જૂનાગઢઃ વધુ એક નકલી અધિકારી જૂનાગઢમાંથી ઝડપાયો છે. આરોપી પોલીસ યુનિફોર્મમાં ASI બનીને ફરતો હતો. પોલીસને આ આરોપી વિશે ચોકકસ બાતમી મળી હતી. આ બાતમીને આધારે પોલીસે નકલી ASIને ઝડપીને ઉલટ તપાસ હાથ ધરી છે.
Etv Bharat Gujarat (Etv Bharat Gujarat) સમગ્ર ઘટનાક્રમઃ જૂનાગઢ સી ડિવિઝન વિસ્તારમાં સિદ્ધિ વિનાયક પીજી નજીક એક ઈસમ પોલીસ યુનિફોર્મમાં આંટાફેરા મારી રહ્યો છે. આ બાતમીને આધારે પોલીસે તપાસ કરતા અહીંથી યુવરાજ જાદવ નામનો કોલેજીયન યુવાન પોલીસ યુનિફોર્મમાં મળી આવ્યો હતો. આ યુવકે પોતાની ઓળખ ASI તરીકેની આપી હતી. પોલીસ તપાસમાં યુવરાજ જાદવ નામનો વ્યક્તિ નકલી પોલીસ અધિકારી છે અને એકપણ વિભાગમાં નોકરી કરતો નથી તેવું બહાર આવ્યું છે.
પોલીસ બનવાનું સ્વપ્ન સેવનાર બન્યો આરોપીઃ પોલીસ પકડમાં રહેલો નકલી ASI યુવરાજ જાદવ પોલીસ બનાવવાના સપના જોતો હતો. યુવરાજે સ્નાતકનો અભ્યાસક્રમ પૂર્ણ કર્યા બાદ જૂનાગઢના ગાંધીગ્રામ વિસ્તારમાં આવેલ સિદ્ધિ વિનાયક પીજીમાં રહીને સ્પર્ધાત્મક પરીક્ષાઓની તૈયારી કરતો હતો. થોડા સમય પૂર્વે જ યુવરાજ જાદવે વન વિભાગમાં પરીક્ષા આપી છે જેનું પરિણામ હજુ સુધી આવ્યું નથી ત્યારે પોલીસ બનવાના સપના જોતો 20 વર્ષનો કોલેજીયન યુવાન આજે આરોપી બની ચૂક્યો છે.
પોલીસે જનતાને કરી અપીલઃ વિભાગીય પોલીસ અધિક્ષક હિતેશ ધાંધલ્યાએ જણાવ્યું હતું કે, પોલીસ પકડમાં રહેલા યુવરાજ જાદવે પોલીસ બનીને અન્ય કોઈ ગોરખધંધા કે લોકોને છેતર્યા છે કે કેમ તેમજ ગેર કાનુની વ્યવહાર કે વર્તન કર્યું છે તેની પોલીસ ગંભીરતાપૂર્વક તપાસ કરી રહી છે. જનતાને પણ અપીલ આપવામાં આવે છે કે, પોલીસ પકડમાં રહેલા યુવરાજ જાદવ નામના ઈસમે જો કોઈ પણ વ્યક્તિને પોલીસની કે અન્ય સરકારી કર્મચારી કે અધિકારીની ઓળખ આપીને તેમની સાથે કોઈ ગેરરીતિ કે અણછાજતું વર્તન કર્યું હોય તો જૂનાગઢ પોલીસ મથકનો સંપર્ક કરવો.
- રાજકોટના TRP ગેમ ઝોનમાં આગની દુર્ઘટના બાદ સરકાર એક્શનમાં, પોલીસ કમિશ્નરની બદલી - Rajkot Fire Incident
- બિહારમાં ચકચારી લૂંટ કરનાર આરોપી સુરતમાં ઝડપાયા, IPL ક્રિકેટરના પિતા પણ બન્યા લૂંટનો ભોગ - Surat Crime
