ಉಡುಪಿ:ಉಡುಪಿಗೆ ರಾಜ್ಯದ ಮೂಲೆಮೂಲೆಗಳಿಂದ ಜನ ಪ್ರವಾಸಕ್ಕಾಗಿ ಬರುತ್ತಾರೆ. ಅದರಲ್ಲೂ ಕೂಡ ಮಲ್ಪೆಗೆ ಹೋಗಬೇಕು, ಸಮುದ್ರಲೆಗಳ ಜೊತೆಗೆ ಸಮಯ ಕಳೆಯಬೇಕೆಂಬ ಪ್ಲಾನ್ನೊಂದಿಗೆ ಇಲ್ಲಿಗೆ ಬರುವುದು ಸಾಮಾನ್ಯ. ಸದ್ಯ ಇಲ್ಲಿಗೆ ಬರುವ ಪ್ರವಾಸಿಗರು ನಿರಾಸೆಯೊಂದಿಗೆ ಹಿಂತಿರುಗುವಂತಾಗಿದೆ.
ಮಲ್ಪೆ ಬೀಚ್ಗಿದ್ದ ಮಳೆಗಾಲದ ನಿಷೇಧ ಇನ್ನೂ ಮುಗಿದಿಲ್ಲ. ನಿಯಮದಂತೆ ಸೆಪ್ಟೆಂಬರ್ 15ರ ನಂತರ ಕಡಲ ತೀರದ ಎಲ್ಲ ವಾಟರ್ ಸ್ಪೋರ್ಟ್ಸ್‌ ಸೇರಿದಂತೆ ವಿವಿಧ ಆಟೋಟ ಚಟುವಟಿಕೆಗಳು ಆರಂಭವಾಗಬೇಕಾಗಿತ್ತು. ಆದ್ರೆ ಯಾವುದೇ ಚಟುವಟಿಕೆ ಇನ್ನೂ ಆರಂಭವಾಗಿಲ್ಲ. ಹಾಗಾಗಿ, ಪ್ರವಾಸಿಗರು ಬಂದರೆ ಕಡಲಿಗೆ ಇಳಿಯುವಂತಿಲ್ಲ.
ವಾಟರ್ ಗೇಮ್ಸ್ ಮೇಲ್ವಿಚಾರಕರಾದ ಜಗದೀಶ್ ಮಾತನಾಡಿದರು (ETV Bharat)
ಸೇಂಟ್ ಮೇರಿಸ್ ದ್ವೀಪ: ಸೇಂಟ್ ಮೇರಿಸ್ ದ್ವೀಪಕ್ಕೂ ಬೋಟಿನ ವ್ಯವಸ್ಥೆ ಶುರುವಾಗಬೇಕಿತ್ತು. ಆದರೆ ಬೀಚ್ನಲ್ಲಿ ಸದ್ಯ ಯಾವುದೇ ವ್ಯವಸ್ಥೆಗಳು ಆರಂಭವಾಗಿಲ್ಲ. ತೀರಕ್ಕೆ ಅಳವಡಿಸಿರುವ ಬಲೆ ತೆರವು ಮಾಡಿಲ್ಲ.