ಜೋಗ, ಗೋಕಾಕ್‌ ಫಾಲ್ಸ್​ಗಳ ವೀಕ್ಷಣೆಗೆ NWKRTC ವಿಶೇಷ ಪ್ಯಾಕೇಜ್ ಟ್ಯೂರ್: ಇಲ್ಲಿದೆ ಸಂಪೂರ್ಣ ಮಾಹಿತಿ - special package tour

ಮಳೆಗಾಲದ ಪ್ರಯುಕ್ತ ವಿಶ್ವವಿಖ್ಯಾತ ಜೋಗ್ ಫಾಲ್ಸ್ ಹಾಗೂ ಕರ್ನಾಟಕದ ನಯಾಗರಾ ಎಂದೇ ಖ್ಯಾತಿ ಪಡೆದಿರುವ ಗೋಕಾಕ್‌ ಫಾಲ್ಸ್​​ ಸೇರಿದಂತೆ ಇತರ ಪ್ರೇಕ್ಷಣೀಯ ಸ್ಥಳಗಳ ವೀಕ್ಷಣೆಗೆ ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಭಾನುವಾರ ಮತ್ತು ರಜಾ ದಿನಗಳಂದು ವಿಶೇಷ ಬಸ್ ಸೇವೆ ಆರಂಭಿಸಿದೆ.

ಹುಬ್ಬಳ್ಳಿ:ಮಳೆಗಾಲದ ನಿಮಿತ್ತ ವಿಶ್ವವಿಖ್ಯಾತ ಜೋಗ್ ಫಾಲ್ಸ್ ಹಾಗೂ ಕರ್ನಾಟಕದ ನಯಾಗರಾ ಎಂದೇ ಖ್ಯಾತಿ ಪಡೆದಿರುವ ಗೋಕಾಕ್‌ ಫಾಲ್ಸ್​​ ಸೇರಿದಂತೆ ಇತರ ಪ್ರೇಕ್ಷಣೀಯ ಸ್ಥಳಗಳ ವೀಕ್ಷಣೆಗೆ ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ವಿಶೇಷ ಬಸ್ ಸೇವೆ ಆರಂಭಿಸಿದೆ. ಸಂಸ್ಥೆಯ ವಿಭಾಗಗಳ ವಿವಿಧ ಘಟಕಗಳಿಂದ ಭಾನುವಾರ ಮತ್ತು ರಜಾ ದಿನಗಳಂದು ವಿಶೇಷ ಪ್ಯಾಕೇಜ್​ ಟೂರ್ ಇರಲಿದೆ.

ಹುಬ್ಬಳ್ಳಿ ಗ್ರಾಮಾಂತರ ವಿಭಾಗದಿಂದ:ಹುಬ್ಬಳ್ಳಿ ಗೋಕುಲ ರಸ್ತೆಯ ಹೊಸ ಕೇಂದ್ರ ಬಸ್ ನಿಲ್ದಾಣದಿಂದ ಜೋಗ್​ಫಾಲ್ಸ್​ಗೆ ಬೆಳಗ್ಗೆ 7:30ಕ್ಕೆ ರಾಜಹಂಸ ಹಾಗೂ 8:00 ಗಂಟೆಗೆ ಮಲ್ಟಿ ಆಕ್ಸೆಲ್ ವೋಲ್ವೋ ಸೇವೆ ಇರುತ್ತದೆ. ಜೋಗ್​ಫಾಲ್ಸ್ ವೀಕ್ಷಿಸಿದ ಬಳಿಕ ಬಸ್​ಗಳು ಕ್ರಮವಾಗಿ ರಾತ್ರಿ 09:30 ಮತ್ತು 9:00 ಗಂಟೆಗೆ ಹುಬ್ಬಳ್ಳಿಗೆ ಹಿಂತಿರುಗಲಿವೆ. ಮಾರ್ಗ ಮಧ್ಯದಲ್ಲಿ ಶಿರಸಿ ಶ್ರೀ ಮಾರಿಕಾಂಬ ದೇವಸ್ಥಾನ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಈ ಕುರಿತು ಹೆಚ್ಚಿನ ಮಾಹಿತಿಗಾಗಿ ಮೊ:7760991682, 7760991674 ಗೆ ಸಂಪರ್ಕಿಸಬಹುದಾಗಿದೆ.

ಧಾರವಾಡ ವಿಭಾಗದಿಂದ ವೇಗದೂತ ಸಾರಿಗೆ: ಧಾರವಾಡ ಹೊಸ ಕೇಂದ್ರ ಬಸ್ ನಿಲ್ದಾಣದಿಂದ ಬೆಳಗ್ಗೆ 07:30 ಗಂಟೆಗೆ ಹೊರಟು ದಾಂಡೇಲಿ-ಮೋಸಳೆ ಪಾರ್ಕ್, ಮೌಳಂಗಿ ಫಾಲ್ಸ್, ಕೊಳಗಿ ನೇಚರ್ ಪಾರ್ಕ್, ಉಳವಿ ಚನ್ನಬಸವೇಶ್ವರ ದೇವಸ್ಥಾನಗಳನ್ನು ವೀಕ್ಷಿಸಿ ಮರಳಿ ಸಂಜೆ 7:00 ಗಂಟೆಗೆ ಧಾರವಾಡಕ್ಕೆ ಹಿಂತಿರುಗಲಿದೆ.

