ರಾಧಿಕಾ ಪಂಡಿತ್, ಒಂದು ಸಮಯ ಕನ್ನಡ ಚಿತ್ರರಂಗವನ್ನಾಳಿದ ಖ್ಯಾತ ನಟಿ. ಸದ್ಯ ಸಿನಿರಂಗದಿಂದ ದೂರವುಳಿದಿದ್ದರೂ, ಕ್ರೇಜ್ ಕಿಂಚಿತ್ತೂ ಕಡಿಮೆ ಆಗಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸಕ್ರಿಯರಾಗಿರುವ ಚಂದನವನದ ಚೆಂದುಳ್ಳಿ ಚೆಲುವೆ ಆಗಾಗ್ಗೆ ಸುಂದರ ಕ್ಷಣಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಅದರಂತೆ ಇದೀಗ ತಮ್ಮನ ಜೊತೆಗಿನ ಫೋಟೋಗಳು ಅಭಿಮಾನಿಗಳ ಗಮನ ಸೆಳೆದಿದೆ.
ಹೌದು, ಬಹುಬೇಡಿಕೆ ನಟಿಯಾಗಿ ಗುರುತಿಸಿಕೊಂಡಿದ್ದ ರಾಧಿಕಾ ಪಂಡಿತ್ ಅವರ ಸಹೋದರ ಗೌರಂಗ್ ಪಂಡಿತ್ ಅವರಿಗೆ ಇಂದು ಜನ್ಮದಿನದ ಸಂಭ್ರಮ. ಕುಟುಂಬಸ್ಥರು ಸೇರಿ ಸ್ನೇಹಿತರು ಗೌರಂಗ್ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ರಾಧಿಕಾ ಅವರೂ ಕೂಡಾ ತಮ್ಮನಿಗೆ ಬಹಳ ವಿಶೇಷವಾಗಿ ಶುಭ ಕೋರಿದ್ದಾರೆ. ಹಂಚಿಕೊಂಡಿರುವ ಫೋಟೋಗಳು ಆಕರ್ಷಕವಾಗಿವೆ. ರಾಕಿಂಗ್ ಸ್ಟಾರ್ ಯಶ್ ಕೂಡಾ ಈ ಫೋಟೋದಲ್ಲಿದ್ದಾರೆ.
ರಾಧಿಕಾ ಪಂಡಿತ್ ಕುಟುಂಬ (Photo source: ETV Bharat) ''ಡಿಯರ್ ಗೌರಂಗ್, ನಿಮ್ಮಂತ ಸಹೋದರನನ್ನು ಪಡೆಯಲು ನಿಜವಾಗಿಯೂ ನಾನು ಆಶೀರ್ವದಿಸಲ್ಪಟ್ಟಿದ್ದೇನೆ. ಹ್ಯಾಪಿ ಬರ್ತ್ಡೇ ಮೈ ಗೊಲ್ಲು. ಲವ್ ಯೂ ಲಾಟ್ಸ್'' ಎಂದು ಬರೆದುಕೊಂಡಿದ್ದಾರೆ. ಶೇರ್ ಮಾಡಿರುವ ಫೋಟೋಗಳು ಬಹಳ ಸುಂದರವಾಗಿವೆ. ನಟಿ ಹಂಚಿಕೊಂಡಿರುವ ಮೊದಲ ಫೋಟೋದಲ್ಲಿ ರಾಧಿಕಾ ಪಂಡಿತ್, ಗೌರಂಗ್ ಜೊತೆ ಯಶ್ ಕೂಡಾ ಇದ್ದಾರೆ. ಫೋಟೋ ಪ್ರೈವೆಟ್ ಜೆಟ್ ಬಳಿ ಕ್ಲಿಕ್ಕಿಸಿದಂತೆ ಇದೆ. ಮೂವರೂ ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ. ರಾಧಿಕಾ ಅವರು ಯಶ್ ಕೈ ಹಿಡಿದಿದ್ದು, ಮೇಡ್ ಫಾರ್ ಈಚ್ ಅದರ್ ಅಂತಿದ್ದಾರೆ ಅಭಿಮಾನಿಗಳು. ವಯಸ್ಸು 40 ಆದ್ರೂ ಯುವತಿಯರೂ ನಾಚುವಂತಹ ಸೌಂದರ್ಯ ರಾಧಿಕಾ ಅವರದ್ದು.
