ಕಳೆದ 10 ವರ್ಷದಲ್ಲಿ ವೈಯಕ್ತಿಕ ತೆರಿಗೆ ಸಂಗ್ರಹ ನಾಲ್ಕುಪಟ್ಟು ಹೆಚ್ಚಳ; ನೇರ ತೆರಿಗೆಯಲ್ಲಿ ಮೂರು ಪಟ್ಟು ಏರಿಕೆ

ಸರ್ಕಾರ ನೇರವಾಗಿ ಆದಾಯ ತೆರಿಗೆ ಕಾಯ್ದೆ 1961ರ ಅಡಿಯಲ್ಲಿ ವಿಧಿಸಲಾದ ಆದಾಯ ತೆರಿಗೆ ಮತ್ತು ಕಾರ್ಪೊರೇಷನ್ ತೆರಿಗೆಯಂತಹ ತೆರಿಗೆಯನ್ನು ನೇರವಾಗಿ ಸಂಗ್ರಹಿಸುತ್ತದೆ.

ಹೈದರಾಬಾದ್​: ಕಳೆದ 10 ವರ್ಷಗಳಲ್ಲಿ ದೇಶವು ನೇರ ತೆರಿಗೆ ಸಂಗ್ರಹದಲ್ಲಿ ಉತ್ತಮ ಬೆಳವಣಿಗೆಯನ್ನು ಹೊಂದಿದೆ. ಇದಕ್ಕೆ ಕಾರಣವಾದ ಪ್ರಮುಖ ಅಂಶಗಳಲ್ಲಿ ವೈಯಕ್ತಿಕ ಆದಾಯ ತೆರಿಗೆ ಸಂಗ್ರಹಣೆ ಮತ್ತು ಕಾರ್ಪೊರೇಟ್ ತೆರಿಗೆ ಸಂಗ್ರಹದಲ್ಲಿನ ಬೆಳವಣಿಗೆಯೂ ಒಂದಾಗಿದೆ. 2013-14 ಮತ್ತು 2023-24ರ ಆರ್ಥಿಕ ವರ್ಷದಲ್ಲಿ ನೇರ ತೆರಿಗೆ ಸಂಗ್ರಹವೂ ಮೂರು ಪಟ್ಟು ಹೆಚ್ಚಾಗಿದೆ. ಈ ಕುರಿತ ವಿಶ್ಲೇಷಣೆಯನ್ನು ಈಟಿವಿ ಭಾರತ್ ಇತ್ತೀಚಿನ ತೆರಿಗೆ ಡೇಟಾವನ್ನು ತೋರಿಸಿದೆ.

ನೇರ ತೆರಿಗೆಯನ್ನು ಸರ್ಕಾರ ನೇರವಾಗಿ ಆದಾಯ ತೆರಿಗೆ ಕಾಯ್ದೆ 1961ರ ಅಡಿಯಲ್ಲಿ ವಿಧಿಸಲಾದ ಆದಾಯ ತೆರಿಗೆ ಮತ್ತು ಕಾರ್ಪೊರೇಷನ್ ತೆರಿಗೆಯಂತಹ ಟ್ಯಾಕ್ಸ್​ಅನ್ನು ನೇರವಾಗಿ ಸಂಗ್ರಹಿಸುತ್ತದೆ. ಇದರ ಹೊರತಾಗಿ ಪರೋಕ್ಷ ತೆರಿಗೆ ಎಂಬುದು, ಗ್ರಾಹಕರು ನೀಡುವ ಜಿಎಸ್​ಟಿ ಅಥವಾ ಕಸ್ಟಮ್​ ಸುಂಕವಾಗಿದೆ.

