સુરત: તાજેતરમાં જ સુરત જિલ્લામાં વિચલિત કરી દેતા દ્રશ્યો સામે આવ્યા હતા. જેમાં કોઠવા દરગાહ પાસે એક સાથે મહિલાઓ અને પુરુષો ગટરના ગંદા પાણીમાં ધુણતા હોય તેવો વીડિયો સામે આવ્યો. આ વાઈરલ વીડિયોને લઈને ETV Bharat દ્વારા તપાસ કરવામાં આવી હતી.
વીડિયોની તપાસમાં શું સામે આવ્યું? (ETV Bharat Gujarat)
ગંદા પાણીમાં ધૂણતા પુરુષો અને મહિલા
અંધ શ્રધ્ધાને લઇને સરકાર ગેમ તેટલા કડક કાયદાઓ લાવે જન જાગૃતિ માટે ગમે તેટલા પ્રયાસો કરે છતાં સમાજમાં અંધ શ્રધ્ધા દૂર નથી થઈ રહી. ત્યારે વધુ એકવાર અંધ શ્રધ્ધાના વરવા દ્રશ્યો સામે આવ્યા છે. સુરત જિલ્લામાં વિચલિત કરી દેતા દ્રશ્યો સામે આવ્યા છે. સુરત જિલ્લામાં છેલ્લા બે-ચાર દિવસથી કેટલાક વીડિયો સોશિયલ મીડિયામાં વાયરલ થયા છે. જેમાં પુરુષો અને મહિલાઓ એક સાથે ગટરના પાણીમાં ધુણતા નજરે ચડી રહ્યાં છે અને તેઓ હાકલા પડકારા કરી રહ્યા છે. એ લોકોને જોવા ટોળેટોળા એકત્ર થયા હતા.