ನಿಮ್ಮ ವ್ಯಾಲೆಂಟೈನ್ಸ್​ ಡೇ ಪ್ಲಾನ್​​ ಏನು?: ಕ್ಷಮೆ ಕೇಳಿದ ರಶ್ಮಿಕಾ - ಕಾರಣ?

ಕೆಲಸದ ಒತ್ತಡದಿಂದ ಕೆಲಕಾಲ ಅಭಿಮಾನಿಗಳ ಮುಂದೆ ಬರಲು ಸಾಧ್ಯವಾಗದೇ ಇದ್ದದ್ದಕ್ಕೆ ಕೊಡಗಿನ ಕುವರಿ ರಶ್ಮಿಕಾ ಸೋಷಿಯಲ್​ ಮೀಡಿಯಾದಲ್ಲಿ ಕ್ಷಮೆ ಯಾಚಿಸಿದ್ದಾರೆ.

ಹೈದರಾಬಾದ್​: ಪ್ರಸ್ತುತ ಅಲ್ಲು ಅರ್ಜುನ್​ ಜೊತೆಗೆ ಪುಷ್ಪ 2 ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ ನಟಿ ರಶ್ಮಿಕಾ ಮಂದಣ್ಣ ಸಾಮಾಜಿಕ ಜಾಲತಾಣಗಳ ಮೂಲಕ ತಮ್ಮ ಆರೋಗ್ಯದ ಬಗ್ಗೆ ಅಪ್​ಡೇಟ್​ ನೀಡಿದ್ದಾರೆ. ಕಳೆದ ಕೆಲವು ದಿನಗಳಿಂದ ಇನ್​ಸ್ಟಾಗ್ರಾಂಗೆ ಗೈರಾಗಿದ್ದ ರಶ್ಮಿಕಾ ಮಂದಣ್ಣ ಇದೀಗ ತಮ್ಮ ಎರಡು ಫೋಟೋಗಳನ್ನು ಹಂಚಿಕೊಂಡು, ಅಭಿಮಾನಿಗಳಿಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಸಕ್ರಿಯವಾಗಿಲ್ಲದ ಕಾರಣವನ್ನು ಬಹಿರಂಗ ಪಡಿಸಿದ್ದಾರೆ. ಅಭಿಮಾನಿಗಳ ಮುಂದೆ ಬರದೇ ಇರುವುದಕ್ಕೂ ರಶ್ಮಿಕಾ ಕ್ಷಮೆ ಕೇಳಿದ್ದಾರೆ.

ಸಾಮಾಜಿಕ ಜಾಲತಾಣಗಳಾದ ಎಕ್ಸ್​, ಇನ್​ಸ್ಟಾಗ್ರಾಂ, ಹಾಗೂ ಫೇಸ್​ಬುಕ್​ಗಳಲ್ಲಿ ನಟಿ ರಶ್ಮಿಕಾ ಮಂದಣ್ಣ ಎರಡು ಫೋಟೋಗಳನ್ನು ಪೋಸ್ಟ್​ ಮಾಡಿದ್ದಾರೆ. ಸುದೀರ್ಘವಾದ ಪೋಸ್ಟ್​ ಒಂದನ್ನು ಹಂಚಿಕೊಂಡಿರುವ ಕೊಡಗಿನ ಕುವರಿ, ಅಭಿಮಾನಿಗಳು ಎಲ್ಲಿದ್ದೀರಾ? ವ್ಯಾಲೆಂಟೈನ್ಸ್​ ಡೇ ಯೋಜನೆ ಏನು ಎಂದು ಹೇಳಿ ಎಂದು ಪೋಸ್ಟ್​ ಹಾಕಿದ್ದಾರೆ. ಈ ಮೂಲಕ ಅಭಿಮಾನಿಗಳ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ.

ಪೋಸ್ಟ್​ನಲ್ಲಿ "ಕೆಲಕಾಲ ನಿಮ್ಮ ಮುಂದೆ ಬರದೇ ಇದ್ದದ್ದಕ್ಕೆ ಕ್ಷಮಿಸಿ. ಅತಿಯಾದ ಕೆಲಸದ ವೇಳಾಪಟ್ಟಿಯಿಂದಾಗಿ ಸ್ವಲ್ಪ ಅಸ್ವಸ್ಥಳಾಗಿದ್ದೇನೆ. ಆದರೆ ನಿಮ್ಮನ್ನೇ ಮಾತನಾಡಿಸಲೆಂದು ಬಂದಿದ್ದೇನೆ. ಅಭಿಮಾನಿಗಳೇ ನಿಮ್ಮನ್ನು ತುಂಬಾ ಮಿಸ್​ ಮಾಡಿಕೊಳ್ಳುತ್ತೇನೆ." ಎಂದು ಟ್ವೀಟ್​​ನಲ್ಲಿ ಹೇಳಿಕೊಂಡಿದ್ದಾರೆ.