ಕಳೆದ 10 ವರ್ಷಗಳಲ್ಲಿ ಒಟ್ಟಾರೆ ನೇರ ತೆರಿಗೆ ಸಂಗ್ರಹವು ಸುಮಾರು ಮೂರು ಪಟ್ಟು ಹೆಚ್ಚಾಗಿದೆ. ಈ ಅವಧಿಯಲ್ಲಿ ವೈಯಕ್ತಿಕ ಆದಾಯ ತೆರಿಗೆ ಸಂಗ್ರಹವು ಶೇ. 300 ರಷ್ಟು ವೃದ್ಧಿಯಾಗಿದೆ ಎಂದು ದತ್ತಾಂಶ ತೋರಿಸಿದೆ. ನೇರ ತೆರಿಗೆಗಳ ಮತ್ತೊಂದು ಪ್ರಮುಖ ಮೂಲ ಎಂದರೆ ಕಾರ್ಪೊರೇಷನ್ ತೆರಿಗೆ ಆಗಿದ್ದು, ಇದು ಕೂಡ ಈ ಅವಧಿಯಲ್ಲಿ ದ್ವಿಗುಣಗೊಂಡಿದೆ.

2013- 14ರ ಆರ್ಥಿಕ ವರ್ಷದಲ್ಲಿ ಕಾರ್ಪೋರೇಟ್​ ತೆರಿಗೆಯಿಂದಾಗಿ ಹಣಕಾಸು ಇಲಾಖೆ ಕಂದಾಯ ಇಲಾಖೆಯಿಂದ 3.95 ಲಕ್ಷ ಕೋಟಿ ಆದಾಯ ಸಂಗ್ರಹಿಸಿದೆ. ಈ ವರ್ಷದಲ್ಲಿ ವೈಯಕ್ತಿಕ ಆದಾಯ ತೆರಿಗೆ ಸಂಗ್ರಹವು 2.43 ಲಕ್ಷ ಕೋಟಿಯಾಗಿದೆ. ಇತರೆ ಪರೋಕ್ಷ ತೆರಿಗೆಯು 1,030 ಕೋಟಿಯಾಗಿದೆ. ಈ ವರ್ಷ ಒಟ್ಟಾರೆ ಸಂಗ್ರಹವಾದ ತೆರಿಗೆ ಸಂಗ್ರಹ 6.38 ಲಕ್ಷ ಕೋಟಿಯಾಗಿದೆ. ಕೇಂದ್ರ ಸರ್ಕಾರದ ನೇರ ತೆರಿಗೆ ಸಂಗ್ರಹವು ಅಂದಿನಿಂದ ಸ್ಥಿರ ಬೆಳವಣಿಗೆಯನ್ನು ಕಂಡಿದೆ.

ನೇರ ತೆರಿಗೆ ಸಂಗ್ರಹದಲ್ಲಿ ಸ್ಥಿರವಾದ ಬೆಳವಣಿಗೆ: ಉದಾಹರಣೆಗೆ ಕಾರ್ಪೊರೇಟ್ ತೆರಿಗೆ ಸಂಗ್ರಹವು 4.29 ಲಕ್ಷ ಕೋಟಿ ರೂ.ಗೆ ಬೆಳೆದರೆ, ವೈಯಕ್ತಿಕ ಆದಾಯ ತೆರಿಗೆ ಸಂಗ್ರಹವು ರೂ. 2.66 ಲಕ್ಷ ಕೋಟಿಗೆ ಏರಿಕೆ ಕಂಡಿದೆ. ಒಟ್ಟು ನೇರ ತೆರಿಗೆ ಸಂಗ್ರಹ 6.96 ಲಕ್ಷ ಕೋಟಿ ಆಯಿತು. ಇದು ಶೇ. 9 ಕ್ಕಿಂತ ಹೆಚ್ಚಿನ ಬೆಳವಣಿಗೆಯಾಗಿದೆ.

ಇದೇ ರೀತಿ, 2015-16ರಲ್ಲಿ ಕಾರ್ಪೊರೇಟ್ ತೆರಿಗೆ ಸಂಗ್ರಹವು 4.53 ಲಕ್ಷ ಕೋಟಿ ರೂ.ಗಿಂತ ಹೆಚ್ಚಿದ್ದು, ವೈಯಕ್ತಿಕ ತೆರಿಗೆ ಸಂಗ್ರಹವು 2.87 ಲಕ್ಷ ಕೋಟಿ ರೂ. ಆಗುವ ಮೂಲಕ ನೇರ ತೆರಿಗೆ ಸಂಗ್ರಹದಲ್ಲಿ ಒಟ್ಟಾರೆ 7.42 ಲಕ್ಷ ಕೋಟಿಗೆ ಹೆಚ್ಚಿದೆ.

