Natural Ways to Avoid Mosquitoes from Home: ಸಾಮಾನ್ಯ ದಿನಗಳಲ್ಲಿ ಸೊಳ್ಳೆಗಳ ಕಾಟವಂತೂ ಇದ್ದೆ ಇರುತ್ತದೆ. ಇನ್ನು ಮಳೆಗಾಲದ ಸಮಯದಲ್ಲಂತೂ ಹೇಳತೀರದು. ಇದರಿಂದ ಡೆಂಗ್ಯೂ, ಮಲೇರಿಯಾ, ಚಿಕೂನ್ ಗುನ್ಯಾದಿಂದ ವಿಷಕಾರಿ ಜ್ವರಗಳು ಕಾಡುತ್ತಿವೆ. ಪ್ರಸ್ತುತ ಹಲವು ರಾಜ್ಯಗಳಲ್ಲಿ ಈ ರೋಗಗಳು ಉಲ್ಬಣಗೊಂಡಿವೆ. ಅದಕ್ಕಾಗಿಯೇ ಸೊಳ್ಳೆಗಳ ಕಡಿತದಿಂದ ತಪ್ಪಿಸಿಕೊಳ್ಳಲು ಅನೇಕರು ರಾಸಾಯನಿಕ ಸೊಳ್ಳೆ ನಿವಾರಕಗಳು ಮತ್ತು ಸೊಳ್ಳೆ ಕಾಯಿಲ್ ಬಳಸುತ್ತಾರೆ. ಇವುಗಳಿಂದ ಸೊಳ್ಳೆಗಳು ಸಾಯುತ್ತವೆ. ಆದರೆ, ನಮ್ಮ ಆರೋಗ್ಯಕ್ಕೆ ಗಂಭೀರ ಹಾನಿಯಾಗುತ್ತದೆ. ಹಾಗಾಗಿ ಸೊಳ್ಳೆಗಳನ್ನು ಸ್ವಾಭಾವಿಕವಾಗಿ ಓಡಿಸಬೇಕು ಎಂದು ತಜ್ಞರು ಸಲಹೆ ನೀಡಿದ್ದಾರೆ. ತಜ್ಞರು ನೀಡಿರುವ ಸಲಹೆಗಳ ಕುರಿತು ಅರಿತುಕೊಳ್ಳೋಣ ಬನ್ನಿ.
ಕರ್ಪೂರ: ಸೊಳ್ಳೆಗಳಿಂದ ಮುಕ್ತವಾಗಿರಲು ಸದಾ ಸೊಳ್ಳೆ ಕಾಯಿಲ್‌ಗಳನ್ನು ಹಚ್ಚುವ ಬದಲು ಸಂಜೆಯ ವೇಳೆ ಕಿಟಕಿ, ಬಾಗಿಲು ಮುಚ್ಚಿ ಹದಿನೈದು ನಿಮಿಷಗಳ ಕಾಲ ಕರ್ಪೂರ ಮತ್ತು ಬೇವಿನ ಸೊಪ್ಪನ್ನು ಹೊಗೆ ಹಾಕಬೇಕು ಎನ್ನುತ್ತಾರೆ ತಜ್ಞರು. ಹೀಗೆ ಮಾಡುವುದರಿಂದ ಸೊಳ್ಳೆಗಳು ಮತ್ತೆ ಮನೆಗೆ ಬರುವುದಿಲ್ಲ. ಬೇವಿನ ಎಲೆಗಳು ಲಭ್ಯವಿಲ್ಲದಿದ್ದರೆ, ಕರ್ಪೂರದಿಂದ ಹೊಗೆ ಹಾಕಿದರೆ ಸಾಕು ಸೊಳ್ಳೆಗಳು ಮನೆಯಿಂದ ಹೊರಗೆ ಹೋಗುತ್ತವೆ.
ಲ್ಯಾವೆಂಡರ್ ಎಣ್ಣೆ:ಸೊಳ್ಳೆಗಳು ಲ್ಯಾವೆಂಡರ್ ಎಣ್ಣೆಯನ್ನು ಇಷ್ಟಪಡುವುದಿಲ್ಲ. ಅವು ಈ ವಾಸನೆಯಿಂದ ಓಡಿಹೋಗುತ್ತವೆ. ಆದ್ದರಿಂದ ಮನೆಯಲ್ಲಿ ಲ್ಯಾವೆಂಡರ್ ಎಣ್ಣೆಯನ್ನು ಸಿಂಪಡಿಸಿ. ಸೊಳ್ಳೆಗಳು ಹೆಚ್ಚು ಇದ್ದರೆ, ಲ್ಯಾವೆಂಡರ್ ಎಣ್ಣೆಯನ್ನು ಕೈ, ಕಾಲುಗಳಿಗೆ ಹಚ್ಚಿಕೊಳ್ಳುವುದು ಉತ್ತಮ. ಹೀಗೆ ಮಾಡಿದರೆ ಒಂದು ಸೊಳ್ಳೆಯೂ ಕಚ್ಚುವುದಿಲ್ಲ.
ಫೈಟೊಥೆರಪಿ ರಿಸರ್ಚ್ ಜರ್ನಲ್‌ನಲ್ಲಿ ಪ್ರಕಟವಾದ 2014 ರ ಅಧ್ಯಯನವು ಲ್ಯಾವೆಂಡರ್ ಎಣ್ಣೆ ಸೊಳ್ಳೆಗಳನ್ನು ಹಿಮ್ಮೆಟ್ಟಿಸಲು ಪರಿಣಾಮಕಾರಿಯಾಗಿದೆ ಎಂದು ಕಂಡು ಹಿಡಿದಿದೆ. ಕೊರಿಯಾದ ಸಿಯೋಲ್ ನ್ಯಾಷನಲ್ ಯೂನಿವರ್ಸಿಟಿಯ ಕೃಷಿ ಜೈವಿಕ ತಂತ್ರಜ್ಞಾನ ವಿಭಾಗದ ಪ್ರಾಧ್ಯಾಪಕ ಡಾ.ವಾನ್-ಸು ಚೋಯ್ (Wan-Su Choi ) ಈ ಸಂಶೋಧನೆಯಲ್ಲಿ ಭಾಗವಹಿಸಿದ್ದರು.
ಸಾಂಬ್ರಾಣಿ:ಅರೋಮಲ್ಯಾಂಪ್ಗಳಲ್ಲಿ ಸಾಂಬ್ರಾಣಿ ಹಾಕುವುದರಿಂದ ಸೊಳ್ಳೆಗಳು ಮನೆಯಿಂದ ಓಡಿಹೋತ್ತವೆ. ಜೊತೆಗೆ ಅರೋಮಲ್ಯಾಂಪ್ಗಳಲ್ಲಿ ಕರ್ಪೂರ, ಬೇವಿನ ಎಣ್ಣೆ, ನೀಲಗಿರಿ ಎಣ್ಣೆ, ನಿಂಬೆ ಹುಲ್ಲಿನ ಎಣ್ಣೆ, ಲ್ಯಾವೆಂಡರ್ ಎಣ್ಣೆ ಹಾಕಬಹುದು. ಇದರಿಂದಲೂ ಸೊಳ್ಳೆಗಳು ಮನೆಯಿಂದ ಹೊರಗೆ ಹೋಗುತ್ತವೆ.