Reliance Jio IPO:ರಿಲಯನ್ಸ್ ಇಂಡಸ್ಟ್ರೀಸ್ ತನ್ನ ಟೆಲಿಕಾಂ ಸೇವಾ ವಿಭಾಗ ರಿಲಯನ್ಸ್ ಜಿಯೋವನ್ನು ಸಾರ್ವಜನಿಕ ವಿತರಣೆಗೆ (ಐಪಿಒ) ತರುವ ಸಾಧ್ಯತೆಯಿದೆ. ಈ IPO ಮೂಲಕ ₹55,000 ಕೋಟಿ ಸಂಗ್ರಹಿಸುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ. ಇದು ದೇಶದ ಅತಿದೊಡ್ಡ ಐಪಿಒ ಆಗಲಿದೆ. 21,000 ಕೋಟಿ ರೂ ಸಂಗ್ರಹದ ಮೂಲಕ ಜೀವ ವಿಮಾ ನಿಗಮ (ಎಲ್‌ಐಸಿ)ದ ಐಪಿಒ ಈವರೆಗಿನ ಅತಿ ದೊಡ್ಡ ಐಪಿಒ ಆಗಿತ್ತು.
ಸುಂಕ ಏರಿಕೆ ಏಕೆ: ರಿಲಯನ್ಸ್ ಜಿಯೋ ಇತ್ತೀಚೆಗೆ ತನ್ನ ಮೊಬೈಲ್ ದರಗಳನ್ನು ಹೆಚ್ಚಿಸಿದೆ. ಇಲ್ಲಿಯವರೆಗೆ 4G ದರಗಳೊಂದಿಗೆ 5G ಸೇವೆಗಳನ್ನು ಒದಗಿಸುತ್ತಿದ್ದ Jio ಈಗ 5G ಗಾಗಿ ಪ್ರತ್ಯೇಕವಾಗಿ ದರವನ್ನು ನಿರ್ಧರಿಸುವ ಸಾಧ್ಯತೆಯಿದೆ. ಇದೆಲ್ಲವೂ ಟೆಲಿಕಾಂ ಸೇವಾ ಕಂಪನಿಯು ಐಪಿಒಗೆ ಮುಂದಾಗಿರುವ ಸಂಕೇತಗಳಾಗಿ ಕಾಣಬಹುದಾಗಿದೆ ಎಂದು ವರದಿಯಾಗಿದೆ. ಜಿಯೋದ IPO ಮುಂದಿನ ವರ್ಷದ ಆರಂಭದಲ್ಲಿ ಬರಬಹುದು ಎಂದು ತಜ್ಞರು ಅಂದಾಜಿಸಿದ್ದಾರೆ.
ಆಗಸ್ಟ್‌ನಲ್ಲಿ ಐಪಿಒ ಬರುವ ಸಾಧ್ಯತೆ:ರಿಲಯನ್ಸ್ ಇಂಡಸ್ಟ್ರೀಸ್ ಸಾಮಾನ್ಯವಾಗಿ ಪ್ರತಿ ವರ್ಷ ಆಗಸ್ಟ್ ತಿಂಗಳಲ್ಲಿ ತನ್ನ ವಾರ್ಷಿಕ ಸಾಮಾನ್ಯ ಸಭೆಯನ್ನು (ಎಜಿಎಂ) ನಡೆಸುತ್ತದೆ. ಹಾಗಾಗಿ ಕಂಪನಿಯ ಮುಖ್ಯಸ್ಥ ಮುಖೇಶ್ ಅಂಬಾನಿ Jio IPO ಬಗ್ಗೆ ಸ್ಪಷ್ಟೀಕರಣವನ್ನು ನೀಡುವ ಸಾಧ್ಯತೆಯಿದೆ. 5G ವ್ಯವಹಾರದಿಂದ ಸುಂಕದ ಹೆಚ್ಚಳ ಮತ್ತು ನಗದು ಹರಿವಿನೊಂದಿಗೆ Jio ನ ಸರಾಸರಿ ಬಳಕೆದಾರರ ಆದಾಯ ಗಮನಾರ್ಹವಾಗಿ ಹೆಚ್ಚಾಗುತ್ತದೆ. ಮುಂಬರುವ ತ್ರೈಮಾಸಿಕಗಳಲ್ಲಿ ಹೂಡಿಕೆದಾರರಿಗೆ ಇದು ಅತ್ಯಂತ ಆಕರ್ಷಕ ಅಂಶವಾಗಲಿದೆ ಎಂದು ವಿಶ್ಲೇಷಕರು ನಂಬಿದ್ದಾರೆ.
