GEB માં કૌભાંડ ! કોંગ્રેસના ભાજપ પર ગંભીર આક્ષેપ, પ્રજાના પૈસાની લૂંટ થાય છે - મનીષ દોશી - Scam in GEB

ગુજરાત કોંગ્રેસના પ્રવક્તા મનીષ દોશી દ્વારા આજે પત્રકાર પરિષદનું આયોજન કરવામાં આવ્યું હતું, જેમાં ગુજરાત ઇલેક્ટ્રિકલ બોર્ડમાં કેન્દ્ર સરકારની યોજનાના નામે સરકાર દ્વારા પ્રજાના પૈસાની જરૂર જણાવવામાં આવી રહી છે તેના વિશે વાત કરવામાં આવી હતી. જાણો. Scam in GEB

અમદાવાદ: ગુજરાત ઇલેક્ટ્રિકલ બોર્ડમાં કેન્દ્ર સરકારની યોજનાના નામે સરકાર દ્વારા પ્રજાના પૈસાની જણાવવામાં આવી રહી છે તે વિશે ગુજરાત કોંગ્રેસના પ્રવક્તા મનીષ દોશી જણાવે છે કે, 'ગુજરાતમાં ભાજપનો ભયમુક્ત ભ્રષ્ટાચાર અને વિવિધ સરકારી સિસ્ટમને પ્રજાના પૈસા લૂંટવાનું સાધન બનાવી દેવામાં આવ્યું છે. PGVCLની અંદર તાજેતરમાં કેન્દ્ર સરકારની એક યોજનાના નામે લૂંટનો ધંધો ચાલી રહ્યો છે.'

ગુજરાત કોંગ્રેસના પ્રવક્તા મનીષ દોશીએ વધુમાં જણાવ્યું હતું કે, 'ગુજરાત ઇલેક્ટ્રિકલ બોર્ડના ચારે ઝોન એટલે કે PGVCL, MGVCL, UGVCL અને DGVCL આ ચારે કંપનીઓ દ્વારા ડિસ્ટ્રીબ્યુશન નેટવર્કને મજબૂત કરવાના નામે લૂંટનો કારોબાર શરૂ કરવામાં આવ્યો છે.'

તાજેતરમાં સરકાર દ્વારા કેન્દ્ર સરકારની સ્કીમ RDSS ના નામે જે કોન્ટ્રાક્ટ આપવામાં આવતા હોય છે તેમાં 400% અને 500% ના ભાવે આપવામાં આવ્યા છે. પહેલા જે કામ કોન્ટ્રાક્ટર 830 રૂપિયામાં કરતા હતા તે હવે આ નવી યોજના પ્રમાણે 3,864 રૂપિયા પ્રતિ વીજકોલ ઊભો કરવાનું તેમને કામ સોંપવામાં આવેલ છે. ગુજરાત ઈલેક્ટ્રીસીટી બોર્ડની PGVCL માં કેન્દ્ર સરકારની યોજનાના RDSS યોજના હેઠળ કૌભાંડ આચરવામાં આવ્યાની વિગતો મળી રહી છે જેમાં RDSS યોજના હેઠળ 1 લાખ કરોડ જેટલા રૂપિયા કેન્દ્ર સરકાર દ્વારા ફાળવવામાં આવ્યા છે.

કોંગ્રેસના ભાજપ પર ગંભીર આક્ષેપ, પ્રજાના પૈસાની લૂંટ થાય છે - મનીષ દોશી (Etv Bharat Gujarat)

આ મુદ્દે વધુમાં જણાવતા કોંગ્રેસના પ્રવક્તા મનીષ દોશી કહે છે કે,'11 KV વાયર લગાવવાનું કામ જે અગાઉ 4518 રૂપિયે થતું હતું તે હવે 32,239 રૂપિયામાં આપવામાં આવ્યું છે, PGVCLની સાથે સાથે GEBની અન્ય કંપનીઓમાં પણ આ પ્રમાણે ઊંચા ભાવે કોન્ટ્રાક્ટ આપવામાં આવ્યા છે. વિજય ઇલેક્ટ્રિક અને અપાર કંપનીને PGVCL એ કોન્ટ્રાકટ આપ્યો છે.'

ન્યાયિક તપાસની માંગ:સમગ્ર મામલે ન્યાયિક તપાસ થવી જોઈએ અને આટલા ઉંચા ભાવે શા માટે કોન્ટ્રાક્ટ આપવામાં આવ્યો તેની પ્રજાને જાણ થવી જોઈએ તેવું કોંગ્રેસ પ્રવક્તા મનીષ ડોશી જણાવી રહ્યા છે. આમ ભારતીય જનતા પાર્ટી દ્વારા પ્રજાના પૈસાની લૂંટ ચલાવવાનું આ કારોબાર કરવામાં આવી રહ્યો છે તેવું કોંગ્રેસ પ્રવક્તા મનીષ દોશી દ્વારા જણાવવામાં આવ્યું હતું.

આ પણ વાંચો: