અમદાવાદ: રાજ્યમાં ડ્રોપ આઉટ સતત વધી રહ્યો છે. બીજી બાજુ શિક્ષકોની અછત છે. ત્યારે શાળાઓ બંધ કરી દેવી પડી રહી છે. આ મામલે ગુજરાત કોંગ્રેસના મુખ્ય પ્રવક્તા મનીષ દોશી દ્વારા સરકારને ઘેરતા આકરા પ્રહારો કરવામાં આવ્યા હતા.
ડ્રોપ આઉટ રેશિયોમાં ગુજરાત ત્રીજા ક્રમે: છેલ્લા કેટલાક સમયથી શિક્ષણ વિભાગના પરિપત્ર પ્રમાણે વિદ્યાર્થીઓ ન થતા કેટલીક શાળાઓ બંધ કરી દેવી પડી રહી છે. ત્યારે બીજી બાજુ રાજ્યમાં ડ્રોપઆઉટ રેશિયો વધી રહ્યો છે. તે પણ ચિંતાનો વિષય છે. ત્યારે સરકારને ઘેરતા ગુજરાત કોંગ્રેસના મુખ્ય પ્રવક્તા મનીષ દોશી દ્વારા જણાવવામાં આવ્યું હતું કે "ડ્રોપ આઉટ રેશિયોમાં ગુજરાત સમગ્ર દેશમાં ત્રીજા ક્રમે છે તે ખૂબ જ ચિંતાનો વિષય છે. 21 પ્રવેશ ઉત્સવ અને શિક્ષણ વિભાગના દાવાઓનો પરપોટો ફૂટી ગયો છે"
રાજ્યમાં ડ્રોપઆઉટ રેશિયો વધ્યો, અમદાવાદમાં 1 લાખ બાળકો ટ્રેસ નથી થઈ રહ્યા: મનીષ દોશી (Etv Bharat Gujarat)