ರೂಪಾಯಿ ಮೌಲ್ಯದ ಕುಸಿತದ ನಡುವೆಯೇ 2ನೇ ವಾರವೂ ಏರಿಕೆ ಕಂಡ ಭಾರತದ ವಿದೇಶಿ ವಿನಿಮಯ ಮೀಸಲು

ಭಾರತೀಯ ರಿಸರ್ವ್​ ಬ್ಯಾಂಕ್​ ದತ್ತಾಂಶಗಳ ಪ್ರಕಾರ ಭಾರತದ ವಿದೇಶಿ ವಿನಿಮಯ ಮೀಸಲು ಏರಿಕೆ ಕಂಡಿದೆ

ನವದೆಹಲಿ:ಕಳೆದ ನಾಲ್ಕು ತಿಂಗಳ ಸತತ ಕುಸಿತದ ಬಳಿಕ ಭಾರತದ ವಿದೇಶಿ ವಿನಿಮಯ ಸಂಗ್ರಹವು ಎರಡನೇ ವಾರವೂ ಕೂಡಾ ಏರಿಕೆ ಕಂಡಿದೆ. ಜನವರಿ 31ರ ವಾರಾಂತ್ಯಾದಲ್ಲಿ ವಿದೇಶಿ ದೇಶದ ವಿನಿಮಯ ಮೀಸಲು 1.05 ಬಿಲಿಯನ್​ ಅಮೆರಿಕ ಡಾಲರ್​​ನಿಂದ 630.607 ಬಿಲಿಯನ್​ ಅಮೆರಿಕನ್​ ಡಾಲರ್​ ಏರಿಕೆ ಕಂಡಿದೆ ಎಂದು ಭಾರತೀಯ ರಿಸರ್ವ್​ ಬ್ಯಾಂಕ್​ ದತ್ತಾಂಶಗಳು ತಿಳಿಸಿವೆ.

ಕಳೆದ ಎರಡು ವಾರಗಳ ಹೊರತಾಗಿ, ದೇಶದ ವಿದೇಶೀ ವಿನಿಮಯ ಮೀಸಲು ಕಳೆದ 16 ವಾರಗಳು ಕುಸಿತ ಕಂಡಿತ್ತು. ಈ ಮೂಲಕ ಸುಮಾರು 11 ತಿಂಗಳ ಕನಿಷ್ಠ ಮಟ್ಟಕ್ಕೆ ತಲುಪಿದೆ. ವಿದೇಶಿ ವಿನಿಮ ಮೀಸಲು ಸೆಪ್ಟೆಂಬರ್​ನಲ್ಲಿ 704.80 ಬಿಲಿಯನ್​ ಡಾಲರ್​ ಗರಿಷ್ಠ ಮಟ್ಟ ತಲುಪಿದ ಬಳಿಕ ಕುಸಿಯಲಾರಂಭಿಸಿತ್ತು. ಒಟ್ಟಾರೆ ಶೇ 10 ರಷ್ಟು ಕುಸಿತ ಕಾಣುವ ಮೂಲಕ ಭೀತಿಗೆ ಕಾರಣವಾಗಿತ್ತು.

ತೀವ್ರವಾಗಿ ಕುಸಿತ ಕಾಣುತ್ತಿರುವ ರೂಪಾಯಿ ಬೆಲೆಯನ್ನು ನಿಯಂತ್ರಣ ಮಾಡುವ ಉದ್ದೇಶದಿಂದ ಆರ್​ಬಿಐ ಮಧ್ಯ ಪ್ರವೇಶ ಮಾಡಿತ್ತು. ಇದರ ಹೊರತಾಗಿಯೂ, ಜಾಗತಿಕ ಆರ್ಥಿಕ ಪರಿಸ್ಥಿತಿಗಳು ಹಾಗೂ ಹೊಸ ದಾಗಿ ಅಧಿಕಾರಕ್ಕೆ ಬಂದಿರುವ ಡೊನಾಲ್ಡ್​ ಟ್ರಂಪ್​ ಅವರ ನೀತಿಗಳಿಂದಾಗಿ ಡಾಲರ್​ ಬಲವರ್ದನೆಗೊಳ್ಳುತ್ತಿದೆ. ಹೀಗಾಗಿ ಅಮೆರಿಕ ಡಾಲರ್​ ಎದುರು ಭಾರತದ ರೂಪಾಯಿ ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ತಲುಪಿದೆ.

ಆರ್​ಬಿಐನ ಇತ್ತೀಚಿನ ದತ್ತಾಂಶಗಳ ಪ್ರಕಾರ, ಭಾರತದ ವಿದೇಶಿ ವಿನಿಮಯ ಸಂಗ್ರಹವು 537.684 ​ ಬಿಲಿಯನ್ ಅಮೆರಿಕನ್​ ಡಾಲರ್​ಗೆ ತಲುಪಿದೆ. ಪ್ರಸ್ತುತ ಬಂಗಾರದ ಮೀಸಲು 70.893 ಬಿಲಿಯನ್​ ಅಮೆರಿಕನ್​ ಡಾಲರ್​​ ಆಗಿದೆ. ಭಾರತದ ಬಳಿ ಇರುವ ಈ ವಿದೇಶಿ ವಿನಿಮಯ ಸಂಗ್ರಹ ಮೀಸಲು ಪ್ರಮಾಣ ಅಂದಾಜು 11 ತಿಂಗಳ ಯೋಜಿತ ಆಮದುಗಳನ್ನು ಸರಿದೂಗಿಸಲು ಸಾಕಾಗುತ್ತದೆ ಎಂದು ಆರ್​​​​ಬಿಐನ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಮಹಿಳೆಯರಿಗೆ ಅಷ್ಟೇ ಅಲ್ಲ ಇನ್ಮುಂದೆ ಪುರುಷರಿಗೂ ಸ್ವಸಹಾಯ ಸಂಘ: ಉಳಿತಾಯದ ಆರುಪಟ್ಟು ಸಾಲ ಸೌಲಭ್ಯ! ಏನೆಲ್ಲ ನಿಯಮ?

ಇದನ್ನೂ ಓದಿ: ಗೃಹಸಾಲಗಾರರಿಗೆ ಗುಡ್​ ನ್ಯೂಸ್​: 5 ವರ್ಷಗಳ ಬಳಿಕ ಮೊದಲ ಬಾರಿಗೆ ಬಡ್ಡಿದರ ಕಡಿತ ಮಾಡಿದ ಆರ್​​​ಬಿಐ: 25 ಬೇಸಿಸ್ ಪಾಯಿಂಟ್‌​ ಇಳಿಕೆ