Etv Bharat Gujarat (Etv Bharat Gujarat)
રાજકોટ: ધોરાજી તાલુકાના પીપળીયા ગામ તેમજ આસપાસના પંથકમાં છેલ્લા 2 દિવસથી વરસાદી વાતાવરણ જોવા મળી રહ્યું છે. આ વરસાદને લીધે પીપળીયા ગામે ઘણા વિસ્તારોમાં વરસાદી પાણી ઘરમાં ઘુસી ગયા છે. આ વરસાદી પાણી ઘરમાં ઘુસી જતા સ્થાનિક લોકોની મુશ્કેલીમાં વધારો થયો છે અને વરસાદ બાદ તેમના જીવન પર મુશ્કેલીઓનું પણ આભ ફાટ્યું છે.
ઘરવખરી બરબાદઃ ધોરાજીના પીપળીયા ગામના સ્થાનિકોના જણાવ્યા પ્રમાણે વરસાદનું પાણી તેમના ઘરોમાં ઘુસી ગયું છે અને આ પાણીને લીધે તેમની ઘરવખરી પણ બરબાદ થઈ ચૂકી છે. આ પ્રકારની તકલીફ અને સમસ્યાને લઈને લોકોની મુશ્કેલીઓ વધી છે. તેમની ઉપર જાણે મુશ્કેલીઓનું આભ ફાટ્યું હોય તેવા દ્રશ્યો સર્જાયા છે. આ પીડિત વ્યક્તિઓએ મીડિયા સમક્ષ પોતાની વ્યથા જણાવી હતી. જેમાં પીડાનું વર્ણન કરતી વખતે તેઓ અત્યંત ભાવુક થઈ જતાં રડી પણ પડ્યા હતા.