વલસાડ:જિલ્લાના શિક્ષણ વિભાગ દ્વારા જિલ્લા ફેરબદલી માટેનો ભરતી કેમ્પ યોજાયો હતો, આ કેમ્પ વલસાડના સી.આર.સી ભવન ખાતે યોજાયો હતો. આ કેમ્પમાં ધોરણ 1 થી 5 માટે કુલ 235 જગ્યાઓ ખાલી જાહેર કરવામાં આવી હતી. શિક્ષકોની બદલીની આ પ્રક્રિયા મેરિટ આધારે રાખવામાં આવી હતી, જેમાં 118 જગ્યાઓને મેરિટ અને 117 જગ્યાઓને ટિચીંગ અનુભવ આધારે ફાળવવાનો નિર્ણય લેવામાં આવ્યો હતો.
ભરતી પ્રક્રિયામાં વિવાદ:ભરતી પ્રક્રિયા શરૂ થતાં જ શિક્ષકોમાં ભારે રોષ જોવા મળ્યો હતો. તેઓએ આક્ષેપ કર્યો કે, જિલ્લાની ખાલી પડેલી કુલ 235 જગ્યાઓમાંથી 117 જગ્યાઓ પર અનુભવના આધારે ભરતી કર્યા બાદ પણ 91 જગ્યાઓ હજુ ખાલી છે, જેની ભરતીને લઈને શિક્ષણ વિભાગે સ્પષ્ટતા આપી નથી. શિક્ષકોનો દાવો છે કે, આ ખાલી પડેલી જગ્યાઓ પર અનુભવ અથવા મેરિટ આધારે તાત્કાલિક ભરતી કરવી જોઈએ. વિરોધ કરનારા શિક્ષકોમાં જિલ્લાના બહારથી આવેલા ઉમેદવારોનો પણ સમાવેશ થાય છે. તેમણે દાવો કર્યો કે, વલસાડ જિલ્લાના જગ્યાઓ પર તેમને તક મળવી જોઈએ, પરંતુ જિલ્લા શિક્ષણ વિભાગ આ બાબતે નિવારક નીતિ અપનાવી રહ્યું છે.
વલસાડમાં શિક્ષણ વિભાગના ફેર બદલી કેમ્પમાં હોબાળો (Etv Bharat Gujarat) હોબાળાનું શું કારણ અને શિક્ષણ વિભાગની સ્પષ્ટતા: શિક્ષકોના દાવા મુજબ, ટીચિંગ અનુભવ આધારિત ફાળવવામાં આવેલી 117 જગ્યાઓ માટે યોગ્ય રીતે નિર્ધારણ કરવામાં આવ્યું હતું, પરંતુ મેરિટ હેઠળ 26 જગ્યાઓ પર ભરતી પૂર્ણ થયા પછી 91 જગ્યાઓ હજી ખાલી રહી છે. શિક્ષકોની માંગ છે કે, આ 91 જગ્યાઓ માટે તાત્કાલિક પગલાં લેવાં જોઈએ.
વલસાડમાં શિક્ષણ વિભાગના ફેર બદલી કેમ્પમાં હોબાળો (Etv Bharat Gujarat) જિલ્લા પ્રાથમિક શિક્ષણ અધિકારીનું શું કહેવું: પ્રાથમિક શિક્ષણ અધિકારી ડી.બી. વસાવાના નિવેદન અનુસાર, 16 નવેમ્બર, 2024ના પરિપત્રના આધારે ખાલી પડતી જગ્યાઓ માટે ઓનલાઇન ભરતી કરવામાં આવશે. તેમનું કહેવુ છે કે, ફિઝિકલ કેમ્પ પછીની ખાલી જગ્યાઓ માટે નક્કી પ્રક્રિયા અનુસંધાનમાં છે અને શિક્ષકોની સમસ્યાનું ઉકેલ લાવવા માટે વિભાગ કાર્યરત છે.
