સુરત : રાજસ્થાની વેપારી પાસે એક કરોડની ખંડણી માગી પિસ્તોલથી ત્રણ રાઉન્ડ ફાયરિંગ કરી જાનથી મારી નાખવાની કોશિશ કરનાર ભાગી ગયેલ આરોપીને ઝડપાયો છે. સુરત ક્રાઇમ બ્રાન્ચની ટીમે આરોપીને પકડીને મોટી સફળતા મેળવી છે. સુરત ક્રાઇમ બ્રાન્ચની ટીમે ચોક્કસ બાતમીના આધારે નાસતા ફરતા આરોપી વિજય કળસીયાને દબોચી લીધો અને તેને જેલના સળિયા ગણતો કરી દીધો હતો.
વેપારી પાસે ખંડણી માંગી ફાયરિંગ કરનાર આરોપી ઝડપાયો (ETV Bharat Gujarat)
ખંડણી અને ફાયરિંગનો મામલો :તારીખ 21 ફેબ્રુઆરી, 2019 ના રોજ આરોપી વિજય ડાયાભાઈ કળસીયાએ અન્ય લોકો સાથે મળીને ફરિયાદીની દુકાન પર જઈ 'તેરા ધંધા કાફી અચ્છા ચલ રહા હૈ, ગોવિંદ કુમાવત કો એક કરોડ રૂપિયા દેના પડેગા, ઔર પૈસે દો દિન મેં દેના પડેગા...' તેમ કહી જાનથી મારી નાખવાની ધમકી આપવામાં આવી હતી. એટલું જ નહીં ધમકી આપી ફરિયાદી વેપારીને જાનથી મારી નાખવાના ઇરાદે આરોપીઓ પિસ્તોલથી ત્રણ રાઉન્ડ ફાયરિંગ કરી નાસી ગયા હતા.