પ્રેમ સબંધમાં હત્યા.. પત્નીના પ્રેમીની હત્યાના આરોપ મામલે પતિ સહિત અન્ય ચાર લોકોની થઈ ધરપકડ - Murdered in a love affair

સાબરકાંઠાના હિંમતનગરમાં વહેલી સવારે અજાણ્યા યુવકનું મૃતદેહ મળતા સમગ્ર શહેરમાં હડકંપ સર્જાયો હતો. જોકે સાબરકાંઠા જિલ્લા પોલીસે આ મામલે ચાર આરોપીઓની અટકાયત કરી છે તેમજ હત્યા પાછળ પત્નીનો પ્રેમી હોવાના મામલે હત્યા કરાયા હોવાનું ખુલ્યું છે. જાણો. Murdered in a love affair

સાબરકાંઠા:સાબરકાંઠાનું હિંમતનગરમાં બે દિવસ અગાઉ વહેલી સવારે અજાણ્યા યુવકનો મૃતદેહ મળ્યો હતો. જોકે સાબરકાંઠા જિલ્લા પોલીસે આ મામલે તપાસ હાથ ધરતા યુવક સાબર ડેરી નજીક વાદી પરિવારનો હોવાનું ખુલ્યું હતું. સાથે સાથે પોલીસે આ મામલે ઝીણવટ ભરી તપાસ હાથ ધરતા સમગ્ર મામલો હત્યાનો હોવાનું બહાર આવતા પોલીસે આ મામલે ચાર યુવકોની અટકાયત કરી છે.

શું છે સંપૂર્ણ મામલો: પોલીસ દ્વારા આપવામાં આવેલી માહિતી અનુસાર, હિંમતનગરના હાજીપુરની સીમમાં સાબર ડેરી નજીક રહેતા દિલીપ વાસફોડાને ધાણધા ખાતે રહેતા દિનેશભાઈ વાદીની પત્ની સાથે પ્રેમ સંબંધ હતો. જેના પગલે બે દિવસ અગાઉ રાત્રિના સમયે સમગ્ર સંબંધ મામલે સમાધાન કરવાના બહાને તેને હાજીપુર બોલાવ્યો હતો, જ્યાં દિનેશભાઈએ દિલીપભાઈને માથામાં તેમજ મોઢા ઉપર બોથડ પદાર્થના ફટકા મારી સ્થળ ઉપર જ મોતને ઘાટ ઉતાર્યો હતો.

આરોપીઓ સામે હત્યાની કલમ: જોકે હત્યાના મામલે સાબરકાંઠાના હિંમતનગરમાં મૃતક દિલીપ વાસફોડા નશામાં હોવાનું પણ બહાર આવ્યું હતું. જોકે પોલીસે આ મામલે પંચનામું કરી ચારે આરોપીઓને ગણતરીના કલાકોમાં ઝડપી લીધા છે તેમજ ચારેય આરોપીઓ સામે હત્યાની કલમ સહિત તમામને જેલના સળિયા પાછળ ધકેલ્યા છે.

આ પણ વાંચો: