'ಯುವ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿ ಬೆಳ್ಳಿತೆರೆ ಮೇಲೆ ವಿಜೃಂಭಿಸಿದ ದೊಡ್ಮನೆ ಕುಡಿ ಯುವ ರಾಜ್ಕುಮಾರ್ ಅವರೀಗ ಔಟ್ ಅಂಡ್ ಔಟ್ ಮಾಸ್ ಅವತಾರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಚಿತ್ರ 'ಎಕ್ಕ'. ಆಯುಧ ಪೂಜೆಯ ಹಬ್ಬದಂದು ಎಕ್ಕ ಚಿತ್ರದ ಫಸ್ಟ್ ಲುಕ್ ಅನಾವರಣಗೊಂಡಿತ್ತು. ಇದೇನಿದು ಚಿತ್ರದ ಟೈಟಲ್ ಮತ್ತು ಫಸ್ಟ್ ಲುಕ್ ಹೀಗಿದೆ ಅಂತಾ ಗಾಂಧಿ ನಗರದಿಂದ ಸೌತ್ ಸಿನಿಮಾ ಇಂಡಸ್ಟ್ರಿವರೆಗೂ ಸಖತ್ ಟಾಕ್ ಆಗಿತ್ತು. ಆ ಮಟ್ಟಿಗೆ ಹವಾ ಸೃಷ್ಟಿಸೋಕ್ಕೆ ಕಾರಣ ಕನ್ನಡದ ಮೂರು ಪ್ರತಿಷ್ಠಿತ ಚಲನಚಿತ್ರ ನಿರ್ಮಾಣ ಸಂಸ್ಥೆಗಳು ಈ ಒಂದು ಪ್ರಾಜೆಕ್ಟ್ಗೆ ಕೈ ಜೋಡಿಸಿವೆ.
ಪಿಆರ್‌ಕೆ ಪ್ರೊಡಕ್ಷನ್ಸ್ ಮಾಲೀಕರಾದ ಅಶ್ವಿನಿ ಪುನೀತ್ ರಾಜ್ಕುಮಾರ್, ಜಯಣ್ಣ ಫಿಲ್ಮ್ಸ್ ಸಂಸ್ಥೆಯವರಾದ ಜಯಣ್ಣ ಮತ್ತು ಭೋಗೇಂದ್ರ ಹಾಗೂ ಕೆಆರ್‌ಜಿ ಸ್ಟುಡಿಯೋಸ್ನ ಕಾರ್ತಿಕ್ ಗೌಡ ಮತ್ತು ಯೋಗಿ ಜಿ ರಾಜ್ ಸೇರಿ ಎಕ್ಕ ಚಿತ್ರವನ್ನು ಅದ್ದೂರಿಯಾಗಿ ನಿರ್ಮಾಣ ಮಾಡುವ ಹೊಣೆ ಹೊತ್ತಿದೆ. ಹೀಗಾಗಿ ಈ ಚಿತ್ರದ ಮೇಲೆ ದೊಡ್ಡ ಮಟ್ಟದ ನಿರೀಕ್ಷೆ ಹುಟ್ಟಿದೆ.
ಅದ್ದೂರಿ ಸೆಟ್ಗಳನ್ನು ಹಾಕಿ ಚಿತ್ರೀಕರಣ: ಸಹಜವಾಗಿ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ಗಾಗಿ ಸ್ಟುಡಿಯೋ ಅಥವಾ ಅದ್ದೂರಿ ಸೆಟ್ಗಳನ್ನು ಹಾಕಿ ಚಿತ್ರೀಕರಿಸಲಾಗುತ್ತದೆ. ಆದ್ರೆ ಎಕ್ಕ ಚಿತ್ರತಂಡ ರಿಯಲಿಸ್ಟಿಕ್ ಜಾಗದಲ್ಲಿ ತಮ್ಮ ಚಿತ್ರದ ಫಸ್ಟ್ ಲುಕ್ನ ಶೂಟಿಂಗ್ ಮಾಡಿರೋದು ವಿಶೇಷ. ಹೌದು, ಎಕ್ಕ ಚಿತ್ರತಂಡ ಫಸ್ಟ್ ಲುಕ್ ಶೂಟ್ನ ಒಂದು ಮೇಕಿಂಗ್ ವಿಡಿಯೋ ರಿವೀಲ್ ಮಾಡಿದೆ. ಈ ವಿಡಿಯೋದಲ್ಲಿ ಸಾಲಾಗಿ ನೇತು ಹಾಕಿರುವ ಮಟನ್, ಮಾಟನ್‌ ಕಟ್ ಮಾಡುವ ದೃಶ್ಯ ಕಂಡು ಬರುತ್ತದೆ. ಸಿನಿಮಾದ ಕಥೆ ಡಿಮ್ಯಾಂಡ್ ಮಾಡಿದ ಹಿನ್ನೆಲೆ, ಚಿತ್ರತಂಡ ಈ ಫೋಟೋ ಶೂಟ್ ಮಾಡಿದೆ.
