અમદાવાદ:ગુજરાતમાં આ વર્ષે પણ ભર શિયાળે કમોસમી વરસાદ પડવાની આગાહી હવામાન વિભાગ દ્વારા કરવામાં આવી છે. રાજ્યમાં આગામી 26, 27 અને 28મી ડિસેમ્બરના રોજ ઘણા જિલ્લાઓમાં કમોસમી વરસાદ સંભાવના છે. હવામાન વિભાગે દ્વારા આ અંગે હાલમાં જ જાણકારી આપવામાં આવી હતી. જોકે લેટેસ્ટ વેધર બુલેટિન મુજબ, હવે સૌરાષ્ટ્રના કેટલાક જિલ્લાઓમાં પણ આ દિવસો દરમિયાન વરસાદ પડવાની આગાહી છે. એટલે કે એકબાજુ શિયાળાની ઠંડીની વચ્ચે હવે લોકોએ રેઈનકોટ પણ બહાર કાઢીને રાખવા પડશે.
કઈ તારીખે કયા જિલ્લામાં પડશે વરસાદ?
26 ડિસેમ્બરે રાજ્યના કચ્છ, બનાસકાંઠા, સાબરકાંઠા, અરવલ્લી, મહીસાગર, પંચમહાલ, દાહોદ, છોટાઉદેપુર, નર્મદા, સુરત, તાપી, નવસારી, ડાંગ, વલસાડ અને દાદરા અને નગર હવેલી, ભાવનગર, અમરેલી, ગીર સોમનાથ અને દીવમાં ગાજવીજ સાથે છૂટા છવાયા સ્થળોએ હળવાથી મધ્યમ વરસાદની પડવાની સંભાવના છે.
આવી જ રીતે 27 ડિસેમ્બરે પણ રાજ્યના કચ્છ, બનાસકાંઠા, સાબરકાંઠા, અરવલ્લી, મહીસાગર, પંચમહાલ, દાહોદ, છોટાઉદેપુર, નર્મદા, સુરત, તાપી, નવસારી, ડાંગ, વલસાડ અને દાદરા અને નગર હવેલી, ભાવનગર, અમરેલી, ગીર સોમનાથ અને દીવમાં ગાજવીજ સાથે છૂટા છવાયા સ્થળોએ હળવાથી મધ્યમ વરસાદની પડવાની સંભાવના છે. ખાસ છે કે આ બે દિવસ દરમિયાન 30-40 કિમીની ઝડપે પવન ફૂંકાઈ શકે છે.