નવી દિલ્હી: T20 વર્લ્ડ કપને હવે એક મહિનો બાકી છે. તમામ ટીમો પોતાની તૈયારીઓને આખરી ઓપ આપી રહી છે. હવે અફઘાનિસ્તાન ક્રિકેટ બોર્ડે પણ 2 જૂનથી શરૂ થનારા T20 વર્લ્ડ કપ માટે પોતાની 15 સભ્યોની ટીમની જાહેરાત કરી છે. આ ટીમની જાહેરાતની સૌથી ખાસ વાત તેનો કેપ્ટન છે. એસીબીએ અનુભવી સ્પિનર રાશિદ ખાનને ટીમનો કેપ્ટન બનાવ્યો છે. પ્રથમ વખત સ્પિનર રાશિદ ખાન ટીમની કમાન સંભાળતો જોવા મળશે.
રાશિદ ખાન કરશે કપ્તાન:અફઘાનિસ્તાને પોતાની ટીમમાં રહેમાનુલ્લા ગુરબાઝ અને મોહમ્મદ ઈશાકને વિકેટકીપર તરીકે સામેલ કર્યા છે. આ સિવાય બેટિંગમાં ગુલબદ્દીન નાયબ, કરીમ જન્નત અને નાંગ્યાલ ખરોતી અને અઝમતુલ્લા ઉમરઝાઈને ટીમમાં સ્થાન આપવામાં આવ્યું છે. ગુલબદ્દીન નાયબે જાન્યુઆરીમાં ભારત સામે રમાયેલી T20 શ્રેણીમાં શાનદાર પ્રદર્શન કર્યું હતું. આ સિવાય ઓલરાઉન્ડર વિભાગની કમાન મોહમ્મદ નબી અને રાશિદ ખાન સંભાળશે.
અફઘાનિસ્તાને ત્રણ ખેલાડીઓ રિઝર્વ રાખ્યા છે:અફઘાનિસ્તાને નવીન ઉલ હક, ફઝલ હક ફારૂકી, મુજીબુર રહેમાન, ફરીદ અહેમદ મલિકને ઝડપી બોલિંગ ઓર્ડરમાં રાખ્યા છે. નૂર અહેમદ, મોહમ્મદ નબી અને રાશિદ ખાન પોતે સ્પિન વિભાગ સંભાળતા જોવા મળશે. આવી સ્થિતિમાં અફઘાનિસ્તાન ઘણી મજબૂત ટીમ દેખાઈ રહી છે. અફઘાનિસ્તાને ત્રણ રિઝર્વ ખેલાડીઓના નામ આપ્યા છે જેમાં હઝરતુલ્લા ઝાઝાઈ, સાદિક અટલ અને સલીમ સૈફીને સ્થાન મળ્યું છે.