ભાવનગર:જિલ્લામાં ગાંજાના વાવેતરને પગલે પોલીસ એક્શન મોડમાં છે. છેલ્લા ઘણા સમયથી લીલો ગાંજો ઝડપી લેવામાં આવી રહ્યો છે. ત્યારે વાડી વિસ્તારમાં અન્ય પાકો વચ્ચે ગાંજો પોલીસે ઝડપ્યો છે. મહુવા ASPની ટીમ દ્વારા મસમોટો 425 કિલોથી વધુનો ગાંજો ઝડપીને આરોપી સામે ગુન્હો નોંધી ધોરણસરની કાર્યવાહી હાથ ધરી છે.
કપાસ અને નાળિયેરી વચ્ચે ગાંજાનું વાવેતર: ભાવનગર જિલ્લાના મહુવાના ASP અંશુલ જૈનની ટીમ દ્વારા તેમને મળેલી બાતમીને પગલે દાઠા પોલીસ સ્ટેશન વિસ્તારમાં આવતા વાડી વિસ્તારમાં લીલા ગાંજાના વાવેતરને પગલે રેડ કરવામાં આવી છે. દાઠા પોલીસની યાદીમાં જણાવવામાં આવ્યું છે કે, દાઠા ગામના બગડ કોઠાની વાડી વિસ્તારમાં નાળિયેરી અને કપાસની વચ્ચે લીલા ગાંજાનું વાવેતર કરવામાં આવ્યું હતું. વાડીવાળી જગ્યાએ રેડ કરતા મોટી સંખ્યામાં લીલો અને અર્ધસૂકો ગાંજો ઝડપાયો છે.
ભાવનગરના દાઠા ગામની સીમમાંથી ખેતરમાં ગાંજાના વાવેતર સાથે પોલીસે આરોપીને ઝડપી લીધો (ETV BHARAT GUJARAT) કેટલી માત્રામાં ઝડપાયો ગાંજો: મહુવાના ASP અંશુલ જૈન અને તેની ટીમે દાઠા પોલીસ સ્ટેશન વિસ્તારમાં દાઠા ગામના બગડ કોઠાની સીમમાં વનરાજસિંહ ઉર્ફે વનુભા બચુભા સરવૈયાની વાડીમાં બાતમીને પગલે તપાસ કરતા નારીયેળી અને કપાસની વચ્ચે લીલો અને અર્ધ સુકો ગાંજાનું વાવેતર કર્યું હતું. જ્યાંથી પોલીસને 664 નંગ લીલો અને અર્ધસૂકો ગાંજો કુલ 425 કિલો 180 ગ્રામ મળી આવ્યો છે. જેથી ધોરણસર શખ્સની અટકાયત કરી દાઠા પોલીસ સ્ટેશનમાં ફરિયાદ નોંધાવવામાં આવી છે.
ભાવનગરના દાઠા ગામની સીમમાંથી ખેતરમાં ગાંજાના વાવેતર સાથે પોલીસે આરોપીને ઝડપી લીધો (ETV BHARAT GUJARAT) કેટલી કિંમતનો ગાંજો ઝડપાયો?:દાઠા પોલીસ સ્ટેશનને યાદીમાં જણાવવામાં આવ્યું છે કે, મૂળ દાઠા ગામમાં રહેતા અને બગડ કોઠાની વાડીમાં ખેતર ધરાવતા વનરાજસિંહ ઉર્ફે વનુભા બચુભા સરવૈયાએ પોતાની વાડીમાં 425 કિલો 180 ગ્રામ લીલો અને અર્ધ સૂકો ગાંજો જેની કિંમત 21,25,900 અને 500 રૂપિયાનો મોબાઈલ ગણીને કુલ 21,26,400 નો મુદ્દામાલ કબ્જે લઈને ધોરણસર કાર્યવાહી હાથ ધરી છે.
આ પણ વાંચો:
- 100 સ્થળોએ વૃદ્ધોને નિજાનંદ કરવા યુવાન સંગીતકારોનો પ્રયાસ, સમગ્ર ગુજરાતમાં સંગીત સંધ્યાનું આયોજનની મહેચ્છા
- મહાકુંભમાં જવા ભક્તોનો ઘસારો : ભાવનગરથી પ્રયાગરાજ કેટલી બસો ગઈ જાણો
