નર્મદા: દેડિયાપાડાના ધારાસભ્ય અને આદિવાસી નેતા ચૈતર વસાવાએ સુરતના ઉમરપાડા તાલુકાની મુલાકાત દરમિયાન મણિપુર મુદ્દે મહત્વપૂર્ણ નિવેદન આપ્યું છે. તેમણે ઉમરપાડા તાલુકા પંચાયતની ધાણાવાડ બેઠકની પેટા ચૂંટણીના પ્રચાર દરમિયાન મણિપુરમાં લાગુ કરવામાં આવેલા રાષ્ટ્રપતિ શાસન અંગે ગંભીર ચિંતા વ્યક્ત કરી હતી.
વસાવાએ જણાવ્યું કે, દેશના રાષ્ટ્રપતિ દ્રૌપદી મુર્મુ આદિવાસી મહિલા હોવા છતાં મણિપુરની હિંસક ઘટનાઓ અંગે તેમનું મૌન ચિંતાજનક છે. તેમણે ભારપૂર્વક કહ્યું કે, મણિપુરના મુખ્યમંત્રી પાસેથી રાજીનામું લઈને રાષ્ટ્રપતિ શાસન લાગુ કરવું પડ્યું તે ભાજપ સરકારની સ્પષ્ટ નિષ્ફળતા દર્શાવે છે.
રાષ્ટ્રપતિ આદિવાસી મહિલા હોવા છતાં મણિપુર મુદ્દે મૌન: ચૈતર વસાવા (Etv Bharat Gujarat)