ಈಗಾಗಲೇ, ದಯವಿಟ್ಟು ಗಮನಿಸಿ, ರತ್ನನ್ ಪ್ರಪಂಚ ಚಿತ್ರಗಳನ್ನು ಮಾಡಿರೋ ರೋಹಿತ್ ಪದಕಿ ಎಕ್ಕ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಎಕ್ಕ ಚಿತ್ರತಂಡದ ಸದಸ್ಯರೊಬ್ಬರು ಹೇಳುವ ಹಾಗೇ, ಈ ಚಿತ್ರದ ಕಥೆ ಡಿಮ್ಯಾಂಡ್ ಮಾಡಿದ ಕಾರಣ ಶಿವಾಜಿನಗರದ ರೆಸಲ್‌ ಮಾರ್ಕೆಟ್ನಲ್ಲಿ ಎಕ್ಕ ಚಿತ್ರದ ಕಲರ್ಫುಲ್ ಫೋಟೋಶೂಟ್ ಮಾಡಲಾಗಿದೆ. ಯುವ ರಾಜ್ಕುಮಾರ್ ಔಟ್ ಅಂಡ್ ಔಟ್ ಮಾಸ್ ಲುಕ್ಲ್ಲಿ ಕಾಣಿಸಿಕೊಂಡಿದ್ದು ರತ್ನ ಎಂಬ ಹೆಸರು ಈ ಎಕ್ಕ ಕಥೆಗೆ ಲಿಂಕ್ ಆಗುತ್ತೆ ಅಂತಾರೆ.
ಇದನ್ನೂ ಓದಿ: ಡಾಲಿ ಧನಂಜಯ್ ಬಗ್ಗೆ ಮೆಗಾಸ್ಟಾರ್ ಚಿರಂಜೀವಿ ನುಡಿದ ಭವಿಷ್ಯ ನಿಜವಾಗುತ್ತಾ?: ಏನದು ಆ ಮಾತು?
ಇನ್ನು ಈ ಎಕ್ಕ ಅನ್ನೋ ಟೈಟಲ್ ಸಿಕ್ಕಿದ್ದು ಅಪ್ಪು ಅವರ ಜಾಕಿ ಸಿನಿಮಾದ ಎಕ್ಕ ರಾಜ ರಾಣಿ ಹಾಡಿನಿಂದ. ಆ ಪದವನ್ನು ಟೈಟಲ್ ಆಗಿ ಇಡಲಾಗಿದೆ. ಏಕೆ, ಏನು ಅನ್ನೋದು ಮುಂದಿನ ದಿನಗಳಲ್ಲಿ ನಿರ್ದೇಶ ರೋಹಿತ್ ಪದಕಿ ತಿಳಿಸುತ್ತಾರೆ ಅಂತಾರೆ.
ಯುವ ರಾಜ್ಕುಮಾರ್ ಅಭಿನಯದ ಎರಡನೇ ಚಿತ್ರವಾಗಿ 'ಎಕ್ಕ' ದ ಚಿತ್ರೀಕರಣ ನವೆಂಬರ್ 28ರಿಂದ ಪ್ರಾರಂಭವಾಗುತ್ತಿದ್ದು, ಚಿತ್ರದಲ್ಲಿ ಅತುಲ್ ಕುಲಕರ್ಣಿ ಅಭಿನಯಿಸುತ್ತಿದ್ದಾರೆ. ಯುವಗೆ ನಟಿಯಾಗಿ ಹೊಸ ನಟಿಯನ್ನು ಚಿತ್ರತಂಡ ಪರಿಚಯಿಸಲಿದೆ ಎಂದು ಚಿತ್ರತಂಡದ ಸದಸ್ಯರೊಬ್ಬರು ತಿಳಿಸಿದ್ದಾರೆ.
ಇದನ್ನೂ ಓದಿ: Watch: ಮುಂಬೈನಲ್ಲಿ ಮಕ್ಕಳೊಂದಿಗೆ ಯಶ್-ರಾಧಿಕಾ; ಕೆಜಿಎಫ್ ಸ್ಟಾರ್ ಕಾಲಿಗೆ ಬಿದ್ದ ಅಭಿಮಾನಿ
ಎಕ್ಕ ಚಿತ್ರ ಇಂದಿನ ಸೊಸೈಟಿಯಲ್ಲಿ ನಡೆಯುತ್ತಿರುವ ಕೆಲ ಮಾಫಿಯಾ ಜೊತೆ ಲವ್ ಸ್ಟೋರಿ ಸಿನಿಮಾ ಅನ್ನೋದು ಡೈರೆಕ್ಟರ್ ರೋಹಿತ್ ಪದಕಿ ಮಾತು. ವಿಕ್ರಮ್ ಹತ್ವಾರ್ ಹಾಗೂ ರೋಹಿತ್ ಪದಕಿ ಜೊತೆಗೂಡಿ ಚಿತ್ರಕ್ಕೆ ಕಥೆ ಬರೆದಿದ್ದಾರೆ. ಚಿತ್ರಕ್ಕೆ ಚರಣ್ ರಾಜ್ ಅವರ ಸಂಗೀತ, ದೀಪು ಎಸ್ ಕುಮಾರ್ ಅವರ ಸಂಕಲನ, ಸತ್ಯ ಹೆಗಡೆ ಛಾಯಾಗ್ರಹಣವಿರಲಿದೆ. ನವೆಂಬರ್ 28ರಂದು ಚಾಮರಾಜಪೇಟೆಯಲ್ಲಿರೋ ಬಂಡಿ ಮಹಾಕಾಳಮ್ಮ ದೇವಸ್ಥಾನದಲ್ಲಿ ಎಕ್ಕ ಸಿನಿಮಾಗೆ ಮುಹೂರ್ತ ಮಾಡಲು ಚಿತ್ರತಂಡ ಸಿದ್ಧತೆ ಮಾಡಿಕೊಂಡಿದೆ.
