ಬಾಬರ್ ನಿಂದ ರಿಜ್ವಾನ್​ ವರೆಗೆ ಪಾಕ್​ ಆಟಗಾರರು ಪಡೆಯುವ ಸಂಭಾವನೆ ಎಷ್ಟು ಗೊತ್ತಾ: ನಿಜಕ್ಕೂ ಅಚ್ಚರಿ ಪಡ್ತೀರಾ! - Pakistani cricketers salary

ಪಾಕಿಸ್ತಾನ ಕ್ರಿಕೆಟ್​ ತಂಡದ ಆಟಗಾರುರು ಮಾಸಿಕವಾಗಿ ಪಾಕ್​​ ಕ್ರಿಕೆಟ್​ ಮಂಡಳಿಯಿಂದ ಎಷ್ಟು ಸಂಭಾವನೆ ಪಡೆಯುತ್ತಾರೆ ಮತ್ತು ಯಾವ ಆಟಗಾರರು ಅತೀ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದಾರೆ ಎಂದು ಈ ಸುದ್ದಿಯಲ್ಲಿ ತಿಳಿಯಿರಿ.

ನವದೆಹಲಿ: ಕ್ರಿಕೆಟ್​ ಇಂದು ವಿಶ್ವದ ಎರಡನೇ ಜನಪ್ರಿಯ ಕ್ರೀಡೆಯಾಗಿ ಗುರುತಿಸಿಕೊಂಡಿದೆ. ಅಲ್ಲದೇ ಈ ಕ್ರೀಡೆಯಲ್ಲಿ ಆಟಗಾರರು ಖ್ಯಾತಿ ಪಡೆಯುವುದರ ಜೊತೆಗೆ ಆರ್ಥಿಕವಾಗಿಯೂ ಬಲಿಷ್ಠರಾಗುತ್ತಾರೆ. ಕೇವಲ ಜಾಹೀರಾತು ಮಾತ್ರವಲ್ಲದೇ ಆಯಾದೇಶಗಳು ಕ್ರಿಕೆಟ್​ ಮಂಡಳಿಯಿಂದಲೂ ಆಟಗಾರರು ಕೈತುಂಬ ಹಣವನ್ನು ಸಂಪಾದಿಸುತ್ತಾರೆ. ಅದರಲ್ಲೂ ಭಾರತೀಯ ಕ್ರಿಕೆಟರ್​ಗಳು ವಿಶ್ವದಲ್ಲೇ ಅತೀ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರರಾಗಿರುವುದು ನಮಗೆಲ್ಲ ಗೊತ್ತೇ ಇದೇ. ಹಾಗಾದರೆ ಬನ್ನಿ ಇಂದು ನೆರೆಯ ರಾಷ್ಟ್ರ ಪಾಕಿಸ್ತಾನದ ಆಟಗಾರರು ತಮ್ಮ ಕ್ರಿಕೆಟ್​ ಮಂಡಳಿಯಿಂದ ವಾರ್ಷಿಕ ಎಷ್ಟು ಸಂಭಾವನೆ ಪಡೆಯುತ್ತಾರೆ ಎಂದು ಈ ಸುದ್ಧಿಯಲ್ಲಿ ತಿಳಿದುಕೊಳ್ಳೋಣ.

ನಾಲ್ಕನೇ ಶ್ರೀಮಂತ ಕ್ರಿಕೆಟ್​ ಮಂಡಳಿ ಎನಿಸಿಕೊಂಡಿರುವ ಪಾಕಿಸ್ತಾನ ಎ, ಬಿ, ಸಿ, ಡಿ ಮಾದರಿಯಲ್ಲಿ ಆಟಗಾರರೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತದೆ. ಈ ನಾಲ್ಕು ಪಟ್ಟಿಯಲ್ಲಿರುವ ಆಟಗಾರರು ವಾರ್ಷಿಕವಾಗಿ ಲಕ್ಷಾಂತರ ರೂಪಾಯಿ ಸಂಭಾವನೆ ಪಡೆದುಕೊಳ್ಳುತ್ತಾರೆ. ಈ ಬಗ್ಗೆ ಪಿಸಿಬಿ ಮಾಹಿತಿಯೊಂದನ್ನು ಹಂಚಿಕೊಂಡಿದ್ದು, 3 ವರ್ಷಗಳ (1 ಜುಲೈ 2023 ರಿಂದ 30 ಜೂನ್ 2026) ಪುರುಷರ ಒಪ್ಪಂದದ ಪಟ್ಟಿಯಲ್ಲಿ ಆಟಗಾರರು ಪಡೆಯುತ್ತಿರುವ ಸಂಭಾವನೆ ಬಗ್ಗೆ ತಿಳಿಸಿದೆ.