2016-17ರಲ್ಲಿ ಮೊದಲ ಬಾರಿಗೆ ಸರ್ಕಾರದ ಕಾರ್ಪೊರೇಟ್​ ತೆರಿಗೆ ಸಂಗ್ರಹವು 5 ಲಕ್ಷ ಕೋಟಿಯಾಗಿದ್ದು, ಇದೇ ವರ್ಷ ಸರ್ಕಾರ ಕಾರ್ಪೊರೇಟ್ ತೆರಿಗೆಗಳಲ್ಲಿ 4.85 ಲಕ್ಷ ಕೋಟಿ ಸಂಗ್ರಹಿಸಿದೆ. ವೈಯಕ್ತಿಕ ಆದಾಯ ತೆರಿಗೆ ಸಂಗ್ರಹವು 3.5 ಲಕ್ಷ ಕೋಟಿ ತಲುಪಿದ್ದು, ಒಟ್ಟು ನೇರ ತೆರಿಗೆ ಸಂಗ್ರಹ ಸುಮಾರು 8.5 ಲಕ್ಷ ಆಗಿದೆ. ಈ ವರ್ಷದಲ್ಲಿ ನೇರ ತೆರಿಗೆ ಸಂಗ್ರಹವು ವರ್ಷದಿಂದ ವರ್ಷಕ್ಕೆ ಶೇ. 14ರಷ್ಟು ಸ್ಥಿರ ಬೆಳವಣಿಗೆ ಕಂಡಿದೆ.

10 ಲಕ್ಷ ಗಡಿ ದಾಟಿದ ನೇರ ತೆರಿಗೆ ಸಂಗ್ರಹ:2017-18ರಲ್ಲಿ ಮೊದಲ ಬಾರಿಗೆ ನೇರ ತೆರಿಗೆ ಸಂಗ್ರಹವು 10 ಲಕ್ಷ ಕೋಟಿ ದಾಟಿದೆ. ಮೊದಲ ವರ್ಷದಲ್ಲಿ ಅಧಿಕಾರಿಗಳು ಕಾರ್ಪೊರೇಟ್​​ ತೆರಿಗೆಯಿಂದ 5.17 ಲಕ್ಷ ಕೋಟಿ ಸಂಗ್ರಹಿಸಿದರೆ, ನೇರ ತೆರಿಗೆಯಿಂದ 4.2 ಲಕ್ಷ ಕೋಟಿ ಸಂಗ್ರಹಿಸಿದರು. ಇತರೆ ನೇರ ತೆರಿಗೆಯಿಂದ 11.450 ಕೋಟಿ ಸಂಗ್ರಹಿಸಿ, ಒಟ್ಟಾರೆ ನೇರ ತೆರಿಗೆ ಸಂಗ್ರಹ 10.3 ಲಕ್ಷ ಕೋಟಿ ದಾಟಿತು.

ಇತ್ತೀಚಿನ ಅಧಿಕೃತ ದತ್ತಾಂಶಗಳನ್ನು ಎಚ್ಚರಿಕೆಯಿಂದ ಪರೀಕ್ಷಿಸಿದಾಗ ನೇರ ತೆರಿಗೆ ಸಂಗ್ರಹ ದುಪ್ಪಟ್ಟುಗೊಳ್ಳಲು ಆರು ವರ್ಷವಾಗಿದೆ. 2011- 12ರ ಆರ್ಥಿಕ ವರ್ಷದಲ್ಲಿ 5 ಲಕ್ಷ ಕೋಟಿ ಇದ್ದ ಸಂಗ್ರಹ 2017-18ರಲ್ಲಿ 10 ಲಕ್ಷ ಕೋಟಿ ರೂ. ಆಗಿದೆ. ಈ 10 ಲಕ್ಷ ಕೋಟಿ ತೆರಿಗೆ ಸಂಗ್ರಹವು 20 ಲಕ್ಷ ಕೋಟಿ ರೂ. ದಾಟಲು ಮತ್ತೆ ಆರು ವರ್ಷ ತೆಗೆದುಕೊಂಡಿತು ಎಂಬುದು ಮತ್ತೊಂದು ಆಸಕ್ತಿದಾಯಕ ವಿಷಯವಾಗಿದೆ. 2023-24ರಲ್ಲಿ ಇದು ಅಂದಾಜಿನ ಪ್ರಕಾರ ನೇರ ತೆರಿಗೆ ಸಂಗ್ರಹದಿಂದ 19.6 ಲಕ್ಷ ಕೋಟಿ ರೂ. ಸಂಗ್ರಹವಾಗಿದೆ.

