જામનગર:શહેરમાં વધી રહેલા રોગચાલથી સ્થાનિકો ચિંતિત છે. તમને જણાવી દઈએ કે, પહેલા 450 જેટલા દર્દીઓ હોસ્પિટલમાં આવતા હતા ત્યારે હાલ આ સંખ્યા વધીને 550 થી 600 અને કેટલીકવાર 700 સુધી પહોંચી રહી છે. IPDમાં દાખલ દર્દીઓની સંખ્યામાં પણ નોંધપાત્ર વધારો જોવા મળી રહ્યો છે. આ ઉપરાંત મેડિસીન ઈમરજન્સીમાં દાખલ દર્દીઓની સરેરાશ સંખ્યા 60 થી 80 હતી. જે હવે વધીને 110-130 અને કેટલીકવાર 150 સુધી પહોચે છે.
શહેરની જી.જી. હોસ્પિટલમાં દર્દીઓની ભીડમાં નોંધપાત્ર વધારો જોવા મળી રહ્યો છે (Etv Bharat Gujarat)
હોસ્પીટલમાં આવનારા કેસોમાં સૌથી વધુ શરદી, તાવ, મેલેરીયા અને ડેન્ગ્યુ જેવા રોગોના કેસો જોવા મળે છે. ત્યારે હવામાનમાં આવેલા ફેરફારને કારણે આ રોગો ફેલાતો હોય તેવી શક્યતા વધી ગઈ છે. ત્યારે ડોકટરો દર્દીઓની સારવાર માટે સતત પ્રયત્નશીલ છે. જેથી દર્દીઓને સારી સારવાર મળી રહે તે માટે જરૂરી પગલાં પણ ભરવામાં આવી રહ્યા છે.