વેસ્ટ - ઈન્ડિઝના સ્ટંપ ઊડ્યા… રેણુકાએ વડોદરામાં મચાવી ધૂમ, પહેલા જ બોલ પર વિકેટ

ભારત અને વેસ્ટ ઈન્ડિઝ વચ્ચે આજે વડોદરાના કોટમ્બી સ્ટેડિયમમાં ત્રીજી અને અંતિમ મેચ રમાઈ રહી છે. જેમાં રેણુકાએ પોતાની બોલિંગથી ધૂમ મચાવી દીધી છે.

વડોદરા:ભારતીય મહિલા ક્રિકેટ ટીમ અને વેસ્ટ ઈન્ડિઝ મહિલા ક્રિકેટ ટીમ વચ્ચે આજે એટલે કે 27 ડિસમ્બરે વડોદરાના કોટમ્બી ઇન્ટરનેશનલ સ્ટેડિયમમાં ત્રણ મેચની વનડે સિરીઝની ત્રીજી અને અંતિમ મેચ રમાઈ રહી છે. જેમાં વેસ્ટ ઈન્ડિઝે ટોસ જીતીને બેટિંગ કરવા મેદાનમાં ઉતર્યા હતા.

પહેલા જ બોલમાં વિકેટ:

ટોસ જીતીને બેટિંગ કરવાનો વેસ્ટ ઈન્ડિઝનો નિર્ણય રેણુકાએ ખોટો સાબિત કર્યો. ભારતની ફાસ્ટ બોલર રેણુકાએ બોલિંગમાં તેનું ઉત્તમ પ્રદર્શન કરતાં મેચના પહેલા જ બોલ પર કયુઆના જોસેફને કોટ બિહાઇન્ડ એટલે કે રિચા ઘોષને કેચ આપી વિકેટ લીધી છે. આજ ઓવરના અંતિમ બોલ પર રેણુકાએ વેસ્ટ ઈન્ડિઝની કેપ્ટન હેલી મેથ્યૂસને બોલ્ડ કરી ભારતને 2 વિકેટ અપાવી.

વેસ્ટ - ઈન્ડિઝની સ્ટાર ખેલાડીને કરી આઉટ:

બે વિકેટ લીધા બાદ પણ રેણુકાએ તેનું ફોર્મ ચાલુ રાખ્યું અને મેચની ચોથી ઓવરના ત્રીજા બોલ પર ડિયોનડ્રા ડોટીન કે ઈન્ડિઝની ખતરનાક ખેલાડી છે તેણે માત્ર 3 રન પર રેણુકાએ બોલ્ડ કરી દીધી હતી. હાલ વેસ્ટ ઈન્ડિઝે 3 વિકેટ સાથે 18 રન બનાવ્યા છે. હાલ 10મી ઓવર ચાલી રહી છે અને 1. 89થી ટીમ રન બનવી રહી છે.

બીજી મેચમાં શું થયું?

બીજી મેચમાં પ્રથમ બેટિંગ કરતા હરલીન દેઓલે શાનદાર બેટિંગ કરી હતી અને 103 બોલમાં 115 રન બનાવ્યા હતા. તેની ઇનિંગમાં 16 ચોગ્ગા સામેલ હતા. તેની સાથે પ્રતિકા રાવલે પણ 76 રનની શાનદાર ઇનિંગ રમી હતી અને સ્મૃતિ મંધને પણ 53 રનની શાનદાર ઇનિંગ રમી હતી. તેની ઇનિંગ્સના આધારે ભારતે 50 ઓવરમાં 5 વિકેટે 358 રન બનાવ્યા હતા. જવાબમાં વેસ્ટ ઈન્ડિઝ માટે હેલી મેથ્યુઝે શાનદાર સદી ફટકારી હતી અને 109 બોલમાં 106 રન બનાવ્યા હતા. જોકે તેને અન્ય બેટ્સમેનોનો સાથ મળી શક્યો નહોતો. પરિણામ એ આવ્યું કે તેમનો દાવ 46.2 ઓવરમાં 243 રન પર સમાપ્ત થયો અને ભારતે 115 રને મેચ જીતી લીધી.

પિચ રિપોર્ટ:

કોટામ્બી સ્ટેડિયમની પિચ મેચના પહેલા હાફમાં બેટિંગ માટે અનુકૂળ હોવાની અપેક્ષા છે. બોલરોને કૃત્રિમ લાઇટ્સથી થોડી મદદ મળી શકે છે, જે શ્રેણીમાં આગળ જતાં નિર્ણાયક બની શકે છે. પીચ પર કાળી માટીની હાજરી પણ સ્પિનરોને રમત આગળ વધવા માટે મદદ કરી શકે છે.

ખેલાડીઓ બ્લેક પટ્ટી બાંધીને મેદાનમાં ઉતર્યા:

દેશના પૂર્વ વડાપ્રધાન મનમોહન સિંહનું ગુરુવારે મોડી રાત્રે એમ્સમાં નિધન થયું હતું. સરકારે 7 દિવસનો રાજ્ય શોક જાહેર કર્યો છે. તેમના નિધનને કારણે કેન્દ્ર સરકારે તમામ સરકારી કાર્યક્રમો રદ્દ કરી દીધા છે. પૂર્વ વડાપ્રધાનના અંતિમ સંસ્કાર રાજ્ય સન્માન સાથે કરવામાં આવશે. માટે આજે વડોદરામાં રમાઈ રહેલ ભારત - વેસ્ટ ઈન્ડિઝ મેચમાં ભારતીય મહિલા ખેલાડીઓ બ્લેકપટ્ટી પહેરીને મેદાનમાં ઉતર્યા હતા.

ભારતીય મહિલા પ્લેઈંગ ઈલેવન:

• સ્મૃતિ મંધાના
• પ્રતિકા રાવલ
• હરલીન દેઓલ,
• હરમનપ્રીત કૌર (C)
• જેમિમા રોડ્રિગ્સ
• રિચા ઘોષ (વિકેટ કીપર)
• દીપ્તિ શર્મા
• તનુજા કંવર
• તિતાસ સાધુ
• પ્રિયા મિશ્રા
• રેણુકા સિંહ

આ પણ વાંચો: