ભાવનગર: ભાવનગર વિસ્તારમાં આવેલા એકમાત્ર જલારામ બાપાના મંદિર ખાતે 225મી જલારામ જયંતિની ઉજવણી કરવામાં આવી છે. જલારામ બાપાને અન્નકૂટ અર્પણ કરવામાં આવ્યો છે. જો કે ભાવનગરના જલારામ મંદિરમાં છેલ્લા ઘણા વર્ષોથી કોઈ દાન પુણ્યની રકમ પણ સ્વીકારવામાં આવતી નથી, ત્યારે જલારામ જયંતિ નિમિત્તે લોકોને પ્રસાદ માટેનું પણ ભવ્ય આયોજન કરાયું હતું.
જલારામ બાપાના મંદિરે જલારામ જયંતી નિમિત્તે ભક્તોની ભીડ (ETV Bharat Gujarat)
જલારામ મંદિરે ઉમટી ભીડ ભક્તોની
ભાવનગર શહેરના આનંદનગરમાં આવેલા જલારામ બાપાના મંદિરે જલારામ જયંતી નિમિત્તે ભક્તોની ભીડ જામી હતી. લોહાણા સમાજ સહિત અન્ય સમાજના લોકો દ્વારા ભાવભેર જલારામ જયંતિની ઉજવણીમાં જોડાયા હતા. જલારામ બાપાના મંદિરમાં વિવિધ સામાજિક કાર્યક્રમમાં પણ યોજવામાં આવ્યા હતા. મોટી સંખ્યામાં ભક્તોએ જલારામ બાપાના દર્શન કરીને આજના દિવસની ઉજવણી કરી હતી.