ಜಿಯೋ ಮೌಲ್ಯ:ಇತ್ತೀಚಿನ ಸುಂಕ ಹೆಚ್ಚಳ ಮತ್ತು 5G ಹಣ ಗಳಿಕೆಯ ಪ್ರಸ್ತಾಪದ ಹಿನ್ನೆಲೆಯಲ್ಲಿ, ಅಂತಾರಾಷ್ಟ್ರೀಯ ಬ್ರೋಕರೇಜ್ ಸಂಸ್ಥೆ ಜೆಫರೀಸ್ ಪ್ರಕಾರ, ಜಿಯೋದ ಮೌಲ್ಯವು 133 ಬಿಲಿಯನ್ ಡಾಲರ್ (ಸುಮಾರು 11.11 ಲಕ್ಷ ಕೋಟಿ ರೂ.) ಆಗಿರಬಹುದು. ದೊಡ್ಡ ಕಂಪನಿಗಳು ತಮ್ಮ ಮೌಲ್ಯದ ಕನಿಷ್ಠ 5 ಪ್ರತಿಶತವನ್ನು ಮತ್ತು ಸಣ್ಣ ಕಂಪನಿಗಳು ಕನಿಷ್ಠ 10 ಪ್ರತಿಶತವನ್ನು IPO ಮೂಲಕ ಮಾರಾಟ ಮಾಡಬೇಕಾಗುತ್ತದೆ. ಜಿಯೊದ ಮೌಲ್ಯಮಾಪನವನ್ನು ನೋಡಿದರೆ, ಕೇವಲ 5% ಪಾಲು ಅಂದರೆ 55,000 ಕೋಟಿ ರೂ. ಆಗಲಿದೆ. ಇಷ್ಟು ದೊಡ್ಡ ಮೊತ್ತದ ನಿಧಿಯನ್ನು ಸಂಗ್ರಹಿಸಿದರೆ ಜಿಯೋ ಐಪಿಒ ಭಾರತದಲ್ಲಿ ಅತಿ ದೊಡ್ಡ ಐಪಿಒ ಆಗಲಿದೆ ಎಂದು ಜೆಫರೀಸ್ ಭವಿಷ್ಯ ನುಡಿದಿದ್ದಾರೆ.
ಪಿಇ ಸಂಸ್ಥೆಗಳು ನಿರ್ಗಮಿಸಬಹುದು:ಈ ಐಪಿಒ ಜಾರಿಯಾದರೆ, ಅಂತಾರಾಷ್ಟ್ರೀಯ ಖಾಸಗಿ ಇಕ್ವಿಟಿ (ಪಿಇ) ಸಂಸ್ಥೆಗಳು ಜಿಯೋದಲ್ಲಿ ತಮ್ಮ ಹೂಡಿಕೆಯಿಂದ ಹಿಂದೆ ಸರಿಯಬಹುದು ಎಂದು ಕೆಲವು ವಿಶ್ಲೇಷಕರು ನಂಬಿದ್ದಾರೆ. ಪ್ರಸ್ತುತ, ಮುಖೇಶ್ ಅಂಬಾನಿಯವರ ರಿಲಯನ್ಸ್ ಇಂಡಸ್ಟ್ರೀಸ್ ಜಿಯೋ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸುಮಾರು 67.03% ಪಾಲನ್ನು ಹೊಂದಿದೆ.
ಉಳಿದ ಶೇಕಡಾ 32.97 ಷೇರುಗಳಲ್ಲಿ ಮೆಟಾ ಮತ್ತು ಗೂಗಲ್ ಕಂಪನಿಗಳು 17.72 ಶೇಕಡಾ ಷೇರುಗಳನ್ನು ಹೊಂದಿವೆ. ಅಂತಾರಾಷ್ಟ್ರೀಯ ಪಿಇ ಸಂಸ್ಥೆಗಳಾದ ವಿಸ್ಟಾ ಇಕ್ವಿಟಿ ಪಾರ್ಟ್‌ನರ್ಸ್, ಕೆಕೆಆರ್, ಪಿಐಎಫ್, ಸಿಲ್ವರ್ ಲೇಕ್, ಎಲ್ ಕ್ಯಾಟರ್‌ಟನ್, ಜನರಲ್ ಅಟ್ಲಾಂಟಿಕ್ ಮತ್ತು ಟಿಪಿಜಿ 15.25% ವರೆಗೆ ಪಾಲನ್ನು ಹೊಂದಿವೆ. ಜಿಯೋ ಪ್ಲಾಟ್‌ಫಾರ್ಮ್‌ 2020ರಲ್ಲಿ ಈ ಅಂತಾರಾಷ್ಟ್ರೀಯ ಹೂಡಿಕೆದಾರರಿಂದ 1.52 ಲಕ್ಷ ಕೋಟಿ ರೂಪಾಯಿಗಳನ್ನು ಸಂಗ್ರಹಿಸಿದೆ ಎಂದು ತಿಳಿದಿದೆ.
ಇದನ್ನೂ ಓದಿ:
