ನವದೆಹಲಿ: ಭಾರತದ ಟೆಲಿಕಾಂ ಉದ್ಯಮದ ಆದಾಯವು 2025ರ ಹಣಕಾಸು ವರ್ಷದ ಎರಡನೇ ತ್ರೈಮಾಸಿಕದಲ್ಲಿ ಶೇ 8ರಷ್ಟು ಏರಿಕೆಯಾಗಿ 674 ಶತಕೋಟಿ ರೂ.ಗೆ (ವರ್ಷದಿಂದ ವರ್ಷಕ್ಕೆ ಶೇ.13ರಷ್ಟು ಬೆಳವಣಿಗೆ) ತಲುಪಿದೆ ಎಂದು ಹೊಸ ವರದಿಯೊಂದು ತಿಳಿಸಿದೆ. ಕರೆ ದರಗಳನ್ನು ಹೆಚ್ಚಿಸಿದ್ದು ಆದಾಯ ಏರಿಕೆಗೆ ಪ್ರಮುಖ ಕಾರಣ ಎಂದು ವರದಿ ಹೇಳಿದೆ.
ಮೂರು ಬಾರಿ ಕರೆ ದರಗಳನ್ನು ಹೆಚ್ಚಿಸಿದ ಹಿನ್ನೆಲೆಯಲ್ಲಿ ತ್ರೈಮಾಸಿಕ ಟೆಲಿಕಾಂ ಆದಾಯವು ಸೆಪ್ಟೆಂಬರ್ 2019 ರಿಂದ ಬಹುತೇಕ ದ್ವಿಗುಣಗೊಂಡಿದೆ (ಶೇಕಡಾ 96 ರಷ್ಟು ಏರಿಕೆ). ಇದು ಐದು ವರ್ಷಗಳಲ್ಲಿ ಉದ್ಯಮದ ಆದಾಯ ಸಿಎಜಿಆರ್ ಲೆಕ್ಕದಲ್ಲಿ ಶೇಕಡಾ 14 ರಷ್ಟಾಗಿದೆ ಎಂದು ಮೋತಿಲಾಲ್ ಓಸ್ವಾಲ್ ಫೈನಾನ್ಷಿಯಲ್ ಸರ್ವೀಸಸ್ ಲಿಮಿಟೆಡ್ನ ವರದಿ ತಿಳಿಸಿದೆ.
ಭಾರತೀಯ ಟೆಲಿಕಾಂ ಉದ್ಯಮದಲ್ಲಿ ಏಕೀಕೃತ ಮಾರುಕಟ್ಟೆ ರಚನೆ, ಹೆಚ್ಚಿನ ಡೇಟಾ ಬಳಕೆ, ಕಡಿಮೆ ಎಆರ್ಪಿಯು ಮತ್ತು ಟೆಲಿಕಾಂ ಕಂಪನಿಗಳು ಅಸಮರ್ಪಕ ಆದಾಯವನ್ನು ಗಮನಿಸಿದರೆ, ಕರೆ ದರ ಹೆಚ್ಚಳ ಪ್ರಕ್ರಿಯೆಗಳು ಮುಂದುವರಿಯುವ ಸಾಧ್ಯತೆಗಳಿವೆ. ಡಿಸೆಂಬರ್ 2025 ರಲ್ಲಿ ಶೇಕಡಾ 15 ರಷ್ಟು ಸುಂಕ ಹೆಚ್ಚಾಗುವ ನಿರೀಕ್ಷೆಯಿದೆ ಎಂದು ವರದಿ ಉಲ್ಲೇಖಿಸಿದೆ.
