ನಂದಿಯಂತಿರುವ ಬೈಕ್​ನಲ್ಲಿ ಶಿವಭಕ್ತ: ವಿಡಿಯೋ ವೈರಲ್​ - shivaratri 2024

ಹರಿದ್ವಾರ (ಉತ್ತರಾಖಂಡ): ಶಿವನ ವೇಷ ಧರಿಸಿರುವ 'ಕನ್ವರಿಯಾ'ನ (ಶಿವಭಕ್ತ) ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ಸದ್ದು ಮಾಡಿದೆ. ನಂದಿ ಶೈಲಿಯಲ್ಲಿರುವ ಬೈಕ್ ಅನ್ನು ಶಿವವೇಷಧಾರಿ ಓಡಿಸುತ್ತಿರುವುದನ್ನು ಕಾಣಬಹುದು. ನೋಡುಗರು ಕುತೂಹಲದಿಂದ ಈ ದೃಶ್ಯ ವೀಕ್ಷಿಸಿದ್ದು, ಶಿವಭಕ್ತ ತನ್ನ ನಂದಿ ಬೈಕ್‌ನಲ್ಲಿ ಹೋಗುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ. ಉತ್ತರಾಖಂಡದ ಹರಿದ್ವಾರದಲ್ಲಿ ಈ ಘಟನೆ ನಡೆದಿದೆ.

ರಿಂಕು ಪ್ರಜಾಪತಿ ಎಂದು ಗುರುತಿಸಲಾಗಿರುವ ವ್ಯಕ್ತಿ 'ಹರ್ ಕಿ ಪೌರಿ'ಯಿಂದ ಗಂಗಾಜಲ ಸಂಗ್ರಹಿಸಲು ಆಗಮಿಸಿದ್ದರು. ತಮ್ಮ ಬೈಕ್ ಅನ್ನು ನಂದಿಯಂತೆ ಪರಿವರ್ತಿಸಲು ಒಂದು ತಿಂಗಳು ಸಮಯ ಹಿಡಿಯಿತು ಎಂದು ರಿಂಕು ಪ್ರಜಾಪತಿ ತಿಳಿಸಿದರು. ಈ ಕುರಿತು ಈಟಿವಿ ಭಾರತಕ್ಕೆ ಪ್ರತಿಕ್ರಿಯಿಸಿರುವ ಹರಿದ್ವಾರ ಟ್ರಾಫಿಕ್​ ಪೊಲೀಸ್​, 'ಇದು ನಂಬಿಕೆಯ ವಿಷಯ'. ಜೊತೆಗೆ, ಸಂಚಾರಿ ನಿಯಮಗಳನ್ನು ಪಾಲಿಸುವಂತೆ ಜನರಲ್ಲಿ ಮನವಿ ಮಾಡುತ್ತಿದ್ದೇವೆ. ಟ್ರಾಫಿಕ್ ರೂಲ್ಸ್ ಬ್ರೇಕ್​ ಮಾಡಿದವರ ವಿರುದ್ಧ ಕ್ರಮ ಕೈಗೊಳ್ಳುತ್ತೇವೆ ಎಂದು ಶಿವರಾತ್ರಿ ಆಚರಣೆಗೂ ಮೊದಲು ತಿಳಿಸಿದ್ದರು. ದೇಶಾದ್ಯಂತ ಶುಕ್ರವಾರ ಶಿವರಾತ್ರಿ ಹಬ್ಬ ಆಚರಿಸಿದ್ದು, ಶಿವ ಭಕ್ತನ ವಿಡಿಯೋ ವೈರಲ್ ಆಗಿದೆ.

ಇದನ್ನೂ ಓದಿ: ಮಹಾಶಿವರಾತ್ರಿ: ನಂಜುಂಡೇಶ್ವರ ದೇವಸ್ಥಾನದ‌ಲ್ಲಿ ಸಾವಿರಾರು ಭಕ್ತರಿಂದ ಜಾಗರಣೆ