ಇದನ್ನೂ ಓದಿ:ಪ್ರಭಾಸ್ ಜೊತೆ ಹೊಂಬಾಳೆ ಫಿಲ್ಮ್ಸ್ನ 3 ಸಿನಿಮಾ ಘೋಷಣೆ: ಬಿಡುಗಡೆಗೂ ಮುಹೂರ್ತ ಫಿಕ್ಸ್, 'ಸಲಾರ್ 2' ಮೊದಲ ಚಿತ್ರ
ಎರಡನೇ ಫೋಟೋದಲ್ಲಿ ತಮ್ಮನನ್ನು ಹಿಡಿದು, ನಗುಮೊಗದಲ್ಲಿ ಕಾಣಿಸಿಕೊಂಡಿದ್ದಾರೆ. ಫೋಟೋವನ್ನು ಬೀಚ್ ಬಳಿ ಕ್ಲಿಕ್ಕಿಸಿದಂತಿದ್ದು, ಇಬ್ಬರೂ ಬಹಳ ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ. ಮೂರನೇ ಫೋಟೋದಲ್ಲಿ ಸಹೋದರನನ್ನು ರಾಧಿಕಾ ಬಿಗಿದಪ್ಪಿದ್ದಾರೆ. ಇದು ಶೂಟಿಂಗ್ ಸಂದರ್ಭ ತೆಗೆದಂತಿದೆ. ಮದುವೆಗೆ ಹೊರಡುತ್ತಿರುವಂತೆ ಕಂಡಿದೆ. ಮತ್ತೊಂದು ಮಗ ಯಥರ್ವ್ ಜೊತೆ ಗೌರಂಗ್ ಇರುವ ಫೋಟೋವಾದ್ರೆ, ಕೊನೆಯದ್ದು ಸ್ವತಃ ಗೌರಂಗ್ ಅವರ ಸಿಂಗಲ್ ಸ್ಟೈಲಿಷ್ ಫೋಟೋ ಆಗಿದೆ. ಈ ಫೋಟೋಗಳು ಬಹಳ ಸುಂದರವಾಗಿದ್ದು ಅಭಿಮಾನಿಗಳು ಪ್ರೀತಿಯ ಧಾರೆಯೆರೆಯುತ್ತಿದ್ದಾರೆ.
ಇದನ್ನೂ ಓದಿ:'ನನಗೆ ನಾನೇ ಶ್ರೇಷ್ಠ': ಬಿಗ್ ಬಾಸ್ನಲ್ಲಿ ಭವ್ಯಾ ಹೇಳಿಕೆ: ಮಂಜು, ಗೌತಮಿ ಬಗ್ಗೆ ಅಸಮಾಧಾನ
ಅಕ್ಟೋಬರ್ 30ರಂದು ಯಶ್ ರಾಧಿಕಾ ಕಿರಿ ಪುತ್ರ ಯಥರ್ವ್ ತನ್ನ ಐದನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾನೆ. ಅಂದು ಕೂಡಾ ನಟಿ ಕುಟುಂಬದ ಸುಂದರ ಕ್ಷಣಗಳನ್ನೊಳಗೊಂಡ ವಿಡಿಯೋವೊಂದನ್ನು ಹಂಚಿಕೊಂಡಿದ್ದರು. ಫೋಟೋಗಳು ಬಹಳ ಮುದ್ದಾಗಿ, ಸುಂದರವಾಗಿತ್ತು. ವಿಡಿಯೋ ವ್ಯಾಪಕವಾಗಿ ವೈರಲ್ ಆಗಿ, ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿತ್ತು. 2019ರ ಅಕ್ಟೋಬರ್ 30ರಂದು ರಾಧಿಕಾ, ಯಥರ್ವ್ಗೆ ಜನ್ಮ ನೀಡಿದ್ದು, ಮೊದಲ ಪುತ್ರಿ ಐರಾ. ತಮ್ಮ ಕುಟುಂಬಸ್ಥರು, ಸ್ನೇಹಿತರೊಂದಿಗೆ ಬರ್ತ್ಡೇ ಸೆಲೆಬ್ರೇಶನ್ ನಡೆದಿತ್ತು. ಯಶ್ ಅವರ ಮಸ್ತ್ ಡ್ಯಾನ್ಸ್ ವಿಡಿಯೋ ಕೂಡಾ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ವೈರಲ್ ಆಗಿದೆ.