ಪಿಸಿಬಿಯ A ನಿಂದ D ಪಟ್ಟಿಯಲ್ಲಿರುವ ಆಟಗಾರರು

A ಕೆಟಗರಿ:ಬಾಬರ್ ಅಜಮ್, ಮೊಹಮ್ಮದ್ ರಿಜ್ವಾನ್ ಮತ್ತು ಶಾಹೀನ್ ಶಾ ಆಫ್ರಿದಿ.

B ಕೆಟಗರಿ:ಫಖರ್ ಜಮಾನ್, ಹ್ಯಾರಿಸ್ ರೌಫ್, ಇಮಾಮ್-ಉಲ್-ಹಕ್, ಮೊಹಮ್ಮದ್ ನವಾಜ್, ನಸೀಮ್ ಶಾ ಮತ್ತು ಶಾದಾಬ್ ಖಾನ್.

C ಕೆಟಗರಿ:ಇಮಾದ್ ವಾಸಿಂ ಮತ್ತು ಅಬ್ದುಲ್ಲಾ ಶಫೀಕ್

D ಕೆಟಗರಿ:ಫಹೀಮ್ ಅಶ್ರಫ್, ಹಸನ್ ಅಲಿ, ಇಫ್ತಿಕರ್ ಅಹ್ಮದ್, ಇಹ್ಸಾನುಲ್ಲಾ, ಮೊಹಮ್ಮದ್ ಹ್ಯಾರಿಸ್, ಮೊಹಮ್ಮದ್ ವಾಸಿಂ ಜೂನಿಯರ್, ಸ್ಯಾಮ್ ಅಯೂಬ್, ಸಲ್ಮಾನ್ ಅಲಿ ಆಗಾ, ಸರ್ಫರಾಜ್ ಅಹ್ಮದ್, ಸೌದ್ ಶಕೀಲ್, ಶಾನವಾಜ್ ದಹಾನಿ, ಶಾನ್ ಮಸೂದ್, ಉಸಾಮಾ ಮಿರ್ ಮತ್ತು ಜಮಾನ್ ಖಾನ್.

ಎ ನಿಂದ ಡಿ ವರ್ಗದ ಆಟಗಾರರ ಸಂಭಾವನೆ:

ವರ್ಗ A:ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ A ವರ್ಗದಲ್ಲಿ 3 ಸ್ಟಾರ್ ಆಟಗಾರರಾದ ಬಾಬರ್ ಅಜಮ್, ಶಾಹೀನ್ ಶಾ ಅಫ್ರಿದಿ ಮತ್ತು ಮೊಹಮ್ಮದ್ ರಿಜ್ವಾನ್ ಸೇರಿದ್ದಾರೆ. ಇವರು ಪಾಕಿಸ್ತಾನಿ ರೂಪಾಯಿ 4.5 ಮಿಲಿಯನ್ ಮಾಸಿಕ ವೇತನವನ್ನು ಪಡೆಯುತ್ತಾರೆ. ಈ ಮೊತ್ತವನ್ನು ಭಾರತೀಯ ರೂಪಾಯಿಯಲ್ಲಿ ನೋಡುವುದಾದರೇ 13 ಲಕ್ಷದ 56 ಸಾವಿರ ರೂಪಾಯಿ ಆಗಿದೆ.

ವರ್ಗ B:ಶಾದಾಬ್ ಖಾನ್, ಫಖರ್ ಜಮಾನ್, ಹ್ಯಾರಿಸ್ ರೌಫ್ ಮತ್ತು ನಸೀಮ್ ಶಾ ಅವರಂತಹ ಆಟಗಾರರು B ಕೆಟಗರಿಯಲ್ಲಿದ್ದಾರೆ. ಇವರು ಮಾಸಿಕ 3 ಮಿಲಿಯನ್ ಪಾಕಿಸ್ತಾನಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಭಾರತೀಯ ರೂಪಾಯಿಯಲ್ಲಿ ಇದು 9 ಲಕ್ಷ ರೂಪಾಯಿ ಆಗಿದೆ.

C ಮತ್ತು D ವರ್ಗಗಳಲ್ಲಿನ ಆಟಗಾರರು ಪಾಕಿಸ್ತಾನಿ ರೂಪಾಯಿ 750,000 ರಿಂದ ಪಾಕಿಸ್ತಾನಿ ರೂಪಾಯಿ 1.5 ಮಿಲಿಯನ್ ನಡುವೆ ಮಾಸಿಕ ವೇತನವನ್ನು ಪಡೆಯುತ್ತಾರೆ.

ಇದನ್ನೂ ಓದಿ:ಒಲಿಂಪಿಕ್ಸ್​ ಪದಕ ವಿಜೇತರಿಗಿಂತ ಡಾಲಿ ಚಾಯ್​ವಾಲಾಗೆ ಹೆಚ್ಚು ಕ್ರೇಜ್​ ಇದೆ: ಏರ್ಪೋರ್ಟ್​ ಘಟನೆ ನೆನೆದು, ಹಾಕಿ ಆಟಗಾರನ ಬೇಸರ - Hockey player Hardik Singh