8GB RAM, ಇನ್ನೂ ಹಲವು ವೈಶಿಷ್ಟ್ಯಗಳು!: ಕೇವಲ 9 ಸಾವಿರ ರೂಪಾಯಿಗೆ ಲಭ್ಯ ಈ 5G ಸ್ಮಾರ್ಟ್‌ಫೋನ್ - Infinix Hot 50 5G Smartphone

Infinix Hot 50 5G: Infinixನ ಈ ಹೊಸ ಮೊಬೈಲ್‌ ಫೋನ್ 6.7 ಇಂಚಿನ HD+ ಡಿಸ್​ಪ್ಲೇ ಹೊಂದಿದೆ. 5ಜಿ ತಂತ್ರಜ್ಞಾನ ಆಧರಿಸಿದೆ. ಅಷ್ಟೇ ಅಲ್ಲ, ಇನ್ನೂ ಅನೇಕ ವೈಶಿಷ್ಟ್ಯಗಳಿದ್ದು, ಬೆಲೆಯೂ ಕೈಗೆಟುಕುವಂತಿದೆ.

Infinix Hot 50 5G:ಸ್ಮಾರ್ಟ್‌ಫೋನ್ ತಯಾರಕ ಕಂಪೆನಿInfinix ತನ್ನ ಹೊಸ, ಅಗ್ಗದ 5G ಸ್ಮಾರ್ಟ್‌ಫೋನ್ Infinix Hot 50 5G ಅನ್ನು ಬಿಡುಗಡೆ ಮಾಡಿದೆ. ಈ ಫೋನ್‌ನಲ್ಲಿ, ಕಂಪನಿಯು 8 GB RAM ಜೊತೆಗೆ ಶಕ್ತಿಯುತ ವೈಶಿಷ್ಟ್ಯಗಳನ್ನು ನೀಡಿದೆ. 9 ಸಾವಿರ ರೂಪಾಯಿಗಿಂತ ಕಡಿಮೆ ಬೆಲೆಯ 5G ಸ್ಮಾರ್ಟ್‌ಫೋನ್ ಇದೆಂದು ಪರಿಗಣಿಸಲಾಗಿದೆ. 10 ಸಾವಿರ ರೂಪಾಯಿ ಶ್ರೇಣಿಯಲ್ಲಿ ಬಿಡುಗಡೆ ಮಾಡಲಾಗಿದ್ದರೂ, ಪ್ರಸ್ತುತ ಗ್ರಾಹಕರಿಗೆ ಖರೀದಿಯ ಮೇಲೆ ರೂ.1 ಸಾವಿರ ರಿಯಾಯಿತಿ ನೀಡಲಾಗುತ್ತಿದೆ.

Infinix Hot 50 5G ವೈಶಿಷ್ಟ್ಯಗಳು:

• ಸ್ಟೋರೇಜ್​: 4GB/8GB RAM ಮತ್ತು 128GB ಇಂಟರ್ನಲ್ ಸ್ಟೋರೇಜ್​
• ಡಿಸ್​ಪ್ಲೇ: 6.7-ಇಂಚಿನ HD+ ಡಿಸ್​ಪ್ಲೇ
• ಡಿಸ್​ಪ್ಲೇ ವೈಶಿಷ್ಟ್ಯ: 120Hz ರಿಫ್ರೆಶ್ ರೇಟ್​
• ಪ್ರೊಸೆಸರ್: ಮೀಡಿಯಾ ಟೆಕ್ ಡೈಮೆನ್ಸಿಟಿ 6300 ಚಿಪ್‌ಸೆಟ್
• ರಿಯರ್​ ಕ್ಯಾಮೆರಾ: 48MP
• ಫ್ರಂಟ್​ ಕ್ಯಾಮೆರಾ: 8MP
• ಬ್ಯಾಟರಿ/ಚಾರ್ಜಿಂಗ್: 5,000mAh ಬ್ಯಾಟರಿ, 18W ಅಡಾಪ್ಟರ್‌ನೊಂದಿಗೆ ಸ್ಪೀಡ್​ ಚಾರ್ಜಿಂಗ್