ಧಾರವಾಡ ಹೊಸ ಕೇಂದ್ರ ಬಸ್ ನಿಲ್ದಾಣದಿಂದ ಗೋಕಾಕ್​ ಫಾಲ್ಸ್​ಗೆ ಬೆಳಗ್ಗೆ 07:30 ಗಂಟೆಗೆ ಹೊರಟು ನವಿಲುತೀರ್ಥ, ಸೊಗಲ ಕ್ಷೇತ್ರ, ಗೋಕಾಕ್​ ಫಾಲ್ಸ್, ಹಿಡಕಲ್ ಡ್ಯಾಮ್ ವೀಕ್ಷಿಸಿ ಮರಳಿ ಸಂಜೆ 7:00 ಗಂಟೆಗೆ ಧಾರವಾಡಕ್ಕೆ ಹಿಂತಿರುಗಲಿದೆ. ಹೆಚ್ಚಿನ ವಿವರಗಳಿಗಾಗಿ ಮೊ: 7760991688, 7760991679, 7760982552 ಗೆ ಸಂಪರ್ಕಿಸಬಹುದಾಗಿದೆ.

ಚಿಕ್ಕೋಡಿ ವಿಭಾಗದಿಂದ ವೇಗದೂತ ಸಾರಿಗೆ: ಚಿಕ್ಕೋಡಿ ಬಸ್ ನಿಲ್ದಾಣದಿಂದ ಗೋಕಾಕ್​ ಫಾಲ್ಸ್​ಗೆ ಬೆಳಗ್ಗೆ 09:00 ಗಂಟೆಗೆ ಹೊರಟು ಹಿಡಕಲ್ ಡ್ಯಾಮ್, ಗೋಡಚಿನ ಮಲ್ಕಿ, ಗೋಕಾಕ್​ ಫಾಲ್ಸ್ ವೀಕ್ಷಿಸಿ ಮರಳಿ ಸಂಜೆ 6:00 ಗಂಟಗೆ ಚಿಕ್ಕೋಡಿಗೆ ಹಿಂತಿರುಗಲಿದೆ. ಹೆಚ್ಚಿನ ವಿವರಗಳಿಗಾಗಿ 7760991875 ಸಂಪರ್ಕಿಸಬಹುದಾಗಿದೆ.

ನಿಪ್ಪಾಣಿಯಿಂದ ಗೋಕಾಕ್​ ಫಾಲ್ಸ್​ಗೆ ನಿಪ್ಪಾಣಿ ಬಸ್ ನಿಲ್ದಾಣದಿಂದ ಬೆಳಿಗ್ಗೆ 08:30 ಗಂಟೆಗೆ ಹೊರಟು ಹಿಡಕಲ್ ಡ್ಯಾಮ್, ಗೋಡಚಿನ ಮಲ್ಕಿ, ಗೋಕಾಕ್​ ಫಾಲ್ಸ್ ವೀಕ್ಷಿಸಿ ಮರಳಿ ಸಂಜೆ 6:00 ಗಂಟೆಗೆ ನಿಪ್ಪಾಣಿಗೆ ಹಿಂತಿರುಗಲಿದೆ. ಹೆಚ್ಚಿನ ವಿವರಗಳಿಗಾಗಿ 7760991879 ಸಂಪರ್ಕಿಸಬಹುದಾಗಿದೆ.

ಸಂಕೇಶ್ವರದಿಂದ ಗೋಕಾಕ್​ ಫಾಲ್ಸ್​ಗೆ ಬೆಳಿಗ್ಗೆ 9:30 ಗಂಟೆಗೆ ಸಂಕೇಶ್ವರ ಬಸ್ ನಿಲ್ದಾಣದಿಂದ ಹೊರಟು ಹಿಡಕಲ್ ಡ್ಯಾಮ್, ಗೋಡಚಿನ ಮಲ್ಕಿ, ಗೋಕಾಕ್​ ಫಾಲ್ಸ್ ವೀಕ್ಷಿಸಿ ಮರಳಿ ಸಂಜೆ 6:00 ಗಂಟೆಗೆ ಸಂಕೇಶ್ವರಕ್ಕೆ ಹಿಂತಿರುಗಲಿದೆ. ಹೆಚ್ಚಿನ ವಿವರಗಳಿಗಾಗಿ 7760991877 ಸಂಪರ್ಕಿಸಬಹುದಾಗಿದೆ.

ಬೆಳಗಾವಿ ವಿಭಾಗದಿಂದ ವೇಗದೂತ ಸಾರಿಗೆ: ಬೆಳಗಾವಿಯಿಂದ ಗೋಕಾಕ್​ ಫಾಲ್ಸ್​ಗೆ ಬೆಳಗ್ಗೆ 09:00 ಗಂಟೆಗೆ ಬೆಳಗಾವಿ ಕೇಂದ್ರ ಬಸ್ ನಿಲ್ದಾಣದಿಂದ ಹೊರಟು ಹಿಡಕಲ್ ಡ್ಯಾಮ್, ಗೋಡಚಿನ ಮಲ್ಕಿ, ಗೋಕಾಕ್​ ಫಾಲ್ಸ್ ವೀಕ್ಷಿಸಿ ಮರಳಿ ಸಂಜೆ 7:00 ಗಂಟೆಗೆ ಬೆಳಗಾವಿಗೆ ಹಿಂತಿರುಗಲಿದೆ. ಹೆಚ್ಚಿನ ವಿವರಗಳಿಗಾಗಿ 7760991625 ಗೆ ಸಂಪರ್ಕಿಸಬಹುದಾಗಿದೆ.

ಹಾವೇರಿ ವಿಭಾಗದಿಂದ ವೇಗದೂತ ಸಾರಿಗೆ: ಹಾವೇರಿಯಿಂದ ಜೋಗ್​ಫಾಲ್ಸ್​ಗೆ ಬೆಳಿಗ್ಗೆ 8:00 ಗಂಟೆಗೆ ಹಾವೇರಿ ಬಸ್ ನಿಲ್ದಾಣದಿಂದ ಹೊರಟು ಶಿರಸಿ, ಸಿದ್ದಾಪುರ ಮಾರ್ಗವಾಗಿ ಶಿರಸಿ ಶ್ರೀ ಮಾರಿಕಾಂಬ ದೇವಸ್ಥಾನ ದರ್ಶನ ಪಡೆದುಕೊಂಡು ಜೋಗ್​ಫಾಲ್ಸ್​ ವೀಕ್ಷಿಸಿ ಮರಳಿ ಸಂಜೆ 7:30 ಗಂಟೆಗೆ ಹಾವೇರಿಗೆ ಹಿಂತಿರುಗಲಿದೆ. ಹೆಚ್ಚಿನ ವಿವರಗಳಿಗಾಗಿ 7760991925 ಗೆ ಸಂಪರ್ಕಿಸಬಹುದಾಗಿದೆ.

ರಾಣೇಬೆನ್ನೂರನಿಂದ ಜೋಗ್​ಫಾಲ್ಸ್​ಗೆ ಬೆಳಗ್ಗೆ 08:00 ಗಂಟೆಗೆ ರಾಣೇಬೆನ್ನೂರ್​ ಬಸ್ ನಿಲ್ದಾಣದಿಂದ ಹೊರಟು ಹಿರೇಕೆರೂರು, ಶಿರಾಳಕೊಪ್ಪ, ಸೊರಬ, ಸಿದ್ದಾಪುರ ಮಾರ್ಗವಾಗಿ ಜೋಗ್​ಫಾಲ್ಸ್​ ವೀಕ್ಷಿಸಿ ಮರಳಿ ಸಂಜೆ 7:30 ಗಂಟೆಗೆ ರಾಣೇಬೆನ್ನೂರಿಗೆ ಹಿಂತಿರುಗಲಿದೆ. ಹೆಚ್ಚಿನ ವಿವರಗಳಿಗಾಗಿ 7760991927 ಗೆ ಸಂಪರ್ಕಿಸಬಹುದಾಗಿದೆ.

ಈ ವಿಶೇಷ ಪ್ಯಾಕೇಜ್​ನ ಮುಂಗಡ ಟಿಕೆಟ್​ ಕಾಯ್ದಿರಿಸಲು www.ksrtc.in ವೆಬ್​ಸೈಟ್ ಅಥವಾ ಬಸ್ ನಿಲ್ದಾಣ ರಿಸರ್ವೇಶನ್ ಕೌಂಟರ್ ಸಂಪರ್ಕಿಸಬಹುದು. ಸಾರ್ವಜನಿಕರು ಈ ವಿಶೇಷ ಸಾರಿಗೆ ಸೌಲಭ್ಯದ ಸದುಪಯೋಗ ಪಡೆದುಕೊಳ್ಳುವಂತೆ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕರಾದ ಪ್ರಿಯಾಂಗಾ ರವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ:ಜೋಗ ಜಲಪಾತದ ವೈಭವ ಸವಿಯಲು ಹುಬ್ಬಳ್ಳಿಯಿಂದ ವಿಶೇಷ ಬಸ್​ ವ್ಯವಸ್ಥೆ - Special Bus For Jog Falls