2016-17ರ ಅವಧಿಯಲ್ಲಿ ಆರ್ಥಿಕತೆಯಲ್ಲಿನ 2 ಪ್ರಮುಖ ವಿನ್ಯಾಸಗಳ ಸುಧಾರಣೆ: ಪ್ರಧಾನಿ ನರೇಂದ್ರ ಮೋದಿ ಸರ್ಕಾರದ ಮೊದಲ ಅವಧಿಯಲ್ಲಿ ಪ್ರಮುಖ ಆರ್ಥಿಕ ವಿನ್ಯಾಸ ಸುಧಾರಣೆಯು ದೇಶದ ಆರ್ಥಿಕತೆ ಮೇಲೆ ತನ್ನದೇ ಆದ ವೈಶಿಷ್ಟ್ಯತೆ ಮೇಲೆ ಪರಿಣಾಮ ಬೀರಿತು. ಇದರ ಫಲಿತಾಂಶವು ತೆರಿಗೆ ಸಂಗ್ರಹದ ಮೇಲೆ ಬೀರಿತು.

ಉದಾಹರಣೆಗೆ, 2016ರ ನವೆಂಬರ್​ನಲ್ಲಿ ಸರ್ಕಾರ 500 ರೂ. ಮತ್ತು 1,000 ರೂ. ಮುಖಬೆಲೆಯ ನೋಟುಗಳ ಅಮಾನ್ಯೀಕರಣ ಮಾಡಿತು. ಇದು ಎಸ್​ಎಂಇ ವಲಯ ಮತ್ತು ಅನೌಪಚಾರಿಕ ಆರ್ಥಿಕತೆ ಮೇಲೆ ಹೆಚ್ಚಿನ ಪರಿಣಾಮ ಉಂಟುಮಾಡಿತು.

ಇದೆ ರೀತಿ ಜುಲೈ 2017ರಲ್ಲಿ ಸರ್ಕಾರ ದೇಶದೆಲ್ಲೆಡೆ ರಾಜ್ಯ ಮತ್ತು ಕೇಂದ್ರ ನೇರ ತೆರಿಗೆ ಬಹುತೇಕದ ಮೇಲೆ ಜಿಎಸ್​ಟಿಯನ್ನು ಅಳವಡಿಸಿತು. ಈ ಎರಡು ದೇಶದ ಆರ್ಥಿಕತೆ ಮೇಲೆ ಹೆಚ್ಚಿನ ಪರಿಣಾಮ ಬೀರಿತು. ಇದು ತೆರಿಗೆ ಸಂಗ್ರಹದ ಮೇಲೆ ಪರಿಣಾಮವನ್ನು ಬೀರಿತು.

ಉದಾಹರಣೆಗೆ, 2018-19ರಲ್ಲಿ ನೇರ ತೆರಿಗೆ ಸಂಗ್ರಹವು 11.38 ಲಕ್ಷ ಕೋಟಿಗೆ ತಲುಪಿತು. ಇದರಲ್ಲಿ ವೈಯಕ್ತಿಕ ತೆರಿಗೆ ಸಂಗ್ರಹವು ಒಟ್ಟು 6.64 ಲಕ್ಷ ಕೋಟಿಗೆ ಮುಟ್ಟಿತು.

ಅದಾಗ್ಯೂ ಮುಂದಿನ ಎರಡು ಆರ್ಥಿಕ ವರ್ಷದಲ್ಲಿ 2019-20ರಲ್ಲಿ ಮತ್ತು 2020-21ರಲ್ಲಿ ಕೋವಿಡ್​ 19 ಜಾಗತಿಕ ಸಾಂಕ್ರಾಮಿಕವು ಆರ್ಥಿಕತೆ ಮೇಲೆ ಅನಿರೀಕ್ಷತ ಪರಿಣಾಮ ಬೀರಿತು. ಫಲಿತಾಂಶವಾಗಿ, ನೇರ ತೆರಿಗೆ ಸಂಗ್ರಹವು ಇಳಿಕೆ ಕಂಡಿತು. 2019-20ರಲ್ಲಿ 10.51 ಲಕ್ಷ ಕೋಟಿ ಆಗಿದ್ದ ತೆರಿಗೆ ಸಂಗ್ರಹ 2020-21ರಲ್ಲಿ 9.47 ಲಕ್ಷ ಕೋಟಿಗೆ ಅಂದರೆ 2017-18ರ ಆರ್ಥಿಕ ವರ್ಷಕ್ಕಿಂತ ಕಡಿಮೆಯಾಯಿತು.

