અમદાવાદઃ ગુજરાત પોલીસના 12 IPS અધિકારીઓને માટે નવું વર્ષ ખુશીના સમાચાર લઈને આવ્યું છે. આ અધિકારીઓને નવા વર્ષે સરકાર તરફથી પ્રમોશનની જાહેરાત કરવામાં આવી છે. ગુજરાત પોલીસમાં આ અધિકારીઓની બઢતી સાથે તેમને પગાર અને વિવિધ ક્ષમતાઓમાં પણ વધારો થયો છે.
ગુજરાત પોલીસના 12 IPSને નવું વર્ષ ફળ્યું, જાણો કોને કોને મળ્યું પ્રમોશન - IPS PROMOTION GUJARAT
ગુજરાત સરકાર દ્વારા IPS અધિકારીઓને પ્રમોશનની જાહેરાત કરાઈ...
ગુજરાતના પોલીસ અધિકારીઓને નવા વર્ષે પ્રમોશન મળ્યું (X @dgpgujarat)
Published : Jan 1, 2025, 3:54 PM IST
જેમાં IPS નીરજા ગોટરુંને પોલીસ ભરતી બોર્ડના DGP, IPS તરુણ દુગ્ગલને મહેસાણાના DIG, IPS હિતેશ જોયસરને સુરત ગ્રામ્યના DIG, ગૃહ સચિવ નિપુણા તોરવણેને ADGP, IPS આરવી ચુડાસમાને SRPF ગ્રુપ 9 વડોદરાના DIG તરીકે પ્રમોશન આપવામાં આવ્યું છે.
સાથે જ IPS સરોજકુમારીને પશ્ચિમ રેલવેના DIG તરીકે પ્રમોશન આપવામાં આવ્યું છે. IPS ડૉ. જી. એ. પંડ્યાને સુરેન્દ્રનગરમાં DIG તરીકે પ્રમોટ કરાયા છે. IPS આર પી બારોટને સુરતમાં એડિશનલ કમિશનર તરીકે પ્રમોટ કરાયા છે. IPS રાજન સુસરાને મરિન ટાસ્કફોર્સ કમાન્ડરના DIG તરીકે બઢતી મળી છે. IPS સુધા પાંડેને SRPF ગ્રુપ 13 રાજકોટ DIG તથા IPS સુજાતા મજુમદારને સ્ટેટ એકેડેમીમાં જોઈન્ટ ડાયરેક્ટર બનાવવામાં આવ્યા છે.