ಹೆಣ್ಣು ಮಗುವಿನ ತಂದೆಯಾದ ಪಂಜಾಬ್​ ಸಿಎಂ​ ಭಗವಂತ್​ ಮಾನ್​ - Bhagwant maan become father

ಸಿಎಂ ಭಗವಂತ್​ ಮಾನ್​ 51ನೇ ವರ್ಷದಲ್ಲಿ ತಮ್ಮ ಎರಡನೇ ಪತ್ನಿಯಿಂದ ಹೆಣ್ಣು ಮಗುವಿನ ತಂದೆಯಾಗಿದ್ದಾರೆ.

ಮೊಹಾಲಿ:ಪಂಜಾಬ್​ ಸಿಂಗ್​ ಭಗವಂತ್​ ಮಾನ್ ತಮ್ಮ 51ನೇ ವರ್ಷದಲ್ಲಿ​​ ಹೆಣ್ಣು ಮಗುವಿನ ತಂದೆಯಾಗಿದ್ದಾರೆ. ಅವರ ಹೆಂಡತಿ ಗುರುಪ್ರೀತ್​​ ಕೌರ್​ ಇಂದು ಮೊಹಾಲಿಯ ಫೋರ್ಟಿಸ್​​ ಆಸ್ಪತ್ರೆಯಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ವಿಷಯವನ್ನು ತಮ್ಮ ಸಾಮಾಜಿಕ ಜಾಲತಾಣ ಎಕ್ಸ್​​ನಲ್ಲಿ ಹಂಚಿಕೊಂಡಿರುವ ಸಿಎಂ ಮಾನ್​​, 'ದೇವರು ನನಗೆ ಇಂದು ಹೆಣ್ಣು ಮಗುವಿನ ಉಡುಗೊರೆ ನೀಡಿದ್ದಾರೆ. ತಾಯಿ ಮತ್ತು ಮಗು ಆರೋಗ್ಯವಾಗಿದ್ದಾರೆ' ಎಂಬ ಮಾಹಿತಿಯ ಪೋಸ್ಟ್​ ಹಾಗೂ ಮಗುವಿನ ಫೋಟೋವನ್ನು ಕೂಡ ಹಂಚಿಕೊಂಡಿದ್ದಾರೆ.

ಸಿಎಂ ಪೋಸ್ಟ್​​

ಇದಕ್ಕೂ ಮುನ್ನ ಗುರುಪ್ರೀತ್​ ಕೌರ್​ 8 ತಿಂಗಳ ಗರ್ಭಿಣಿಯಾದಾಗ ಕೂಡ ಅವರು ಮಾರ್ಚ್​ನಲ್ಲಿ ಸಂತಸ ನಮ್ಮ ಮನೆ ಬಾಗಿಲು ತಟ್ಟಲಿದೆ. ಮಾರ್ಚ್​ ಅಂತ್ಯದಲ್ಲಿ ಮಗುವಿನ ಆಗಮನ ಆಗಲಿದೆ ಎಂಬ ಮಾಹಿತಿಯನ್ನು ಹಂಚಿಕೊಂಡಿದ್ದರು.

ಈಗಾಗಲೇ ಎರಡು ಮಕ್ಕಳನ್ನು ಹೊಂದಿರುವ ಸಿಎಂ: ಪಂಜಾಬ್​ ಮುಖ್ಯಮಂತ್ರಿಗಳು ಈಗಾಗಲೇ ತಮ್ಮ ಮೊದಲ ಪತ್ನಿಯಿಂದ ಒಂದು ಗಂಡು ಮತ್ತು ಒಂದು ಹೆಣ್ಣು ಮಗು ಸೇರಿದಂತೆ ಒಟ್ಟು ಎರಡು ಮಕ್ಕಳನ್ನು ಪಡೆದಿದ್ದಾರೆ. ಇದೀಗ ಭಗವಂತ್​​ ಮಾನ್​​ ಮೂರನೇ ಮಗುವಿನ ತಂದೆಯಾಗಿದ್ದಾರೆ.

ಮೊದಲ ಪತ್ನಿ ಇಂದ್ರಪ್ರೀತ್​ ಕೌರ್​ ಅವರಿಂದ 2015ರಲ್ಲಿ ಸಿಎಂ ವಿಚ್ಛೇದನ ಪಡೆದಿದ್ದಾರೆ. ಇಂದ್ರಪ್ರೀತ್​ ಕೌರ್​ ಎರಡು ಮಕ್ಕಳೊಂದಿಗೆ ಲಂಡನ್​ನಲ್ಲಿ ವಾಸಿಸುತ್ತಿದ್ದಾರೆ. ಭಗವಂತ್​ ಮಾನ್​​ ಸಿಎಂ ಆದಾಗ ಇಬ್ಬರು ಮಕ್ಕಳು ಕೂಡ ಪ್ರಮಾಣ ವಚನ ಕಾರ್ಯಕ್ರಮದಲ್ಲಿ ಭಾಗಿಯಾಗಿ, ಗಮನ ಸೆಳೆದಿದ್ದರು.

2019ರಲ್ಲಿ ಗುರುಪ್ರೀತ್​ ಜೊತೆ ಪ್ರೀತಿ: ಸಿಎಂ ಭಗವತ್​​ ಮಾನ್​ ಎರಡನೇ ಹೆಂಡತಿ ಡಾ. ಗುರುಪ್ರೀತ್​ ಕೌರ್​​ ಹರಿಯಾಣ ಮೂಲದವರಾಗಿದ್ದಾರೆ. ಅವರು ಅಂಬಾಲದ ಮೌಲಾನ ವೈದ್ಯಕೀಯ ಕಾಲೇಜ್​ನಲ್ಲಿ ಪದವಿ ಪಡೆದಿದ್ದಾರೆ. 2019ರಲ್ಲಿ ಪಂಜಾಬ್​ ಸಿಎಂ ಅವರ ಭೇಟಿಯಾಗಿದ್ದು, 2021ರಲ್ಲಿ ಇವರ ವಿವಾಹ ನಡೆಯಿತು. ಗುರುಪ್ರೀತ್​ ಗರ್ಭಣಿಯಾದಾಗ ಈ ಇಬ್ಬರು ಜೋಡಿ ಅಯೋಧ್ಯೆ ರಾಮ ದರ್ಶನ ಸೇರಿದಂತೆ ಅನೇಕ ದೇಗುಲಗಳ ಭೇಟಿಯನ್ನು ಕೂಡಾ ಮಾಡಿದ್ದರು ಎಂಬುದು ಗಮನಾರ್ಹ.

ಇದನ್ನೂ ಓದಿ: ಯೋಧ್ಯೆ ರಾಮಲಲ್ಲಾನ ದರ್ಶನ ಪಡೆದ ಅರವಿಂದ್ ಕೇಜ್ರಿವಾಲ್, ಭಗವಂತ್ ಮಾನ್