"ನಾವು ಕೊನೆಯದಾಗಿ ಮಾತನಾಡಿ, ಕೆಲವು ಸಮಯವೇ ಆಗಿದೆ ಅಲ್ವಾ? ನೀವೆಲ್ಲರೂ ಏನು ಮಾಡುತ್ತಿದ್ದೀರಿ ಹೇಳಿ? ನಾನು ಎಲ್ಲವನ್ನೂ ತಿಳಿದುಕೊಳ್ಳಲು ಬಯಸುತ್ತೇನೆ. ಮತ್ತು ನಿಮ್ಮ ವ್ಯಾಲೆಂಟೈನ್ಸ್​ ಡೇ ಯೋಜನೆಗಳನ್ನು ನನಗೆ ತಿಳಿಸಿ. (ಹೌದು, ನಾನು ಕಾಮೆಂಟ್​ಗಳ ಮೂಲಕ ಓದುತ್ತೇನೆ) ಮತ್ತೆ ಕೆಟ್ಟವರೆಲ್ಲಾ ದೂರವಿರಿ.. ಇದು ನನ್ನ ಪ್ರೀತಿಪಾತ್ರರಿಗೆ ಮಾತ್ರ" ಎಂದು ತಮ್ಮ ಎಕ್ಸ್​ ಖಾತೆಯ ಪೋಸ್ಟ್​​ನಲ್ಲಿ ಬರೆದುಕೊಂಡಿದ್ದಾರೆ.

ರಶ್ಮಿಕಾ ಮಂದಣ್ಣ ಅವರ ಸಿನಿಮಾಗಳ ಬಗ್ಗೆ ಹೇಳುವುದಾದರೆ, ಇತ್ತೀಚೆಗಷ್ಟೇ ರಣಬೀರ್​ ಕಪೂರ್​ ಅವರ ಜೊತೆ ತೆರೆಹಂಚಿಕೊಂಡ ಅನಿಮಲ್​ ಸಿನಿಮಾ ಬಿಡುಗಡೆಯಾಗಿದ್ದು, ಸಿನಿಮಾದ ಸಕ್ಸಸ್​ ಅನ್ನು ಎಂಜಾಯ್​ ಮಾಡುತ್ತಿದ್ದಾರೆ. ಸಿನಿಮಾ ಬಾಲಿವುಡ್​​ ಅಂಗಳದಲ್ಲಿ ಭಾರಿ ಸದ್ದು ಕೂಡಾ ಮಾಡುತ್ತಿದೆ. ಭರ್ಜರಿ ಕಲೆಕ್ಷನ್​ ಮಾಡಿದ್ದು, ಸಿನಿ ಪ್ರಿಯರಿಗೆ ರಸದೌತಣ ನೀಡುತ್ತಿದೆ. ಸಂದೀಪ್​ ರೆಡ್ಡಿ ವಂಗಾ ಅವರು ಆ್ಯಕ್ಷನ್​ ಕಟ್​ ಹೇಳಿರುವ ಈ ಸಿನಿಮಾದಲ್ಲಿ ರಣಬೀರ್​ ಕಪೂರ್​ ಹಾಗೂ ರಶ್ಮಿಕಾ ಜೊತೆಗೆ ಅನಿಲ್​ ಕಪೂರ್​, ಬಾಬಿ ಡಿಯೋಲ್​ ಕೂಡ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಇನ್ನೊಂದೆಡೆ ಬಹು ನಿರೀಕ್ಷಿತ ಪುಷ್ಪ: ದಿ ರೂಲ್​ ಚಿತ್ರೀಕರಣದಲ್ಲಿ ರಶ್ಮಿಕಾ ಬ್ಯುಸಿಯಾಗಿದ್ದಾರೆ.

ಇದನ್ನೂ ಓದಿ:'ಸೂರರೈ ಪೊಟ್ರು' ರೀಮೇಕ್​​: ಅಕ್ಷಯ್ ಕುಮಾರ್ ಮುಂದಿನ ಸಿನಿಮಾ ಶೀರ್ಷಿಕೆ ರಿವೀಲ್​