વલસાડમાં શિક્ષણ વિભાગના ફેર બદલી કેમ્પમાં હોબાળો (Etv Bharat Gujarat) વિરોધકારી શિક્ષકોની સમસ્યાઓ:શિક્ષકોના મતે, ભરતી પ્રક્રિયામાં પારદર્શકતાનો અભાવ છે. તેમની મુખ્ય ફરિયાદ હતી કે, પસંદગી માટે યોગ્ય માપદંડો અપનાવવામાં આવ્યા નથી. કેટલાક શિક્ષકોનું કહેવું છે કે, ભરતી પ્રક્રિયામાં જિલ્લા બહારના ઉમેદવારો માટે અવરોધો ઊભા કરવામાં આવી રહ્યા છે. આ ઉપરાંત, ટેક્નિકલ ગરબડીઓ અને સમન્વયના અભાવને કારણે સ્થિતિ વધુ જટિલ થઈ હતી. વિદ્યાર્થીઓના શિક્ષણના હિત માટે આ પ્રક્રિયાને ઝડપથી પારદર્શક રીતે પૂર્ણ કરવી જરૂરી છે.
વલસાડમાં શિક્ષણ વિભાગના ફેર બદલી કેમ્પમાં હોબાળો (Etv Bharat Gujarat) આંદોલનકર્તા શિક્ષકોની શું છે પરિસ્થિતિ: વિરોધ ચાલુ રહેતા જિલ્લાના પ્રાથમિક શિક્ષણ વિભાગે આ મુદ્દાને શાંતિપૂર્ણ રીતે ઉકેલવા માટે શિક્ષકો સાથે મીટિંગ યોજવાની યોજના બનાવી છે .શિક્ષકોના સંઘટનોએ પણ આ મુદ્દે પોતાનો મજબૂત પક્ષને રજૂ કર્યો છે અને તાત્કાલિક કાર્યવાહી કરવાની માંગ કરી છે. કેમ્પમાં ઉપસ્થિત રહેલા શિક્ષકો અને અધિકારીઓના સંવાદમાં કેટલીક સમસ્યાઓ હલ થઈ હોવાની વાત છે, પરંતુ મુખ્ય પડકાર 91 ખાલી જગ્યાઓ અંગેનો છે. શિક્ષકોના મતે, જો આ મુદ્દે ન્યાય નહી મળે, તો તેઓ વધુ ઉગ્ર આંદોલન તરફ આગળ વધશે.
વિશ્વાસ અને સકારાત્મકતા માટેના પ્રયાસો:શિક્ષણ વિભાગે શિક્ષકોને ખાતરી આપી છે કે, ભવિષ્યમાં ભરતી પ્રક્રિયામાં વધુ પારદર્શકતા રાખવામાં આવશે. એમનું કહેવું છે કે, ઓનલાઇન અરજી પ્રક્રિયા શરૂ થયા બાદ ખાલી પડતી 91 જગ્યાઓ માટે યોગ્ય અભિગમ અપનાવવામાં આવશે. હાલ માટે, વિદ્યાર્થીઓના શૈક્ષણિક હિત માટે આ સમસ્યાનું ઝડપી નિરાકરણ લાવવું અગત્યનું છે, જેથી શિક્ષણ ક્ષેત્રમાં થતા વિવાદો અટકી શકે. હજી બે દિવસ આ ફેર બદલી કેમ્પ ચાલશે. ત્યારે શિક્ષણ વિભાગ અને શિક્ષકો આમને સામને આવી ગયા એવી સ્થિતિ જોવા મળી છે, ત્યારે શું નિરાકરણ આવે એની ઉપર સૌની નજર રહેશે. જો કે, સરકારી પરિપત્રને આધારે ઓનલાઈન ભરતી કરવા શિક્ષણ વિભાગ હાલ મક્કમ હોવાનું જણાઇ આવે છે.
આ પણ વાંચો:
- મહારાષ્ટ્ર વિધાનસભા ચૂંટણીનો ગુજરાત પર પડ્યો પ્રભાવ, દક્ષિણ ગુજરાત અને સંઘ પ્રદેશ પર આંશિક અસર દેખાઇ
- વલસાડઃ ટ્યુશન જઈ રહેલી 19 વર્ષીય યુવતીનું શંકાસ્પદ મૃત્યુ, PM માં ચોંકાવનારો ખુલાસો