Infinixನ ಈ ಹೊಸ ಫೋನ್ 6.7 ಇಂಚಿನ HD+ ಡಿಸ್​ಪ್ಲೇ ಒಳಗೊಂಡಿದೆ. 120Hzನ ರಿಫ್ರೆಶ್ ರೇಟ್​ ಸಪೋರ್ಟ್​ ಮಾಡುತ್ತಿದೆ. ಇದಲ್ಲದೆ, ಮೀಡಿಯಾ ಟೆಕ್ ಡೈಮೆನ್ಸಿಟಿ 6300 ಚಿಪ್‌ಸೆಟ್ ಪ್ರೊಸೆಸರ್ ಹೊಂದಿದೆ. ಅಷ್ಟೇ ಅಲ್ಲ, ಕಂಪನಿಯು 4GB/8GB RAM ಆಯ್ಕೆಯೊಂದಿಗೆInfinix Hot 50 5G ಫೋನ್ ಅನ್ನು ಬಿಡುಗಡೆ ಮಾಡಿದೆ. ಇದು 128GB ಸ್ಟೋರೇಜ್ ಹೊಂದಿದೆ.

ಕ್ಯಾಮೆರಾ ಸೆಟಪ್:ಈ ಮೊಬೈಲ್ ಫೋನ್‌ನ ಕ್ಯಾಮೆರಾ ಸೆಟಪ್ ಹೇಗಿದೆ ಗೊತ್ತೇ?. Infinix Hot 50 5G 48MP ಪ್ರಾಥಮಿಕ ಕ್ಯಾಮೆರಾ ಜೊತೆಗೆ ಡೆಪ್ತ್ ಸೆನ್ಸಾರ್ ಹೊಂದಿದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ 8MP ಫ್ರಂಟ್​ ಕ್ಯಾಮೆರಾ ಇದೆ. 5000mAh ಲಿಥಿಯಂ-ಐಯಾನ್ ಪಾಲಿಮರ್ ಬ್ಯಾಟರಿ ನೀಡಲಾಗಿದೆ. ಈ ಬ್ಯಾಟರಿಯು 18W ಸ್ಪೀಡ್​ ಚಾರ್ಜಿಂಗ್ ಅನ್ನು ಸಹ ಸಪೋರ್ಟ್​ ಮಾಡುತ್ತದೆ.

ಬೆಲೆ ಎಷ್ಟು?:ಕಂಪನಿಯು Infinix Hot 50 5Gಯ ​​4GB + 128GB ರೂಪಾಂತರದ ಬೆಲೆಯನ್ನು ರೂ 9999ಗೆ ಮಾರಾಟ ಮಾಡುತ್ತಿದೆ. ಆದರೆ ಈ ಫೋನ್‌ನ 8GB + 128GB ರೂಪಾಂತರದ ಬೆಲೆಯನ್ನು 10,999 ರೂ.ಗಳಿಗೆ ನಿಗದಿಪಡಿಸಲಾಗಿದೆ. ಈ ಫೋನ್‌ನ ಮೊದಲ ಮಾರಾಟ ಸೆಪ್ಟೆಂಬರ್ 9ರಿಂದ ಪ್ರಾರಂಭವಾಗಲಿದೆ.

ನೀವು ಈ ಫೋನ್ ಅನ್ನು ಇ-ಕಾಮರ್ಸ್ ಸೈಟ್ ಫ್ಲಿಪ್‌ಕಾರ್ಟ್‌ನಿಂದ ಖರೀದಿಸಬಹುದು. ಈಗ Axis ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಮತ್ತು Flipkart Axis ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಮೂಲಕ ಖರೀದಿಸುವುದಾದರೆ 1,000ರೂಪಾಯಿಗಳ ರಿಯಾಯಿತಿ ಪಡೆಯುತ್ತೀರಿ. ಆಗ ನೀವು ಈ ಫೋನ್​ ಅನ್ನು ಕೇವಲ8999 ರೂ.ಗಳಿಗೆ ಖರೀದಿಸಿದಂತಾಗುತ್ತದೆ.

ಇದನ್ನೂ ಓದಿ:NSDL ಪೋರ್ಟಲ್ ಮೂಲಕ ಭೌತಿಕವಾಗಿ ಪ್ಯಾನ್​ ಕಾರ್ಡ್​ ಸಲ್ಲಿಸುವುದು ಹೀಗೆ - Submit PAN Through NSDL Portal