ಕೋವಿಡ್​ 19 ಬಳಿಕ ಸ್ಥಿರ ತೆರಿಗೆ ಸಂಗ್ರಹ: ಕೋವಿಡ್ ಬಳಿಕ ಭಾರತದ ಆರ್ಥಿಕತೆಯು ವೇಗವಾಗಿ ಸುಧಾರಣೆ ಕಂಡು, ಉತ್ತಮ ಫಲಿತಾಂಶ ನೀಡಿತು. 2020-21ರಲ್ಲಿ 9.5 ಲಕ್ಷ ಕೋಟಿ ತೆರಿಗೆ ಸಂಗ್ರಹವಾದರೆ, ಮುಂದಿನ ವರ್ಷ ಅಂದರೆ 2020-21ರಲ್ಲಿ 14.12 ಲಕ್ಷ ಕೋಟಿ ಸಂಗ್ರಹವಾಗಿತ್ತು.

2022- 23ರಲ್ಲಿ ಮತ್ತೊಂದು ಹೊಸ ವಿದ್ಯಮಾನ ಕಂಡುಬಂದಿತು. ಅದೆಂದರೆ ಈ ವರ್ಷ ಕಾರ್ಪೊರೇಟ್​ ತೆರಿಗೆಗಿಂತ ವೈಯಕ್ತಿಕ ಆದಾಯದ ತೆರಿಗೆ ಸಂಗ್ರಹ ಹೆಚ್ಚಾಯಿತು. ಈ ವರ್ಷ ಸರ್ಕಾರ 8.33 ಲಕ್ಷ ಕೋಟಿ ವೈಯಕ್ತಿಕ ತೆರಿಗೆ ಸಂಗ್ರಹಿಸಿದರೆ, ಕಾರ್ಪೊರೇಟ್​ ತೆರಿಗೆಯಿಂದ 8.26 ಲಕ್ಷ ಕೋಟಿ ಸಂಗ್ರಹಿಸಿ, ಒಟ್ಟಾರೆ ತೆರಿಗೆ ಸಂಗ್ರಹ 16.64 ಲಕ್ಷ ಕೋಟಿ ಆಯಿತು.

ಇದೇ ರೀತಿ ಕಳೆದ ವರ್ಷದಲ್ಲಿ ಕೂಡ ಕಾರ್ಪೊರೇಟ್​ ತೆರಿಗೆ ಸಂಗ್ರಹಕ್ಕಿಂತ ವೈಯಕ್ತಿಕ ತೆರಿಗೆ ಸಂಗ್ರಹದಿಂದಲೇ ಸರ್ಕಾರ 10.45 ಲಕ್ಷ ಕೋಟಿ ಸಂಗ್ರಹಿಸಿತು. ಲಭ್ಯವಿರುವ ದತ್ತಾಂಶದ ಪ್ರಕಾರ 9.11 ಲಕ್ಷ ಕೋಟಿ ಕಾರ್ಪೊರೇಟ್​ ತೆರಿಗೆ ಸಂಗ್ರಹವಾಗಿದ್ದು, ಒಟ್ಟಾರೆ ತೆರಿಗೆ ಸಂಗ್ರಹ 19.6 ಲಕ್ಷ ಕೋಟಿ ಆಗಿದೆ.

ಇದನ್ನೂ ಓದಿ: ಕೈಗೆಟುಕುವ ದರದಲ್ಲಿ ಮೊದಲ ಬಾರಿಗೆ ಫೋಲ್ಡಬಲ್ ಫೋನ್​ ಪರಿಚಯಿಸಿದ ಇನ್ಫಿನಿಕ್ಸ್!