ಕಾಯುವಿಕೆ ಕೊನೆಗೊಂಡಿದೆ. ಶುಕ್ರವಾರ, ಜಿಯೋ ಸಿನಿಮಾ ಬಹುನಿರೀಕ್ಷಿತ 'ಬಿಗ್ ಬಾಸ್ ಒಟಿಟಿ 3'ರ ಮೊದಲ ಪ್ರೋಮೋ ಅನಾವರಣಗೊಳಿಸಿದೆ. ಜೊತೆಗೆ ಹೊಸ ಹೋಸ್ಟ್‌ನ ಸುಳಿವು ಕೂಡ ಕೊಟ್ಟಿದೆ. 'ಬಿಗ್ ಬಾಸ್ ಒಟಿಟಿ 3' ಅನ್ನು ಹಿರಿಯ ನಟ ಅನಿಲ್ ಕಪೂರ್ ಹೋಸ್ಟ್ ಮಾಡಲಿದ್ದಾರೆ. ವಿಡಿಯೋದಲ್ಲಿ ಅವರ ಸಂಪೂರ್ಣ ಚಿತ್ರಣ ಕೊಡದಿದ್ದರೂ, ಅನಿಲ್ ಕಪೂರ್ ಎಂಬುದು ಬಹುತೇಕ ಖಚಿತವಾಗಿದೆ.
ಜನಪ್ರಿಯ ರಿಯಾಲಿಟಿ ಶೋನ ಈ ಸೀಸನ್‌ನಿಂದ ಹೊರಗುಳಿಯಲು ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ನಿರ್ಧರಿಸಿದ್ದು, ಕರಣ್ ಜೋಹರ್, ಅನಿಲ್ ಕಪೂರ್ ಮತ್ತು ಸಂಜಯ್ ದತ್ ಅವರ ಹೆಸರುಗಳು ಕೇಳಿಬಂದಿದ್ದವು. ಅನಿಲ್ ಕಪೂರ್ ಹೆಸರು ಸಖತ್ ಸದ್ದು ಮಾಡಿದ್ದು, ಊಹೆಯಂತೆ ಅವರೇ ಈ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಪ್ರೋಮೋದಲ್ಲಿ ಅವರನ್ನು ಸಂಪೂರ್ಣವಾಗಿ ತೋರಿಸಲಾಗದಿದ್ದರೂ, ಇದು ಅನಿಲ್ ಕಪೂರ್ ಎಂದು ವೀಕ್ಷಕರು ನಂಬಿದ್ದಾರೆ. ಅಲ್ಲದೇ ಪುತ್ರಿ ಸೋನಂ ಕಪೂರ್ ಪ್ರತಿಕ್ರಿಯಿಸಿರುವ ಹಿನ್ನೆಲೆ ಇದು ಬಹುತೇಕ ಖಚಿತವಾಗಿದೆ.
ಸೋನಂ ಕಪೂರ್ ಇನ್ಸ್ಟಾಗ್ರಾಮ್ ಸ್ಟೋರಿ (Sonam Kapoor's IG Story) ಹೌದು, ಅನಿಲ್ ಕಪೂರ್ ಪುತ್ರಿ ಸೋನಮ್ ಕಪೂರ್ ಈ ಆಕರ್ಷಕ ಪ್ರೋಮೋಗೆ ಪ್ರತಿಕ್ರಿಯಿಸಿದ್ದಾರೆ. ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ನಲ್ಲಿ ಪ್ರೋಮೋವನ್ನು ಮರುಹಂಚಿಕೊಂಡ ಫ್ಯಾಶನ್ ಐಕಾನ್, ಹೃದಯಸ್ಪರ್ಶಿ ಮಾತುಗಳಿಂದ ತಮ್ಮ ತಂದೆಯ ಗುಣಗಾನ ಮಾಡಿದ್ದಾರೆ. "ಅವರು (ಬಿಗ್ ಬಾಸ್), ಅತ್ಯಂತ ಪ್ರತಿಭಾವಂತ, ಪರಿಶ್ರಮಿ ಮತ್ತು ಹ್ಯಾಂಡ್ಸಮ್ ವ್ಯಕ್ತಿಯನ್ನು ತಮ್ಮ ತಂಡದಲ್ಲಿ ಹೊಂದಿದ್ದಾರೆ" ಎಂದು ಸೋನಂ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ:ಬಿಗ್ ಬಾಸ್ ಒಟಿಟಿ ಸೀಸನ್ 3 ಟೀಸರ್ ರಿಲೀಸ್: ಕಾರ್ಯಕ್ರಮ ನಡೆಸಿಕೊಡಲಿದ್ದಾರಾ ಅನಿಲ್ ಕಪೂರ್? - Bigg Boss OTT
