ಬಾಯಿ ಚಪ್ಪರಿಸಿ ತಿನ್ನುವ ಗೋಲ್​ಗಪ್ಪ - ಪಾನಿಪುರಿಯಲ್ಲಿ ಶೌಚಾಲಯ ಶುಚಿಗೊಳಿಸುವ ಹೈಡ್ರೋಕ್ಲೋರಿಕ್​ ಆಸಿಡ್​ ಪತ್ತೆ!

ಗೋಲ್​​​ಗಪ್ಪ ಅಥವಾ ಪಾನಿಪಾರಿಗಳನ್ನು ಆಹಾರ ಸುರಕ್ಷತಾ ಅಧಿಕಾರಿಗಳು ಪರೀಕ್ಷೆಗೆ ಒಳಪಡಿಸಿದ್ದು, ಇದರಲ್ಲಿ ಜೀವಕ್ಕೆ ಕುತ್ತು ತರುವಂತಹ ಹಾನಿಕಾರಕ ಅಂಶ ಇರುವುದು ಬೆಳಕಿಗೆ ಬಂದಿದೆ.

ರಾಂಚಿ, ಜಾರ್ಖಂಡ್​: ಆಹಾರ ಸುರಕ್ಷೆ ಕಾಳಜಿ ವಿಚಾರವಾದರೂ ಅನೇಕ ಬಾರಿ ಜನರು ಇದನ್ನು ನಿರ್ಲಕ್ಷ್ಯಿಸಿ ಬಾಯಿ ಚಪಲ ತೀರಿಸಿಕೊಳ್ಳಲು ಮುಂದಾಗುತ್ತಾರೆ. ಅದರಲ್ಲೂ, ಬಾಯಲ್ಲಿ ನೀರು ಬರಿಸುವ ಗೋಲ್​ಗಪ್ಪ, ಪಾನಿಪೂರಿಯ ನೀರಿನ ಬಗ್ಗೆ ಅನೇಕ ಆಘಾತಕಾರಿ ಪ್ರಕರಣಗಳು ಬೆಳಕಿಗೆ ಬರುತ್ತಲೇ ಇವೆ. ಇದೀಗ ಜಾರ್ಖಂಡ್​ನಲ್ಲಿ ಕೇಳಿ ಬಂದಿರುವ ಪ್ರಕರಣ ಜನರನ್ನು ಬೆಚ್ಚಿಬೀಳಿಸುತ್ತಿರುವುದಂತೂ ಸುಳ್ಳಲ್ಲ.

ಗೋಲ್​​ ಗಪ್ಪ ಅಥವಾ ಪಾನಿಪಾರಿಗಳನ್ನು ಆಹಾರ ಸುರಕ್ಷತಾ ಅಧಿಕಾರಿಗಳು ಪರೀಕ್ಷೆಗೆ ಒಳಪಡಿಸಿದ್ದು, ಇದರಲ್ಲಿ ಜೀವಕ್ಕೆ ಕುತ್ತು ತರುವಂತಹ ಹಾನಿಕಾರಕ ಅಂಶ ಇರುವುದು ಬೆಳಕಿಗೆ ಬಂದಿದೆ. ಅಲ್ಲದೇ, ಈ ಗೋಲ್​ ಗಪ್ಪ ಸೇವನೆಯು ಕ್ಯಾನ್ಸರ್​ನಂತಹ ಅಪಾಯವನ್ನು ಹೆಚ್ಚಿಸಲಿದೆ ಎಂದಿದ್ದಾರೆ.

ಆಹಾರ ಪರೀಕ್ಷಾ ಪ್ರಯೋಗಾಲಯಕ್ಕೆ ರವಾನೆ:ಅಕ್ಟೋಬರ್​ನಲ್ಲಿ ಜಾರ್ಖಂಡ್​​ನ ಗಾರ್ವಾ ಆಹಾರ ಸುರಕ್ಷತಾ ಅಧಿಕಾರಿಯು ಗೋಲ್ಗಪ್ಪ ಅಥವಾ ಪಾನಿ ಪುರಿ ತಯಾರಿಸಲು ಬಳಸುವ ನೀರಿನ ಮಾದರಿಯನ್ನು ರಾಂಚಿಯ ನಾಂಕುಮ್‌ನಲ್ಲಿರುವ ರಾಜ್ಯ ಆಹಾರ ಪರೀಕ್ಷಾ ಪ್ರಯೋಗಾಲಯಕ್ಕೆ ಪರೀಕ್ಷೆಗಾಗಿ ಕಳುಹಿಸಿದ್ದರು.

ಪತ್ತೆಯಾಗಿದ್ದು. ಆಸಿಡ್​ಕಾರಕ ವಸ್ತು:ಪರೀಕ್ಷೆಗೆ ಕಳುಹಿಸಿದ ಗೋಲ್​​​ಗಪ್ಪವನ್ನು ತಯಾರಿಸಲು ಹುಳಿ ನೀರು ಬಳಕೆ ಮಾಡಲಾಗಿದೆ. ಆದರೆ, ಈ ಹುಳಿ ನೀರು ಯಾವುದೇ ನಿಂಬೆ ಅಥವಾ ಹುಣಸೆಯಿಂದ ಮಾಡಿದ ನೀರಲ್ಲ. ಬದಲಾಗಿ ಫ್ಯಾಕ್ಟರಿಗಳಲ್ಲಿ ಬಳಕೆ ಮಾಡುವ ಸಿಟ್ರಿಲ್​ ಆಸಿಡ್​ ಅಥವಾ ಟೈಟ್ರಿಟಿಕ್​ ಆಮ್ಲವಾಗಿದೆ.

ಈ ಕುರಿತು ಈಟಿವಿ ಭಾರತ್​ ಜೊತೆ ಮಾತನಾಡಿರುವ ರಾಜ್ಯ ಆಹಾರ ಪರೀಕ್ಷಾ ಪ್ರಯೋಗಾಲಯದ ಆಹಾರ ವಿಶ್ಲೇಷಕ ಚತುರ್ಭುಜ್ ಮೀನಾ, ಗೋಲ್​ಗಪ್ಪದಲ್ಲಿ ಪತ್ತೆಯಾಗಿರುವ ಅಂಶವೂ ಕಾರ್ಖಾನೆಗಳಲ್ಲಿ ಬಳಕೆ ಮಾಡುವ ಹೈಡ್ರೋಕ್ಲೋರಿಕ್​ ಆಮ್ಲವಾಗಿದೆ ಎಂದಿದ್ದಾರೆ.

ಇದು ಹಲ್ಲು ಅಥವಾ ಕರುಳಿಗೆ ಅಪಾಯಕಾರಿಯಾಗಿದೆ. ತನಿಖೆಯ ಬಳಿಕ ವರದಿ ಕೈ ಸೇರಿದ್ದು, ಗಾರ್ವಾ ಆಹಾರ ಅಧಿಕಾರಿಗಳು ಇದೀಗ ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ.

ಶೌಚಾಲಯ ಬಳಕೆ ಮಾಡುವ ಆಮ್ಲ:2024 ಅಕ್ಟೋಬರ್​ 15ರಂದು ಕೈ ಸೇರಿರುವ ವರದಿಯಲ್ಲಿ ಗೋಲ್​ಗಪ್ಪದಲ್ಲಿ ಶೌಚಾಲಯ ಶುಚಿಗೆ ಬಳಕೆ ಮಾಡುವ ವಸ್ತು ಬಳಕೆ ಮಾಡಲಾಗಿದೆ ಎಂದು ತಿಳಿಸಲಾಗಿದೆ. ಸದ್ಯಕ್ಕೆ ಈ ಮಾದರಿಗಳನ್ನು ರಾಂಚಿಯಲ್ಲಿ ಕೂಡ ಪರೀಕ್ಷೆಗೆ ಕಳುಹಿಸಲಾಗಿದೆ. ಇಲ್ಲಿ ಕೂಡ ಇದರಲ್ಲಿ ಹಾರ್ಪಿಂಗ್​ ಅಂಶ ಇರುವುದು ಕಂಡು ಬಂದಿದೆ. ಈ ಕುರಿತು ಪ್ರತಿಕ್ರಿಯಿಸಿದರುವ ಚರುರ್ಭುಜ್​ ಮೀನಾ, ಕಾರ್ಖಾನೆಗಳಲ್ಲಿ ಬಳಸುವ ಹೈಡ್ರೋಕ್ಲೋರಿಕ್ ಆಮ್ಲವನ್ನು ಟಾಯ್ಲೆಟ್ ಕ್ಲೀನರ್‌ಗಳಲ್ಲಿ ಬಳಸಲಾಗುತ್ತದೆ ಎಂದು ಹೇಳಿದ್ದಾರೆ.

ಕಾನ್ಸರ್​ ಮತ್ತು ಫೈಬ್ರೋಸಿಸ್​ಗೆ ಕಾರಣವಾಗುವ ಹೈಡ್ರೋಕ್ಲೋರಿಕ್​ ಆಮ್ಲ: ಪುಚ್ಕಾ, ಪಾನಿಪುರಿ ಅಥವಾ ಗೋಲ್​ಗಪ್ಪದ ನೀರಿನಲ್ಲಿ ಹೈಡ್ರೋಕ್ಲೋರಿಕ್​ ಅಂಶ ಪತ್ತೆಯಾಗಿರುವ ಕುರಿತು ರಿಮ್ಸ್​ನ ವೈದ್ಯಕೀಯ ವಿಭಾಗದ ನಿವೃತ್ತ ಮುಖ್ಯಸ್ಥರಾಗಿರುವ ಡಾ ವಿದ್ಯಾಪತಿ ಮಾತನಾಡಿ, ಇದು ಹಲ್ಲು ಮತ್ತು ಹೊಟ್ಟೆಯ ಸಮಸ್ಯೆಗೆ ಕಾರಣವಾಗುತ್ತದೆ ಹಾಗೇ ಫೈಬ್ರೋಸಿಸ್​ ಮತ್ತು ಕ್ಯಾನ್ಸರ್​​ಗೂ ಕಾರಣವಾಗಬಹುದು ಎಂದಿದ್ದಾರೆ.

ಇದನ್ನೂ ಓದಿ: ಉಗ್ರರ ಗುಂಡಿಗೆ ಬಲಿಯಾದ ಶ್ವಾನ, ಫ್ಯಾಂಟಮ್​ ತ್ಯಾಗಕ್ಕೆ ಕಣ್ಣೀರಿನ ವಿದಾಯ ಹೇಳಿದ ಸೇನೆ