ತೆಲುಗು ನಾಡಿನಲ್ಲಿ ಲೋಕಸಭೆ ಚುನಾವಣೆ: ಚಿರಂಜೀವಿ, ಜೂ.ಎನ್​ಟಿಆರ್, ಅಲ್ಲು ಅರ್ಜುನ್ ಮತದಾನ - Actors Voting

ಲೋಕಸಭೆ ಚುನಾವಣೆಗೆ ಇಂದು ನಾಲ್ಕನೇ ಹಂತದ ಮತದಾನ ನಡೆಯುತ್ತಿದೆ. ತೆಲುಗು ರಾಜ್ಯಗಳ ಜನಪ್ರಿಯ ನಟರಾದ ಚಿರಂಜೀವಿ, ಜೂ.ಎನ್​ಟಿಆರ್, ಅಲ್ಲು ಅರ್ಜುನ್ ಮತಗಟ್ಟೆಗೆ ಆಗಮಿಸಿ ತಮ್ಮ ಮತಹಕ್ಕು ಚಲಾಯಿಸಿದರು.

ಹೈದರಾಬಾದ್:2024ರ ಲೋಕಸಭೆ ಚುನಾವಣೆಯ ನಾಲ್ಕನೇ ಹಂತಕ್ಕೆ ಇಂದು ಬೆಳಗ್ಗೆ 7 ಗಂಟೆಯಿಂದ ಮತದಾನ ನಡೆಯುತ್ತಿದೆ. 9 ರಾಜ್ಯಗಳು, 1 ಕೇಂದ್ರಾಡಳಿತ ಪ್ರದೇಶದ 96 ಲೋಕಸಭಾ ಕ್ಷೇತ್ರಗಳಲ್ಲಿ ಜನರು ಮತಗಟ್ಟೆಗೆ ಆಗಮಿಸಿ ಸರತಿ ಸಾಲಿನಲ್ಲಿ ನಿಂತು ವೋಟ್ ಮಾಡುತ್ತಿದ್ದಾರೆ.

ತೆಲಂಗಾಣದ 17 ಲೋಕಸಭಾ ಸ್ಥಾನಗಳು ಹಾಗೂ ಆಂಧ್ರಪ್ರದೇಶದಲ್ಲಿ ಲೋಕಸಭೆ ಜೊತೆಗೆ ವಿಧಾನಸಭೆ ಚುನಾವಣೆಗೂ ಇಂದು ಒಂದೇ ಹಂತದಲ್ಲಿ ಮತದಾನ ನಡೆಯುತ್ತಿದೆ. ಸ್ಟಾರ್ ನಟರು ಕೂಡಾ ಬೆಳಗ್ಗೆಯೇ ಕುಟುಂಬಸಮೇತರಾಗಿ ಬಂದು ವೋಟ್ ಹಾಕಿದರು.

ನಟರಾದ ಚಿರಂಜೀವಿ, ಜೂನಿಯರ್​ ಎನ್​ಟಿಆರ್, ಅಲ್ಲು ಅರ್ಜುನ್ ತಮ್ಮ ತಮ್ಮ ಮತಕೇಂದ್ರಗಳಲ್ಲಿ ಹಕ್ಕು ಚಲಾಯಿಸಿದರು. ಇವರು ಸರತಿ ಸಾಲಿನಲ್ಲಿ ನಿಂತು ಮತದಾನ ಮಾಡಿದ್ದು ವಿಶೇಷವಾಗಿತ್ತು. ಚಿರಂಜೀವಿ, ಜ್ಯೂನಿಯರ್ ಎನ್​ಟಿಆರ್ ಪತ್ನಿಸಮೇತರಾಗಿ ಮತಗಟ್ಟೆಗೆ ಆಗಮಿಸಿದ್ದರು.

ಎಲ್ಲರೂ ವೋಟ್ ಮಾಡಿ-ಜೂನಿಯರ್ ಎನ್‌ಟಿಆರ್‌: "ಎಲ್ಲರೂ ತಮ್ಮ ಹಕ್ಕು ಚಲಾಯಿಸಬೇಕು. ಈ ಮೂಲಕ ಮುಂದಿನ ಪೀಳಿಗೆಗೆ ಸಂದೇಶ ರವಾನಿಸಬೇಕಿದೆ' ಎಂದು ಮತದಾನದ ಬಳಿಕ ಜೂನಿಯರ್ ಎನ್‌ಟಿಆರ್‌ ತಿಳಿಸಿದರು.

"ಮತದಾನ ಪ್ರತಿಯೊಬ್ಬರ ಹಕ್ಕು. ಮುಂದಿನ ಐದು ವರ್ಷದ ದೇಶದ ಭವಿಷ್ಯಕ್ಕಾಗಿ ಎಲ್ಲರೂ ಮತದಾನ ಮಾಡಿ. ಈ ಬಾರಿ ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಆಗುವ ವಿಶ್ವಾಸವಿದೆ" ಎಂದು ಅಲ್ಲು ಅರ್ಜುನ್ ಮತದಾನದ ಬಳಿಕ ಪ್ರತಿಕ್ರಿಯಿಸಿದರು.

ರಾಜಕೀಯ ವಿಚಾರವಾಗಿ ನಾನು ನ್ಯೂಟ್ರಲ್- ಅಲ್ಲು ಅರ್ಜುನ್: "ಅಧಿಕೃತವಾಗಿ ನಾನು ಯಾವ ಪಕ್ಷದ ಜೊತೆಗೂ ಗುರುತಿಸಿಕೊಂಡಿಲ್ಲ. ನನ್ನ ಆಪ್ತರು ಮತ್ತು ಸಂಬಂಧಿಕರ ಪರವಾಗಿ ಪ್ರಚಾರ ಮಾಡಿದ್ದೇನೆ. ರಾಜಕೀಯ ವಿಚಾರವಾಗಿ ನಾನು ನ್ಯೂಟ್ರಲ್ ಆಗಿದ್ದೇನೆ" ಎಂದು 'ಪುಷ್ಪಾ' ಸಿನಿಮಾ ನಟ ಅಲ್ಲು ಅರ್ಜುನ್ ಸ್ಪಷ್ಟಪಡಿಸಿದರು.

ಇದನ್ನೂ ಓದಿ:ಲೋಕಸಭೆ ಚುನಾವಣೆ 4ನೇ ಹಂತದ ಮತದಾನ ಆರಂಭ: ಕ್ಷಣ ಕ್ಷಣದ ಮಾಹಿತಿಗಾಗಿ ಇಲ್ಲಿ ಕ್ಲಿಕ್ಕಿಸಿ - Lok Sabha Election 2024

ರಾಜಮೌಳಿ, ಕೀರವಾಣಿ ಮತದಾನ:ಹೈದರಾಬಾದಿನ ಜುಬಿಲಿ ಹಿಲ್ಸ್​ನಲ್ಲಿ ಸಿನಿಮಾ ನಿರ್ದೇಶಕ ರಾಜಮೌಳಿ, ಆಸ್ಕರ್‌ ವಿಜೇತ ಸಂಗೀತ ಸಂಯೋಜಕ ಎಂ.ಎಂ.ಕೀರವಾಣಿ ಮತ್ತು ನಟ ಶ್ರೀಕಾಂತ್ ಹಕ್ಕು ಚಲಾಯಿಸಿದರು.