25 ಸೆಕೆಂಡ್ಗಳುಳ್ಳ ಪ್ರೋಮೋ ಹೊಸ ಸೀಸನ್‌ನ ಒಂದು ನೋಟ ಒದಗಿಸಿದೆ. ಪ್ರೋಮೋ ಹಿಂದಿನ ಸೀಸನ್‌ಗಳ ಕ್ಷಣಗಳನ್ನು ಹೊಂದಿದ್ದು, ಸಖತ್ ಸ್ಟೈಲಿಶ್ ಆಗಿ ರೆಡಿ ಆಗಿರುವಂತೆ ತೋರುವ ವ್ಯಕ್ತಿಯ ಎಂಟ್ರಿಯಾಗುತ್ತದೆ. ಸಂಪೂರ್ಣ ವಿಡಿಯೋದಲ್ಲಿ ವ್ಯಕ್ತಿಯ ಮುಖ ಅಸ್ಪಷ್ಟವಾಗಿ ಉಳಿದಿದೆ. ಆದ್ರೆ ಅವರ "ಕುರ್ಸಿ ಮಂಗಾ ರೇ..." ಡೈಲಾಗ್ ಪ್ರೇಕ್ಷಕರಿಗೆ ಕಿಕ್ ಕೊಟ್ಟಿದೆ. "ಕುಚ್ ಕರ್ತೇ ಹೈ ನಾ ಝಕಾಸ್" ಎಂದು ಹೇಳುವ ಧ್ವನಿ ಕೇಳುತ್ತದೆ. ಅದಕ್ಕೆ ಅನಿಲ್ ಕಪೂರ್, "ಬಹುತ್ ಹೋಗಯಾ ರೇ ಝಕಾಸ್, ಕರ್ತೇ ಹೈ ನ ಕುಚ್ ಔರ್ ಖಾಸ್" ಎಂದು ತಮ್ಮ ಸಿಗ್ನೇಚರ್ ಡೈಲಾಗ್ನೊಂದಿಗೆ ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ:ಅರ್ಜುನ್ ಜೊತೆ ಬ್ರೇಕ್ಅಪ್ ವದಂತಿ: ಪ್ರೀತಿ, ಬೆಂಬಲದ ಬಗ್ಗೆ ಮಾತನಾಡಿದ ಮಲೈಕಾ ಅರೋರಾ - Malaika Arjun
ಬಿಗ್ ಬಾಸ್ ಒಟಿಟಿ 3 ಜೂನ್‌ನಲ್ಲಿ ಪ್ರೀಮಿಯರ್ ಆಗಲಿದೆ ಎಂದು ಪ್ರೋಮೋ ಬಹಿರಂಗಪಡಿಸಿದೆ. ಅದಾಗ್ಯೂ, ನಿಖರ ದಿನಾಂಕ ಇನ್ನಷ್ಟೇ ರಿವೀಲ್ ಆಗಬೇಕಿದೆ. 100 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿರುವ ಹಿರಿಯ ನಟ ಅನಿಲ್ ಕಪೂರ್, ಈ ಹಿಂದೆ ಕಿರುತೆರೆಯಲ್ಲಿ ರಸಪ್ರಶ್ನೆ ಕಾರ್ಯಕ್ರಮ ನಡೆಸಿಕೊಟ್ಟಿದ್ದರು. ಇದೀಗ ಭಾರತದ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋನ ಒಟಿಟಿ ಆವೃತ್ತಿಯಲ್ಲಿ ನಿರೂಪಕರಾಗಿ ಹಿಂತಿರುಗುವುದನ್ನು ನೋಡಲು ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದಾರೆ.
