Published : Apr 6, 2024, 7:41 PM IST
ಹುಬ್ಬಳ್ಳಿ: ಏ.16 ರಂದು ಧಾರವಾಡದ ಕಲಾ ಭವನದಿಂದ ಜಿಲ್ಲಾಧಿಕಾರಿ ಕಚೇರಿವರೆಗೆ ಅಪಾರ ಬೆಂಬಲಿಗರೊಂದಿಗೆ ಮೆರವಣಿಗೆ ಸಾಗಿ ಉಮೇದುವಾರಿಕೆ ಸಲ್ಲಿಸಲಿದ್ದೇನೆ ಎಂದು ಧಾರವಾಡ ಲೋಕಸಭಾ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿ ಶಿವಾನಂದ ಮುತ್ತಣ್ಣವರ ಹೇಳಿದರು. ನಗರದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ನಾನು ನಾಮಪತ್ರ ಸಲ್ಲಿಸುವ ದಿನ ಅಭಿಮಾನಿಗಳು, ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಬರಬೇಕು ಎಂದು ವಿನಂತಿ ಮಾಡಿಕೊಳ್ಳುತ್ತೇನೆ ಎಂದರು.
ನಾನು ಬಿಜೆಪಿ ಟೆಕೆಟ್ ನನಗೆ ಕೊಡಿ ಎಂದು ಕೇಳುತ್ತಿದ್ದೇನೆ. ರಾಜ್ಯದಲ್ಲಿ 90 ಲಕ್ಷ ಕುರುಬರು ಇದ್ದಾರೆ, ಆದರೆ ಒಬ್ಬರಿಗೂ ಬಿಜೆಪಿ ಟಿಕೆಟ್ ಕೊಟ್ಟಿಲ್ಲ. ಶೇ.2 ರಷ್ಟಿರುವ ಬ್ರಾಹ್ಮಣರಿಗೆ ಮೂರು ಟಿಕೆಟ್ ಕೊಟ್ಟಿದ್ದಾರೆ. ಧಾರವಾಡದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿರುವವರು ಕುರುಬರು ಮತ್ತು ಲಿಂಗಾಯತರು. ಕುರುಬರ ವೋಟ್ನಿಂದಲೇ ಬ್ರಾಹ್ಮಣರು 20 ವರ್ಷ ಅಧಿಕಾರದಲ್ಲಿದ್ದಾರೆ. ಈ ಬಾರಿ ಟಿಕೆಟ್ಅನ್ನು ಕುರುಬ ಸಮಾಜಕ್ಕೆ ಬಿಟ್ಟು ಕೊಡಿ. 35 ವರ್ಷ ಪಕ್ಷಕ್ಕಾಗಿ ದುಡಿದಿರುವ ನನಗೆ ಟಿಕೆಟ್ ಕೊಡಬೇಕು ಶಿವಾನಂದ ಮುತ್ತಣ್ಣವರ ಎಂದು ಆಗ್ರಹಿಸಿದರು.
