾಗವಾದವು. ಮಹಿಳಾ ಕಲಾವಿದರಿದ್ದ 'ಆವಾಹನ' ತಂಡದ ಮೂಲಕ ಪರೇಡ್ ಆರಂಭವಾಯಿತು.
ಇದನ್ನೂ ಓದಿ : ಭಾರತದ ಗಣರಾಜ್ಯೋತ್ಸವ: ಈವರೆಗೆ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡ ವಿಶ್ವ ನಾಯಕರು