ಟೆಲಿಕಾಂ ಉದ್ಯಮಕ್ಕೆ ಪ್ರತಿ ಗ್ರಾಹಕನಿಂದ ಬರುವ ಸರಾಸರಿ ಆದಾಯ (ಎಆರ್ಪಿಯು) 2019 ರ ಸೆಪ್ಟೆಂಬರ್ನಲ್ಲಿ ಇದ್ದ 98 ರೂ.ಗಳಿಂದ 2024 ರ ಸೆಪ್ಟೆಂಬರ್ನಲ್ಲಿ 193 ರೂ.ಗೆ ದ್ವಿಗುಣಗೊಂಡಿದೆ. ಆದಾಗ್ಯೂ, ತೀವ್ರ ಸುಂಕ ಏರಿಕೆಯ ಪರಿಣಾಮವಾಗಿ, ಸೆಪ್ಟೆಂಬರ್ 2024 ರಲ್ಲಿ ಉದ್ಯಮದ ಚಂದಾದಾರರ ಸಂಖ್ಯೆ 1.15 ಟ್ರಿಲಿಯನ್ಗೆ ಇಳಿಕೆಯಾಗಿದ್ದು ಇದು ಸೆಪ್ಟೆಂಬರ್ 2019 ರ ಮಟ್ಟಕ್ಕಿಂತ (1.17 ಟ್ರಿಲಿಯನ್) ಕಡಿಮೆಯಾಗಿದೆ. ಟೆಲಿಕಾಂ ಕಂಪನಿಗಳ ಪೈಕಿ ಭಾರ್ತಿ ಏರ್ ಟೆಲ್ ದರ ಏರಿಕೆಯ ಅತಿದೊಡ್ಡ ಫಲಾನುಭವಿಯಾಗಿದ್ದು, ಸೂಚಿತ ಎಆರ್ಪಿಯುನಲ್ಲಿ 2.2 ಪಟ್ಟು ಹೆಚ್ಚಳವಾಗಿದೆ. ಇದು ಶೇಕಡಾ 17 ರಷ್ಟು ಐದು ವರ್ಷಗಳ ಸಿಎಜಿಆರ್ ದಾಖಲಿಸಿದೆ.
"ಡೇಟಾ ಬಳಕೆ ಅನುಪಾತದಲ್ಲಿನ ಗಮನಾರ್ಹ ಸುಧಾರಣೆಯು ಭಾರ್ತಿ ಏರ್ಟೆಲ್ನ ಎಆರ್ಪಿಯು ಬೆಳವಣಿಗೆಗೆ ಪ್ರಮುಖ ಕಾರಣವಾಗಿದೆ" ಎಂದು ವರದಿ ಹೇಳಿದೆ. 2019-2024 ರ ವರದಿಯ ಅವಧಿಯಲ್ಲಿ, ಭಾರ್ತಿ ಏರ್ಟೆಲ್ನ ಆದಾಯವು 2.6 ಪಟ್ಟು ಹೆಚ್ಚಾಗಿದೆ. ಇದು ಶೇಕಡಾ 21 ರಷ್ಟು ಐದು ವರ್ಷಗಳ ಆದಾಯ ಸಿಎಜಿಆರ್ ಸೂಚಿಸುತ್ತದೆ.
"ವೊಡಾಫೋನ್ ಐಡಿಯಾ ದೊಡ್ಡ ಕ್ಯಾಪೆಕ್ಸ್ ಯೋಜನೆಗಳೊಂದಿಗೆ ಮಾರುಕಟ್ಟೆ ಪಾಲಿನಲ್ಲಿ ಲಾಭ ಗಳಿಕೆಯ ವೇಗವು ನಿಧಾನವಾಗಬಹುದು. ಆದಾಗ್ಯೂ, ಆರ್ ಜಿಯೋ ಮತ್ತು ಭಾರ್ತಿ ಈಗಲೂ ವೊಡಾಫೋನ್ ಐಡಿಯಾದಿಂದ ಮಾರುಕಟ್ಟೆ ಪಾಲು ಕಸಿದುಕೊಳ್ಳುವುದನ್ನು ಮುಂದುವರಿಸುವ ಸಾಧ್ಯತೆಯಿದೆ" ಎಂದು ವರದಿ ಹೇಳಿದೆ.
ಇದನ್ನೂ ಓದಿ : ವಧು, ವರ, ಗೂಢಚಾರ: ಭಾರತದಲ್ಲಿ ಮಹತ್ವ ಪಡೆಯುತ್ತಿರುವ ವಿವಾಹಪೂರ್ವ ಪತ್ತೇದಾರಿಕೆ - PREMARITAL DETECTIVE
